තමන් හැමදාමත් සටන් කළේ ගොවීන්ගේ ජීවන මට්ටම ඉහළ නැංවීම සඳහා බව වාරිමාර්ග, ක්රීඩා හා යෞවන කටයුතු අමාත්ය රොෂාන් රණසිංහ මහතා පවසයි.
“වී ගොවියෝ විදියට අපි එක්ලක්ෂ පනස් දාහක් – ලක්ෂ දෙකක් හොයාගන්න දහදුක් විඳිනවා, ඒක අපි පැහැදිලිවම දකිනවා. එතකොට මම හැමදාම සටන් කළේ අඩුගාණේ ගොවියා කාර් එකකවත් යන්න ඕනෙ කියන තැන ඉඳලා“
මහ කන්නය සඳහා පොහොර ලබාදීමට ඇති සූදානම සම්බන්ධයෙන් ද අමාත්යවරයා එහිදී අදහස් දැක්වීය.
“වගාව ආරම්භ වෙන ආකාරයට කෘෂිකර්ම අමාත්යාංශය, පොහොර ලේකම් කාර්යාලය එක්ක සාකච්ඡා කරලා සැලසුම හදලා තියෙනවා. පළවෙනි සති දෙකේදී දැනට ඉන්දියාවෙන් ගෙන්නපු පොහොර ප්රමාණය ඔබට ලබාදීලා ඒ ප්රශ්නය විසඳන්න”
අමාත්ය රොෂාන් රණසිංහ මහතා මේ බව පැවසුවේ මහ කන්නයට ජලය බෙදාහැරීම සම්බන්ධයෙන් පසුගියදා පැවති රැස්වීමක් අමතමිනි.
LNW