Political News
හිටපු ජනපති ගෝඨාභය රාජපක්ෂ මහතාගේ ආරක්ෂාවට ප්රභූ ආරක්ෂක අංශයේ පමණක් පුද්ගලයන් 226ක් සේවයේ යොදවා ඇති බව පාර්ලිමේන්තු මන්ත්රි තලතා අතුකෝරාල මහත්මිය කියයි.
2023 වර්ෂය සදහා වන විසර්ජන පනත් කෙටුම්පත නොවැම්බර් 14 වනදා පාර්ලිමේන්තුවට ඉදිරිපත් කිරීමට පාර්ලිමේන්තු කටයුතු පිළිබද කාරක සභාව තීරණය කර තිබෙනවා. ඒ, කතානායක මහින්ද යාපා අබේවර්ධන මහතාගේ ප්රධානත්වයෙන් අද රැස්වූ පාර්ලිමේන්තු කටයුතු පිළිබද කාරක සභාවේදීයි.
22 වන ආණ්ඩුක්රම ව්යවස්ථා කෙටුම්පත සම්මත කරගැනීම සදහා පැවැත්වූ ඡන්ද විමසීම් අවස්ථාවේ තමන් පාර්ලිමේන්තුවේ සිටියේ නම් ඊට පක්ෂව ඡන්දය ලබාදෙන බව පාර්ලිමේන්තු මන්ත්රී එස් එම් චන්ද්රසේන පවසනවා.
ජනාධිපති මාධ්ය ඒකකය සතුව තිබුණු රුපියල් කෝටි ගණනක් වටිනා භාණ්ඩ අස්ථානගත වීමට තමන්ගේ කිසිදු සම්බන්ධයක් නොමැති බව හිටපු ජනාධිපති මෛත්රීපාල සිරිසේන මහතා පවසයි.
පාඩු ලබන රජයට අයත් ආයතන ප්රතිව්යූහගත කළ යුත්තේ විධිමත් ක්රමවේදයක් යටතේ බව කෝප් කමිටුවේ හිටපු සභාපති පාර්ලිමේන්තු මන්ත්රී මහාචාර්ය චරිත හේරත් පවසනවා.
ශ්රී ලංකා පොදුජන පෙරමුණේ මූලික හරයන්ට පටහැනි කරුණු හේතුවෙන් 22 වන ආණ්ඩුක්රම ව්යවස්ථා කෙටුම්පත සම්මත කරගැනීම සදහා පැවැත්වූ ඡන්ද විමසීමට තමන් සහභාගී නොවූ බව පාර්ලිමේන්තු මන්ත්රී මහාචාර්ය රංජිත් බණ්ඩාර පවසනවා.
ද්විත්ව පුරවැසිභාවය සහිත පුද්ගලයින්ට පාර්ලිමේන්තුව නියෝජනය කිරීමට පමණක් නොව රජයේ ඉහළ තනතුරු සදහා ඉල්ලුම් කිරීමටද ඉඩ ලබා නොදිය යුතු බව පැෆරල් සංවිධානය පවසනවා.
ඖෂධ හිඟයට මෙන්ම රටේ ඩොලර් අර්බුදයටත් විසදුමක් ලබාගැනීමට කළ යුත්තේ රටින් පිට කළ ඩොලර් නැවත ගෙන්වා ගැනීම බවත් එය සිදුකළ යුත්තේ පුද්ගලයන් ඉලක්ක කර නොව, වැරදි සිදු කළ කණ්ඩායම් ඉලක්ක කර බවයි විපක්ෂ නායක සජිත් ප්රේමදාස මහතා ප්රකාශ කළා.
ඇමෙරිකාවේ පැවැත්වෙන ප්රසංගයකට සහභාගී වීම සදහා විදේශ ගත වීමට ඊයේ රාත්රීයේ දී කටුනායක ගුවන් තොටුපළ වෙත පැමිණි හිටපු මන්ත්රීවරයෙකු වනරන්ජන් රාමනායක ආපසු හරවා යැවීමට ආගමන විගමන දෙපාර්තමේන්තු නිලධාරීන් පියවර ගෙන තිබූ බව එම දෙපාර්තමේන්තු ප්රකාශකවරයෙකු සඳහන් කර සිටිනවා.
ප්රාදේශීය ලේකම් කොට්ඨාස මට්ටමෙන් දරුවන් රැකබලාගැනීම සඳහා සුරැකුම් මධ්යස්ථාන පිහිට විය යුතු වන අතර එවිට අරගල වැනි කටයුතු සඳහා යන මව්වරුන්ට දරුවන් එම ස්ථානවල සුරක්ෂිතව තබා යා හැකි බව කාන්තා හා ළමා කටයුතු රාජ්ය අමාත්ය ගීතා කුමාරසිංහ මහත්මිය පැවසුවාය.
වර්තමානයේ සෑම ක්ෂේත්රයක්ම කඩා වැටී ඇති බවත් මේ දිනවල රිච්වේ ආර්යා ළමා රෝහලේ පවා ඖෂධ හිඟයක් ඇතිව තිබෙන බවත් එවැනි තත්ත්වයක් පවතිද්දී පවා ජනාධිපති අගමැති ප්රමුඛ ඇමති මණ්ඩලය තාන්න මාන්න ලබා ගෙන වරප්රසාද භුක්ති විදිමින් සිටින බවත් ඔවුන්ට ජනතාව විදින වේදනාව කැපකිරීම් නොපෙනෙන බවත් පැවසූ විපක්ෂ නායක සජිත් ප්රේමදාස මහතා වැඩිදුරටත් කියා සිටියේ අනාගතයේ බිහි වන සමගි ජන බලවේග රජයක් තුළ කැපකිරීම් සිදු කරන්නේ ජනතාව නොව ආණ්ඩුව බව යි.
යාල ජාතික වනෝද්යානයට ඩිෆෙන්ඩර් සහ ජීප් රථවලින් ඇතුළු වූ පිරිස අතර සිය පුත්රයා නොසිටි බව වනජීවී හා වන සංරක්ෂණ අමාත්ය මහින්ද අමරවීර පවසනවා.
රුපියල් මිලියන 75 කට අධික දේපළ සහ මුදල් අයථා ලෙස ඉපයූ බවට චෝදනා කරමින් අල්ලස් හෝ දූෂණ විමර්ශන කොමිසම විසින් තමන්ට එරෙහිව ගොනුකර ඇති නඩුව පවත්වාගෙන යාමට නොහැකි බවට විමල් වීරවංශ මහතා විසින් මූලික විරෝධතාවක් ගොනුකර තිබේ.
21 වන ආණ්ඩුක්රම ව්යවස්ථා සංශෝධනය වීමෙන් අනතුරුව ද්විත්ව පුරවැසිභාවය හිමි පාර්ලිමේන්තු මන්ත්රීවරුන් පිළිබඳ සංවාදය යළි කරළියට පැමිණීමත් සමඟ එවන් ද්විත්ව පුරවැසිභාවය හිමි පාර්ලිමේන්තු මන්ත්රීවරුන් සිටී නම් ඒ සම්බන්ධයෙන් ක්රියාමාර්ගයක් ගන්නා මෙන් කතානායකවරයාගෙන් ඉල්ලා නිදහස් හා සාධාරණ මැතිවරණයක් සඳහා ජනතා ක්රියාකාරීත්වය හෙවත් පැෆ්රල් (PAFFREL) සංවිධානය ලිපියක් නිකුත් කර තිබේ.
Page 100 of 554