Monday, November 09, 2026
Follow Us
State
2025 අධ්‍යයන පොදු සහතික පත්‍ර උසස් පෙළ විභාගයේ නැවත සමීක්ෂණ ප්‍රතිඵල මේ වනවිට නිකුත් කර තිබෙන අතර එම ප්‍රතිඵල www.doenets.lk සහ www.results.exams.gov.lk වෙබ් අඩවි හරහා එම ප්‍රතිඵල පරීක්ෂා කළ හැකි බව විභාග දෙපාර්තමේන්තුව සඳහන් කරයි.
මහනුවර ජාතික රෝහල සඳහා සෘණ පීඩන ඒකලන කාමර (negative pressure isolation rooms) 50කින් සමන්විත පෙර - සැකසූ (pre-fabricated) සිව්මහල් ගොඩනැගිල්ලක් ඉදිකිරීමේ ව්‍යාපෘතියේ වැඩ අවසන් කිරීමට හැකි වන පරිදි ව්‍යාපෘතියේ මුළු පිරිවැය ඇස්තමේන්තුව රුපියල් මිලියන 1,094.22 ක් ලෙස සංශෝධනය කිරිමටත්, ව්‍යාපෘති කාලය 2027-12-31 දක්වා දීර්ඝ කිරීමටත් සෞඛ්‍ය හා ජනමාධ්‍ය අමාත්‍යතුමා ඉදිරිපත් කළ යෝජනාව අමාත්‍ය මණ්ඩලයේ අනුමැතිය ලැබී තිබේ.
වර්තමානයේ ශ්‍රී ලංකාවේ දුම්රිය මෙහෙයුම් වල බහුතරය ඩිසල් බලයෙන් ක්‍රියාත්මක වන අතර, මෙහෙයුම් කාර්යක්ෂමතාව සහ සේවා විශ්වසනීයත්වය වැඩිදියුණු කිරීම සඳහා බොහෝ දුම්රිය මාර්ග, සංඥා පද්ධති සහ ඊට අදාළ යටිතල පහසුකම් වැඩි දියුණු කිරීමේ අවශ්‍යතාව පවතී.
එබැවින්, නවීන හා තිරසර දුම්රිය ප්‍රවාහන පද්ධතියක් ස්ථාපිත කිරීමේ අරමුණින්, නව දුම්රිය මාර්ග ඉදිකිරීම්, ද්විත්ව මාර්ග ඉදි කිරීම, සංඥා පද්ධති වැඩි දියුණු කිරීම සහ දුම්රිය මාර්ග විද්‍යුත්කරණය කිරීම කේන්ද්‍ර කර ගත් දුම්රිය සංවර්ධන වැඩසටහන් කිහිපයක් ශ්‍රී ලංකා රජය විසින් ආරම්භ කරනු ලැබ තිබේ.
ඒ අනුව, ප්‍රවාහන ධාරිතාව වැඩි දියුණු කිරීම, ගමන් කාලය අඩු කිරීම සහ පරිසර හිතකාමී හා තිරසර මහජන ප්‍රවාහන සේවාවකට සහාය වීමේ අරමුණින් අධික මගී ඝනත්වයක් පවතින කොරිඩෝවන්හි දුම්රිය මාර්ග විද්‍යුත්කරණය කිරීමට හඳුනාගනු ලැබ ඇත. එම සංවර්ධන කටයුතු රටේ දිගුකාලීන ප්‍රවාහන නවීකරණ උපාය මාර්ගයේ කොටසක් ලෙස ජාත්‍යන්තර සංවර්ධන ආයතනවල සහාය ඇතිව ක්‍රියාත්මක කිරීමට අපේක්ෂා කරනු ලබයි.
ඒ අනුව, පහත සඳහන් දුම්රිය මාර්ග විද්‍යුත්කරණය සහිතව ඉදි කිරීම සඳහා අවශ්‍ය පියවර ගැනීම පිණිස ප්‍රවාහන, මහා මාර්ග සහ නාගරික සංවර්ධන අමාත්‍යතුමා ඉදිරිපත් කළ යෝජනාව අමාත්‍ය මණ්ඩලය විසින් අනුමත කරන ලදී:
ප්‍රධාන මාර්ගය - ගම්පහ, වේයන්ගොඩ, මීරිගම සහ පොල්ගහවෙල යන දුම්රිය ස්ථාන ගොඩනැගිලි සංවර්ධනය ද ඇතුළුව මරදාන සිට රාගම දක්වා දුම්රිය මාර්ගය
කැලණි වැලි මාර්ගය - මරදාන සිට මාකුඹුර දක්වා දුම්රිය මාර්ගය.
