Political News
සමගි ජන බලවේගය නියෝජ්ය කතානායක ධූරය සඳහා නමක් යෝජනා කළේ ශ්රී ලංකා පොදුජන පෙරමුණේ ඉල්ලීමකට බව ස්වාධීන වූ මන්ත්රී කණ්ඩායම පවසනවා. 05 පැවති මාධ්ය සාකච්ඡාවකදී ජාතික නිදහස් පෙරමුණේ නායක පාර්ලිමේන්තු මන්ත්රී විමල් වීරවංශ ඒ සම්බන්ධයෙන් මෙලෙස අදහස් පළ කළා.
මේ ජනාධිපති හෝ අගමැති යටතේ රට ගොඩනගන්න බැරි බවත් මේ යන්නේ ආලෝකය වෙනුවට අන්දකාරය වෙත බවත් එබැවින්, අලුත් ආණ්ඩුවක් හදන්න ජනතාවට ඉඩ දෙන්න යැයි විපක්ෂ නායක සජිත් ප්රේමදාස මහතා පවසයි.
අග්රාමාත්ය මහින්ද රාජපක්ෂ මහතා සිය තනතුරින් ඉල්ලා අස්වීමට සූදානමින් සිටින බවට පැතිර යන පුවත් සම්පූර්ණයෙන් අසත්ය බව දිනේෂ් ගුණවර්ධන මහතා පවසනවා.
නියෝජ්ය කතානායක ධුරය සදහා මන්ත්රීවරයෙකු පත් කිරීම අද දිනයේ සිදුවනවා. මීට පෙර ප්රකාශ කෙරුණේ ඊයේ දිනයේ පාර්ලිමේන්තුව රැස්වූ අවස්ථාවේ පළමු කාර්යය ලෙස නියෝජ්ය කතානායක ධුරය සදහා මන්ත්රීවරයෙකු පත්කර ගනු ඇති බවයි. කෙසේවෙතත් ඊයේ පැවති පක්ෂ නායක රැස්වීමේදී තීරණය කෙරුණේ නියෝජ්ය කතානායක ධුරය සදහා ඡන්ද විමසීමක් අද දිනයේ පැවැත්වෙන බවයි.
ජනාධිපතිවරයාට එරෙහිව ගෙන එන විශ්වාසභංග යෝජනාවට සිය පක්ෂය සහය නොදක්වන බව ප්රජාතන්ත්රවාදී වාමාංශික පෙරමුණේ නායක පාර්ලිමේන්තු මන්ත්රී වාසුදේව නානායක්කාර පවසනවා. ආණ්ඩුවේ ස්වාධීනවූ පක්ෂ 11හේ නායකයින් ඊයේ කොළඹ පැවැත්වූ සාකච්ඡාවකින් අනතුරුව මාධ්යවේදියෙකු නැගූ ප්රශ්ණයකට පිළිතුරු ලබාදෙමින් මන්ත්රීවරයා මේ බව ප්රකාශ කළා.
අග්රාමාත්යවරයා ඉවත් වන තුරු ජාතික ආණ්ඩුව බිහිනොවන බව ජාතික නිදහස් පෙරමුණ පවසනවා. මේ හේතුවෙන් රට තවත් අරාජික වන බවයි එම පක්ෂයේ ජාතික සංවිධායක පාර්ලිමේන්තු මන්ත්රි ජයන්ත සමරවීර නෙත් නිවුස් වෙත ප්රකාශ කළේ. රට ගොඩගැනීමට නම් ජනතාවගේ ඉල්ලීම අනුව අග්රාමාත්යවරයා මෙන්ම කැබිනට් මණ්ඩලය ඉල්ලා අස්විය යුතු බව මන්ත්රීවරයා පැවසුවා.
“රට වනසපු හොරු වළල්ල - තොග පිටින් හෙළිදරව්ව” මැයෙන් දේශපාලනඥයින් සම්බන්ධයෙන් තමන් හෙළි කළ සියලු කරුණු සත්ය බව ජනතා විමුක්ති පෙරමුණ පවසනවා.
මෙරට දේශපාලනඥයින් හා ඔවුන්ට සම්බන්ධ පිරිස් සිදුකළ මහා පරිමාණ මූල්ය වංචා ජාත්යන්තර අධිකරණවලදී පවා ඔප්පුවෙමින් ඇති බව ජනතා විමුක්ති පෙරමුණේ නායක පාර්ලිමේන්තු මන්ත්රි අනුර කුමාර දිසානායක පවසනවා.
ශ්රී ලංකා පොදුජන පෙරමුණේ ජාතික සංවිධායක පාර්ලිමේන්තු මන්ත්රි බැසිල් රාජපක්ෂ මුදල් අමාත්ය ධූරයෙන් ඉවත් වීම රංගනයක් පමණක් බව සමගි ජනබලවේගය පවසනවා.
සමගි ජන බලවේගය ඉදිරිපත් කර ඇති විශ්වාසභංග යෝජනාවට සහාය දීමට නම් එම විශ්වාසභංගයෙන් පසුව රට ඉදිරියට ගෙනයෑම සඳහා අන්තර්කාලීන ආණ්ඩුවක් පිහිටුවීමට ඔවුන් එකඟවිය යුතු බව හිටපු අමාත්ය උදය ගම්මන්පිල මහතා පවසයි.
ඉදිරියේදී පිහිටුවීමට නියමිත අන්තර්වාර ආණ්ඩුවේ අග්රාමාත්ය ධුර සඳහා ශ්රී ලංකා පොදුජන පෙරමුණේ ජාතික සංවිධායක බැසිල් රාජපක්ෂ මහතා ද ඉදිරිපත් වී ඇති බව අභ්යන්තර ආරංචිමාර්ග පවසයි.
පවතින ආර්ථික හා දේශපාලන අර්බුද මධ්යයේ තීරණාත්මක පාර්ලිමේන්තු රැස්වීමක් අද පැවැත්වෙනවා. පාර්ලිමේන්තුවේ කටයුතු ආරම්භ වීමට නියමිතව ඇත්තේ උදෑසන 10 ටයි. එහිදී පළමුව නියෝජ්ය කථානායකවරයෙකු තෝරා පත් කර ගැනීමට සිදුව තිබෙනවා. ඒ, නියෝජ්ය කථානායක ධූරය දැරූ පාර්ලිමේන්තු මන්ත්රී රංජිත් සියඹලාපිටිය එම තනතුරෙන් ඉල්ලා අස්වීම හේතුවෙන්.
Page 169 of 553