Details

Created: 10 August 2023

කාන්තාවන් වැඩිපුරම කාලය ගෙවන්නේ මුළුතැන්ගෙයි නිසා තමන්ගේ රසවත් කෑම හදන ස්ථානය පිළිවෙළට පිරිසුදුවට ලස්සනට තියාගන්න හැමෝම කැමතියි.

මේ නිර්මාණය ඒ ඔයාල වෙනුවෙන්මයි.

අවශ්‍ය ද්‍රව්‍ය:-

ගෝණි නූල් පන්දු (වර්ණ දෙකකින්)

පතරොම් කපා ගැනීමට කාඩ්බෝඩ්

අඩියක් පමණ දිග බයින්ඩින් කම්බියක්

කතුර

මල්ටිෙබාන් ගම් සහ බයින්ඩර් ගම්

ගම් තැවරීමට පින්සලක්

කම්බිකොකු 4ක්

කෘත්‍රිම ඇස් 4ක් සහ ත්‍රිකෝණාකාර කළු පබළු 2ක්

ටිෂූ රෝලක්

අඟල් 3 ප්‍රමාණයේ පතුල රවුම් හැඩැති බඳුනක්

අඟල් 7×7 ප්‍රමාණයේ ගෝණි රෙදි කැබැල්ලක්

පූසා සාදන ආකාරය :

රූපයේ දැක්වෙන පතරොම් පරිදි පූසාගෙ හිස, ඇඟ, වලිගය නිවැරැදිව සලකුණුකර කාඩ්බෝඩ්වලින් කපාගන්න. එලෙසම පූසාගෙ කන සහ අත යන පතරොම්වලින් සමාන කොටස් දෙක බැගින් කපාගන්න.

ඉන්පසු අඟල් 3 ප්‍රමාණයේ පතුල රවුම් හැඩැති භාජනයක් ගෙන එහි පිටතට බයින්ඩර් ගම් ආධාරයෙන් ටිෂූ අලවා තරමක් ඝනකමින් යුතුව තට්ටු කිහිපයක් සිටින සේ එක උඩ එක අලවාගන්න. එය හොඳින් දවසක් වේළාගන්න. එම වේළාගත් කොටස්  භාජනයෙන් ඉවත්කර එය වටා පිටතින් ගෝණි නූල් ඔතන්න. මෙසේ ත්‍රිමාණ ලෙස සකසාගත් කොටස් 3ක් මෙම නිර්මාණය සඳහා අවශ්‍ය වේ. (මීයාගෙ ඇඟට හා පූසාගෙ මුවට)

අපි මුලින්ම කපාගත් කාඩ්බෝඩ් කැබලිවලට පින්සල ආධාරයෙන් මල්ටිෙබාන් ගම් ආලේපකර හරි මැද සිට පිටතට වෙනකම් ‍රූපයේ පරිදි ගෝණි නූල් වර්ණ දෙක භාවිතාකර ළං ළංව සිටින සේ වක්‍රාකාරව පිළිවෙළට අලවාගන්න. දැන් අලවා නිමකරගත් කොටස් ඇඟ, හිස, වලිගය, අත් 2 සහ කන් 2 නිවැරැදිව අවසන් නිර්මාණය පරිදි සකසා පූසා නිර්මාණය කරගන්න. ත්‍රිමාණ ලෙස සකසාගත් පූසාගේ මුවට අවශ්‍ය කොටස් දෙකත් අලවාගන්න. එයට ඉහළින් පූසාගෙ ඇස් සහ නාසය සේ ත්‍රිකෝණ හැඩැති පබළුව අලවාගන්න.

ඉන්පසු බයින්ඩින් කම්බිය ගෙන අඟල් 2 ප්‍රමාණයේ කොටස් 6ක් වන සේ කපා එයට ගෝණි නූල් ඔතාගන්න. පූසාගේ මුවේ දෙපසින් විහිදෙන කෙඳි සේ මේවා හොඳින් සමාන්තරව අලවාගන්න.

දැන් කම්බි කොකු සතර රූපයේ පරිදි පූසාගේ අත් දෙකෙහි හොඳින් සවිවන සේ අලවාගන්න.