මුහුදුබඩ මාර්ගය - මරදාන සිට පානදුර දක්වා දුම්රිය මාර්ගය.
අධ්‍යයන පොදු සහතික පත්‍ර සාමාන්‍ය පෙළ විභාගය සඳහා අයදුම් පත්‍ර කැඳවීම ජූලි මස 3 වන දින සිට 23 දක්වා මාර්ගගත ක්‍රමවේදය ඔස්සේ සිදුකළ හැකි බව විභාග දෙපාර්තමේන්තුව පවසයි.
මධ්‍යම අධිවේගී මාර්ග ව්‍යාපෘතියේ අදියර - 4 වන මාර්ග කොටසෙහි (කුරුණෑගල සිට දඹුල්ල දක්වා) අදියර - 1 ඉදිකිරීම සඳහා වන ප්‍රසම්පාදනය (කුරුණෑගල සිට ගලේවෙල දක්වා) සඳහා අනුමැතිය හිමි තිබේ.
ශ්‍රී ලංකාව දේශගුණික විචල්‍යතාවන්ට ඉතා සංවේදී රටක් වන බැවින්, ගෝලීය දේශගුණික සංසිද්ධියක් වන එල් නිනෝ තත්ත්වය හේතුවෙන් මෙරට වර්ෂාපතන රටාවන්හි වෙනස්කම්, අධික උෂ්ණත්වය, නියඟ සහ ගංවතුර වැනි ආපදා තත්ත්වයන් ඇති වීමේ අවදානම ඉහළ තත්ත්වයක පවතින අතර, එමඟින් රටේ ආර්ථික හා සමාජ ක්ෂේත්‍ර රැසකට අහිතකර බලපෑම් එල්ල වීමේ හැකියාවක් පවතී.
කොළඹ හා ආශ්‍රිත ප්‍රදේශ රැසකට හෙට (04) පැය 12ක් පුරාවට ජල සැපයුම තාවකාලිකව අත්හිටුවන බව ජාතික ජල සම්පාදන හා ජලාපවහන මණ්ඩලය සඳහන් කරයි.
පොසොන් පුර පසළොස්වක පොහොය නිමිත්තෙන් හෙට (28) සිට දිවයින පුරා මත්පැන්හල් වසා තැබීමට තීරණය කර තිබේ.
රාජ්‍ය නිලධරයන්ගේ සහ විශ්‍රාමිකයන්ගේ වැටුප් සහ විශ්‍රාම වැටුප් පිළිබඳව පවතින ගැටලුවලට විසඳුම් ලබා දීම මූලික කරගෙන විශ්‍රාමික අමාත්‍යාංශ ලේකම්වරයෙකු වන අශෝක පීරිස් මහතාගේ සහාපතිත්වයෙන් යුත් වැටුප් සහ විශ්‍රාම වැටුප් කොමිෂන් සභාවක් ස්ථාපනය කිරීමට ජනාධිපති අනුර කුමාර දිසානායක මහතා ඊයේ (22) පියවර ගෙන ඇත. ඒ අනුව, 2026.06.22 දිනැති අංක-2494/05 දරන අතිවිශේෂ ගැසට් පත්‍රය මගින් එම කොමිෂන් සභාව පිහිටුවීමට ජනාධිපතිවරයා විසින් කටයුතු කර තිබේ.
ජලභීතිකා රෝගය පිළිබඳ ආඥාපනත සහ (477 වන අධිකාරය වූ) සුනඛයින් ලියාපදිංචි කිරීමේ ආඥාපනත ඒකාබද්ධ කර, සුනඛ ගහනය පාලනය කිරීම, සුනඛයින් සඳහා ජලභීතිකා එන්නත් ලබා දීම විධිමත් කිරීම හා අනිවාර්ය කිරීම, සුනඛයින් ලියාපදිංචි කිරීම නීතිමය වශයෙන් ශක්තිමත් කිරීම, එම කාර්යයන් සඳහා වගකිව යුතු ආයතනවල බලතල හා වගකීම් පැහැදිලි කිරීම සහ එකී වගකීම් ක්‍රියාත්මක කිරීමේ යාන්ත්‍රණයක් ස්ථාපිත කිරීම යන කාර්යයන් අරමුණු කර ගනිමින් පනත් කෙටුම්පතක් සකස් කිරීම පිණිස 2025-09-22 දින පැවති අමාත්‍ය මණ්ඩල රැස්වීමේදී අනුමැතිය ලබා දී තිබේ.
