Political News
ශ්රී ලංකා නිදහස් පක්ෂයේ ජාතික සංවිධායක දුමින්ද දිසානායක මහතාට කැබිනට් ඇමති ධුරයක් හිමිවීමට නියමිතය. ඒ, මීලඟට සිදුවන කැබිනට් සංශෝධනයේදීයි.
ආර්ථික අර්බුදය විසඳීමට නම් මෙරට පාලනය වෙනස් කළ යුතු බව ජාතික ජනබලවේගය පවසනවා. එහි විධායක කමිටු සාමාජික කේ ඩී ලාල් කාන්ත පැවසුවේ ඒ සඳහා පාලකයින් වෙනස් කිරීම ඵලක් නොවන බවයි.
හිටපු අමාත්ය රාජිත සේනාරත්න සහ රාජ්ය ඖෂධ නීතිගත සංස්ථාවේ හිටපු සභාපති මොහමඩ් රූමි යන අයට කොළඹ මහාධිකරණය හමුවේ 12 අධිචෝදනා කියවාදී තිබෙනවා. ඒ, 2019 වසරේ ජනාධිපතිවරණය පැවැති සමයේ මහත් ආන්දෝලනයකට තුඩු දුන් සුදු වෑන් මාධ්ය සාකච්ඡා සිද්ධිය සම්බන්ධයෙන්.
රනිල් වික්රමසිංහ මහතා ජනාධිපති වුණේ රාජපක්ෂලාගේ ආශිර්වාදයෙන් බව සත්ය වුවත් හිටපු ජනාධිපතිවරයාත් හිටපු අගමැතිවරයාත් ගෙදර යැව්වෙ මේ රටේ පුරවැසි අරගලය විසින් බව වත්මන් ජනාධිපතිවරයාට අමතක වී ඇති බව විපක්ෂ නායක සජිත් ප්රේමදාස මහතා පවසනවා.
එදා ගෝඨාභය රාජපක්ෂ මහතා ප්රචණ්ඩත්වයට එරෙහිව නීතිය ක්රියාත්මක කළේ නම් අද තත්වයන් වෙනස් වන්නට ඉඩ තිබුණු බව හිටපු අමාත්ය නාමල් රාජපක්ෂ මහතා පවසයි.
නව මැතිවරණ ක්රමයක් සම්බන්ධයෙන් ජනමත විචාරණයක් පැවැත්වීමට හෝ නව මැතිවරණ ක්රමයක් සම්බන්ධයෙන් වන මූලික යෝජනාවලියක් අවශ්ය වන බව පැෆරල් සංවිධානය පවසනවා.
2022 අ.පො.ස. උසස් පෙළ විභාගය කල්දමන ලෙස උත්තර ලංකා සභාගයේ නායක විමල් වීරවංශ මහතා ඉල්ලා සිටී.
කළුතර දිස්ත්රික්කයේ පානදුර ආසනයේ සමගි ජන බලවේගයේ බලමණ්ඩල රැස්වීම (10) පැවැත්විණි. අති විශාල පිරිසක් ඊට එක්ව සිටි අතර සමගි ජන බලවේගය බලවේගයේ නායකයින් රැසක් ද ඊට එක්ව සිටියහ.
සිය පක්සයේ නියෝජිතයින් ජගත් මානව හිමිකම් කවුන්සිලයේ මෙවර සැසිවාරයට සහභාගිවන්නේ රටට එරෙහිව කරුනු දැක්වීම සඳහා බවට ඇතැමුන් සිදුකරන ප්රකාශ ප්රතික්ෂේප කරන බව සමගි ජන බලවේගය පවසනවා.
පසුගිය වසර දෙකක කාලය තුළ රාජපක්ෂවරුන්ට කිසිදු හොරකමක් පිළිබඳ කිසිදු චෝදනාවක් එල්ල වී නොමැති බව ශ්රී ලංකා පොදුජන පෙරමුණේ මහලේකම් සාගර කාරියවසම් මහතා පවසයි.
එදා ශ්රී ලංකා පොදුජන පෙරමුණ 69 ලක්ෂයක ජනවරමක් ලබාගත්තේ රනිල් වික්රමසිංහ නමැති බිල්ලා පෙන්වා බව පාර්ලිමේන්තු මන්ත්රී ඩලස් අලහප්පෙරුම මහතා පවසයි.
පාර්ලිමේන්තු මන්ත්රී ප්රේමලාල් ජයසේකර රාජ්ය අමාත්යවරයෙකු ලෙස ජනාධිපති රනිල් වික්රමසිංහ මහතා දිවුරුම් දෙනු ලැබුවා.
පසුගිය වසර දෙකක කාලය තුළ රාජපක්ෂවරුන්ට කිසිදු හොරකමක් පිළිබඳ කිසිදු චෝදනාවක් එල්ල වී නොමැති බව ශ්රී ලංකා පොදුජන පෙරමුණේ මහලේකම් සාගර කාරියවසම් මහතා පවසයි.
මේ වනවිට සාමාජිකයන් 18 දෙනෙකුගෙන් සමන්විත කැබිනට් මණ්ඩලය 30 ක් දක්වා ඉහළ දැමීමට නියමිත බව ආණ්ඩුවේ අභ්යන්තර ආරංචි මාර්ග පවසයි. අලුතින් කැබිනට් තනතුරු හිමිවන බහුතරයක් පොදුජන පෙරමුණේ සාමාජිකයන් බවයි වාර්තා වන්නේ.
එල්ලෙන්න වැල් නැති වෙලාවක ඇමතිවරු පත් කර ජනතාවගේ ප්රශ්න විසඳීමට පෙර ඇමතිවරු තමන්ගේ ප්රශ්න විසඳාගෙන තිබෙන බව සමඟි ජන බලවේගයේ පාර්ලිමේන්තු මන්ත්රී ලක්ෂ්මන් කිරිඇල්ල මහතා පවසයි.
නව ත්රස්ත විරෝධි පනතක් ගෙන ඒමටත්, මැතිවරණ ක්රමය සංශෝධනය කිරීමට අවශ්ය දේශපාලන එකඟතාවයන් සහිතව කටයුතු කරන බවත්, ඒ වෙනුවෙන් මාස 06ක කාලයක් සියලු පක්ෂ වෙනුවෙන් ලබා දී ඇති බවත් ජනාධිපති රනිල් වික්රමසිංහ මහතා පවසනවා.
ජනතාවට ජීවත් වීම සඳහා අවම අවශ්යතා සපුරා ගැනීමට නොහැකි පසුබිමක් තුළ රාජ්ය අමාත්යවරුන් 37 දෙනෙකු පත් කිරීමෙන් රටේ වැය බර තවත් ඉහළ යන බව පාර්ලිමේන්තු මන්ත්රී මහචාර්ය ජී එල් පීරිස් පවසනවා. එක් රාජ්ය අමාත්යවරයෙකුට පස් දෙනෙකුගෙන් සමන්විත කාර්යමණ්ඩලයක් හිමිවන බවයි මන්ත්රීවරයා පැවසුවේ.
Page 117 of 554