මීයා සාදන ආකාරය 

ටිෂූ සහ ගම් භාවිතකර පතරොමේ ප්‍රමාණයට මීයාගෙ හිස  ඕවලාකාර හැඩයට සාදාගන්න. දැන් එයට ගෝණි නූල් ඔතන්න. මුලින් ත්‍රිමාණ ලෙස සකසාගත් මීයාගේ ඇඟ කොටසට මෙම හිස කොටස අලවාගන්න.

අඟල් 3 ප්‍රමාණයේ කම්බි කැබැල්ලක් ගෙන එය වටා ගෝණි නූල් ඔතා මීයාගෙ වලිගය හැඩයට සකසා අලවාගන්න.

අඟල් 7×7 ප්‍රමාණයේ ගෝණි රෙදි කැබැල්ල ගෙන පතරොම් ප්‍රමාණයට කන් කොටස් 2ක් කපාගන්න. එය අලවන විට රූපයේ පරිදි කන හැඩකර අලවාගන්න.

මීයාගේ මුහුණට ඇස් සහ නාසය අලවාගන්න. නාසය දෙපසට අඟලකින් යුතු ගෝණි නූල් කොටස් 6ක් කපා මුවේ කෙඳි සේ අලවාගන්න.

ඉතින් අද අපි අරන් ආවේ ඔයාටම තනියම හදාගන්න පුළුවන් ලස්සන බිත්ති සැරසිල්ලක්. මේකේ ඔයාට යතුරු, අත්පිස්නා, හැඳි වගේ දේවල් එල්ලන්න පාවිච්චි කරන්න පුළුවන්.

Tharunie 

Details

Created: 06 July 2023

පුංචි පුතා ඇඳන් ඉන්නේ අපූරු බතික් ෂ‍ර්ට් එකකි. බතික් ඇඳුමක් දකිද්දී මතක් වෙන්නේ සිංහල අලුත් අවුරුද්දයි. ඒත් ඉතින් එහෙම කියලා දැන් කාලේ විශේෂ වන්නෙත් නැහැනෙ. මේ දවස් වල බතික් වලට වැඩි ඉල්ලුමක් තියෙන නිසා ඔබටත් බතික් රෙද්දක් මිලදී ගෙන ඔබේ පුංචි පුතාට මේ විදිහට බතික් ෂර්ට් එකක් මසාදෙන්න පුළුවන්.

Read more

Details

Created: 17 May 2023

කාන්තා ඔබේ දෑත් නිර්මාණශීලි ය. ඒ නිර්මාණශීලිත්වය ඔප් නංවන්නට අදත් අපි ඔබට අත්කම් නිර්මාණයක් ගෙන එනවා. ඉතින් ඔබේ නිවෙසට එන අමුත්තන්ගේ දෑස් පිනවීමට ඔබ අතින්ම කළ නිර්මාණයක් නිවෙසෙහි එල්ලා තබන්නට හැකි නම් එය කෙතරම් අගනේ ද?

Read more

Details

Created: 08 August 2023

මේ ක්‍රොස් ඕවර් බ්ලවුසයකි.

කාලයේ තාලයට විලාසිතා සොයනා දියණියන්ට කදිමයි. ඩෙනිම් කලිසමකට ගළපාගෙන ඇඳිය හැකියි. යෙහෙළියන් සමඟ විනෝදවීමේ දී, අමතර පන්ති යාමේදී එහෙමත් නැත්නම් පුංචි සාදයකට වුව මෙය ඇඳගෙන යා හැකියි.

මේ බ්ලවුසයට මෙන්න අවශ්‍ය මිමි:-

* උර හිස අඟල් 15 1/2

* කර වට අඟල් 14

* ඉණ දක්වා උස 17

* පපුව වට අඟල් 39

* ඉණ වට අඟල් 32

* අත උස අඟල් 17

* කැප් උස අඟල් 4

* අතඅග වට අඟල් 9

* පතරොමේ අත්කට අඟල් 10

* කප් උස අඟල් 3

මෙම ක්‍රොස් බ්ලවුසයකි සඳහා ඔබට ගැළපෙන රෙදි වර්ගයක් තෝරා ගන්න පුළුවන්. ඇඳුම සඳහා මිමි ගැනීමේදී මඳක් බුරුලට මැන ගන්න.