2027 වර්ෂයේ පාසල්වල පළමු ශ්‍රේණියට ළමයින් ඇතුළත් කිරීමට අදාළ පුවත්පත් නිවේදනය 2026.06.29 රජයේ පුවත්පත්වල පළ කිරීමට කටයුතු කර ඇති අතර, ඊට අදාළව අධ්‍යාපන උසස් අධ්‍යාපන සහ වෘත්තීය අධ්‍යාපන අමාත්‍යාංශය මඟින් නිකුත් කර ඇති අංක 25/2026 චක්‍රලේඛය www.moe.gov.lk වෙබ් අඩවියට පිවිසීමෙන් ලබාගත හැක.
මෙරට රූපවාහිනී ක්ෂේත්‍රයේ දැවැන්තම තාක්ෂණික විප්ලවය සනිටුහන් කරමින් ක්‍රියාත්මක වන ජාතික ඩිජිටල් රූපවාහිනී විකාශන ව්‍යාපෘතිය (Digital TV Project) කඩිනම් කිරීම සහ ඒ ආශ්‍රිතව පවතින ගැටලු නිරාකරණය කරගැනීම පිළිබඳ විශේෂ සාකච්ඡාවක් පසුගියදා (ජූනි 18) මුදල් අමාත්‍යාංශයේදී සාර්ථකව පැවැත්විණි. මෙම විශේෂ සාකච්ඡාව ඩිජිටල් ආර්ථික අමාත්‍යාංශය සහ මුදල් අමාත්‍යාංශය යටතේ ක්‍රියාත්මක වන (ERD) විදේශ සම්පත් දෙපාර්තමේන්තු අතර පවත්වන ලදී.
අදාළ ආයතන සතුව පවතින උපයෝගිතා වාහන වල හිඟය රජයේ සංවර්ධන ව්‍යාපෘති කාර්යක්ෂමව හා ඵලදායීව ක්‍රියාත්මක කිරීම සඳහා දැඩි බාධාවක් වී ඇති බව හඳුනාගනු ලැබ ඇත.
අ.පො.ස. (සාමාන්‍ය පෙළ) විභාගය- 2025 (2026) වර්ෂයේ සහතික පත්‍ර නිකුත් කරනු ලබන්නේ මාර්ගගතව පමණක් බව දැනුම් දී තිබේ.
2025 අපොස සාමාන්‍ය පෙළ විහාගයෙන් උසස් පෙළට සිසුන් 225,748 සුසුසුකම් ලබා ඇති බව විභාග කොමසාරිස් ජනරාල් ඒ.කේ.එස් ඉන්දිකා කුමාරි සඳහන් කළාය.
යාපනය නගර සභා ගොඩනැගිල්ල ඉදිකිරීමේ ව්‍යාපෘතියේ අදියර - 2 දක්වා සම්පුර්ණ කිරීමේ කාර්යයන්, එම ව්‍යාපෘතියේ කොන්ත්‍රාත්කරු වන මධ්‍යම ඉංජිනේරු සේවා (පුද්ගලික) සමාගම මඟින් රුපියල් මිලියන 1,958.85 ක (බදු රහිත ) සංශෝධිත පිරිවැය ඇස්තමේන්තුවක් යටතේ සිදු කිරීම අමාත්‍ය මණ්ඩලයේ අනුමැතිය ලැබී ඇත.
රජයේ පාසල්වල පළමුවන ශ්‍රේණියට ළමයින් ඇතුළත් කිරීම සම්බන්ධයෙන් එක් එක් වර්ෂයට අදාළව චක්‍රලේඛ උපදෙස් නිකුත් කරනු ලබන අතර, අධ්‍යාපනයේ සමසාධාරණ ප්‍රවේශ අවස්ථා තහවුරු වන පරිදි, විනිවිද භාවයකින් යුතුව, අක්‍රමිකතා අවම වන අයුරින් කටයුතු කිරීමට අවශ්‍ය විධිවිධාන සැලසීම එහි අරමුණ වේ.
සාමාන්‍ය පෙළ ප්‍රතිඵල නැවත සමීක්ෂණය සඳහා ජූනි 25 සිට ජූලි 08 දක්වා මාර්ගගතව (Online) අයදුම්පත් ඉදිරිපත් කිරීමට අවස්ථාව ලබාදී ඇති බව විභාග දෙපාර්තමේන්තුව නිවේදනය කරයි.
Page 5 of 648