බ්ලවුසය සාදා ගැනිම සඳහා නැම්මට තබා ගන්න. ඉහළින් හරහට රේඛාවක් අඳින්න. එය උරහිස රේඛාවයි. උරහිස මිම්ම දෙකට බෙදා එම පිළිතුරට මැහුම්වාසි අඟල් 1/2 ක් එකතුකර උරහිස රේඛාවේ හරහට ලකුණු කරන්න. එය AB වේ. B සිට අඟල් 1 3/4

ක් පහත්කර A ලක්ෂයට යා කරන්න. එය AC වේ.

කරවට ප්‍රමාණය හතරෙන් බෙදා එම පිළිතුර A සිට පහතට ලකුණු කරන්න. එය AD වේ. එම පිළිතුරෙන් අඟල් 1/2ක් අඩුකර ඉතිරි ප්‍රමාණය AC රේඛාවේ හරහට ලකුණු කරන්න. එය AE වේ. DE යාකර මුලික කර අඳින්න.

E සිට පහතට ඉණ දක්වා උස පහත්කර හරහට රේඛා අඳින්න.

අත්කට රේඛාවට උස සෙවීම සඳහා උරහිස ප්‍රමාණය දෙකෙන් බෙදා එම පිළිතුර A සිට පහතට ලකුණු කරන්න. එය AF වේ. හරහට රේඛාවක් අදින්න. එය අත්කට රේඛාව යි.

අත්කට රේඛාවට දිග ලකුණු කිරීම සඳහා පපුව වට ප්‍රමාණය හතරෙන් බෙදා එම පිළිතුරට මැහුම් වාසි හා බුරුල සඳහා එකතුකර අත්කට රේඛාවේ හරහට ලකුණු කරන්න එය FG වේ.

ඉණ වට ප්‍රමාණය හතරෙන් බෙදා එම පිළිතුරට බුරුල සඳහා හා මැහුම් වාසි එකතුකර ඉණ රේඛාවේ හරහට ලකුණු කරන්න. එය HI වේ.

GI යාකර අංශය අඳින්න.

අත්කට වක්‍රය ඇඳීම සඳහා C සිට අත්කට රේඛාවට කෙළින් ඉරක් ඇඳ එම රේඛාවේ මැද ලක්ෂ්‍ය ලකුණු කරන්න. උරහිස මිම්මෙන් අඟල් 1/2 අඩුකර ඉතිරි ප්‍රමාණය නැම්මේ සිට මැද ලක්ෂ්‍ය දෙසට ලකුණු කරන්න. C සිට එම ලක්ෂය කැපීයන සේ රේඛාවක් ඇද අත්කට වක්‍රය අදින්න.

පසුපස

පසුපස සඳහා ද නැම්මට තබාගන්න. ඉදිරිපස පතරොම ගාණට තබා ගන්න. ඉදිරිපස උරහිසට සමාන්තරව අඟල් 1ක් උසින් වැඩි කරන්න. පසුපස කර ගැඹුර අඟල් 1 1/2 ක් පහත්කර කපාගන්න .

අත

අත සඳහා රෙදිකොටස නැම්මට තබා ගන්න. ඉහළින් රේඛාවක් අඳින්න. නැම්මේ උඩ සිට පහතට කැප් උස පහත් කරන්න. එය AB වේ. හරහට රේඛාව අඳින්න. A සිට පහතට උස පහත් කරන්න. එය AC වේ. හරහට රේඛාව අඳින්න. එය වාටිය නැම්ම රේඛාව යි. වාටිය රේඛාව සඳහා මැහුම් වාසි තබා වාටිය රේඛාව අඳින්න. පතරොමේ අත්කට ප්‍රමාණය A සිට හැඩේට ලකුණු කරන්න. එය AD වේ. එම රේඛාවේ මැද ලක්ෂ්‍ය ලකුණුකර අත්කට වක්‍රය අඳින්න. අත අග වට ප්‍රමාණය දෙකෙන් බෙදා එම පිළිතුරට මැහුම් වාසි එකතුකර වාටිය රේඛාවේ හරහට ලකුණු කරන්න. එයB E වේ. ED යාකරන්න.

අත අග රැලි කරන්නේනම් රැලි සඳහා අඟල් 2ක් පමණ එකතුකර ගන්න. එය F රේඛාවෙන් පෙන්වා ඇත.

අත අගට කප් එක යොදන්නේ නම් අතේ උසින් එම උස අඩුකර අත සාදා ගන්න. කප් එක සඳහා අවශ්‍ය උසට හා අත අග මිම්මේ දිගට මැහුම්වාසි එකතුකර ගන්න. අවශ්‍ය උස මෙන් දෙගුණයකට රෙදි කපාගන්න.

කරට ඇති බැන්ඩ් කොටස සඳහා බයස් පටියක් භාවිත කරන්න. එය ත්‍රිකෝණාකාරව නවා අඟල් 1 1/2 පමණවන ලෙස උසද කරවට ප්‍රමාණය මැන එම ප්‍රමාණය ට දිගද ගන්න.

මෙන්න මෙහෙම පියවරෙන් පියවර මසා ගනිමු.

* උරහිස මසන්න.

* අත අල්ලාගන්න.

* කරට බයස් පටිය අල්ලාගන්න.

* අංශය මසන්න.

*වාටිය මසන්න.

Tharunie 

Details

Created: 28 June 2023

සරල බවට පහසුවට වටිනාකමක් දෙමින් අඳින පලඳින ඔබට කියාපු ගවුමකි. මේ ගවුම මසා ගැනීමට තෝරා ගන්නා රෙද්දේ වර්ගය අනුව ඕනෑම අවස්ථාවක් සඳහා ගළපා ගත හැකියි.

Read more

Details

Created: 08 May 2023

නෙක වර්ණ රටා මැවිය හැකි සොඳුරු කලාවක් ලෙස රිබන් එම්බ්‍රොයිඩරි කලාව හඳුන්වන්න පුළුවන්. එම කලාවෙන් විවිධ නිර්මාණ බිහි කරන්නට ඔබ නිරතුරු සූදානම්  බවත් අප දන්නා දෙයක්.

Read more

Handmade

තිත් වැටිච්ච පුංචි මුවෙක් මං

Details

Created: 25 July 2023

පුංචි පුංචි තිත් වැටිච්ච පුංචි මුවෙක් මං. සිවුපා ලෝකයේ අහිංසක මුව පැටවුන්ට කවුද අකමැති?

Read more

Handmade

සිත බඳවන නෙතු රවටන සොඳුරුයි මේ කතිර රටා

Details

Created: 19 June 2023

දුටු පමණින් නෙත් සිත් වශී කරගන්නා ආකර්ෂණීය දසුන්වලට හිමිකම් කියනා කතිර රටා පෙළක අලුත් ආරම්භයයි මේ.

Read more

Handmade

සොඳුරු යුවතිය හැඩ කරන රක්ත වර්ණ විලාසිතා

Details

Created: 04 May 2023

අලුත් අලුත් ඇඳුම් අඳින්න අපි හැමෝම දක්වන්නේ පුදුම කැමැත්තක්. A වුණත් මේ පවතින ආර්ථික රටාව A කැමැත්තට හරස් කපනවා වෙන්න පුළුවන්.

හැමදාම ඔබට ළැබැඳි තරුණී නිරතුරුවම අලුත් වන විලාසිතා ඔබට ගෙන Aමට සූදානම්. ඔබේ දෑතින්ම මසාගත් මේ විලාසිතාව ගමනට බිමනට කදිමට ගැළපෙන විලාසිතාවක් බවත් කිව යුතුමයි. නවතම විලාසිතාවන්ට ඇල්මක් දක්වන ඔබටම මෙය නිර්මාණය කර ගැනීම හරහා අලංකාරය මෙන්ම ඔබ පිළිබඳ අභිමානයද ගොඩනඟා ගන්න පුළුවන්.

මේ අලංකාර ඇඳුම හරියටම මසන්නේ කොහොමදැයි අපි දැන් බලමු.

කඳ කොටස, උරහිස, පපුව වට, ඉණ වට, කර පළල, කර ගැඹුර, අත දිග, අත වට, කලිසම, ඉණවට, කලිසම සඳහා උස, කකුල වට ප්‍රමාණය, කර වට උස

කඳ කොටස උරහිස දෙකට බෙදන්න. පපුවට හතර බෙදා අඟල් 1ක් එකතු කරන්න.

ඉණවට

අතවට දෙකට බෙදා අඟල් 1ක් එකතු කරන්න.

මෙම ඇඳුම සඳහා රෙදි යාර 2 1/2 පමණ ප්‍රමාණවත් වේ. (ශරීර ප්‍රමාණය අනුව වෙනස් වේ)

ටොප් එක බල වාටිය මත තබා ගන්න. ඉන් පසු 1 පිටුපසට කොට රේඛාවක් ඇදගන්න. (බොත්තම් වාසි) A ඇඳගත් රේඛාවේ සිට මේ ලකුණු කරන්න.

A -B රේඛාව මත උරහිස 2න්  බෙදා එම අගය ලකුණු  B සිට පහළට 1/2 ලකුණු කර AC රේඛාව ඇඳ ගන්න. (උරහිස රේඛාව)

ඉන්පසු A  සිට පහළට උරහිස  පහළට ලකුණු කර DE රේඛාව ඇඳගන්න. එහි පපුව වට /4+1 එක අගය ලකුණු කරන්න.

ඉන්පසු C හා E රේඛා යා කර එහි හරි මැද ලෙස ලකුණු කර 1/2 පිටුපසට ලකුණු කර අත කට ඇඳගන්න.

D සිට පහළටත් උරහිස /2 අගයම ලකුණු කර F - G රේඛාව ඇඳ එහි ඉණවට / 4+1 එක අගය ලකුණු E- G රේඛාව යා කර අංශය ඇඳගන්න.

A - I කර පළල ලකුණු කර A -බ් ඉදිරිපස කර ගැඹුර ලකුණු කර ඉදිරිපස කර ඇඳගන්න. පිටුපස කර A - ම් ලකුණු කර පිටුපස කර ඇදගන්න.

රෙද්ද දෙකට නවාගන්න. නැම්ම දිගේ මිමි ලකුණු කරන්න. A සිට පහළට සම්පූර්ණ අත උස ලකුණු කර A-B 4" ලකුණු කර BC රේඛාව ඇඳගන්න. (4“ සම්මත අගයකි)

B - C රේඛාව මත උරහිස / 2 අගය ලකුණු කරගන්න.

අත දිග ලකුණු කළ තැන සිට හරහට ඉරක් ඇඳගන්න. D රේඛාව එහි අතවට / 2+1 අගය ලකුණු කරන්න.

ඉන්පසු යට වාටිය සඳහා 1 පමණ තබා C -D හා A C යා කර ගන්න.

A - C හරි සමාන කොටස් හතරකට බෙදා  අඟල් 1/2ද පහළින් 1/2 ඇතුලට ද ලකුණු කර අත් හැඩය ඇඳගන්න.

ඉණවට / 4+1 එන අගය රෙද්ද නැම්මට නවා ගත් ස්ථානයේ සිට හරහට ලකුණු කරන්න. A ලෙස නම් කරන්න.

A සිට පහළට 2“ ලකුණු කර Waist Band  ඇඳ ගන්න.

*එතැන් සිට පහළට කරුවට උස ලකුණු කර (B) කරුව ඇඳගන්න. BC රේඛාව ඇද එහි ඉදිරියට 2 1/2 ලකුණු කර E ද E සිට 3“ ලකුණු කර F ද  ඇඳ ගන්න.

කලිසම උස ලකුණු කර කකුලවට  දෙකට බෙදා අඟල් එකක් එකතු කර එන අගය G රේඛාව මත ලකුණු කරන්න.

E හා F H වෙත යා කරන්න. E H රේඛාවේ දිග මැන F H රේඛාව ලකුණු කර පිටුපස පළුවද ඇඳගන්න. ඉන්පසු Qash Band එක වෙන්කර ගන්න.  ඉදිරිපස පළුවක් හා පිටුපස පාළුවක් සකසා නැම්මට තැබු රෙද්දක් මත තබා

මසා ගන්න

ටොප් එක උරහිස් මූGටු කර අත මසා ගන්න. බොත්තම් දැමී්ම සඳහා Open එක මසාගන්න. අංශය මසා නිම කර ඉදිරිපස යටකොටසට කැමැති ප්‍රමාණයක පටියක් අල්ලා ගන්න.

කලිසම කොටස Waist Band එක මසා කරුව කොටස ඉදිරිපස හා පිටුපස මසා ගන්න. ඉන්පසු යට වාටිය මසාගන්න.

උපදෙස් -

මැහුම් උපදේශිකා සිතාරා නවරත්න

 

Tharunie

Handmade

පේපර් ක්වීලින් ක්‍රමයට වින්ටේජ් නිවෙසක්

Details

Created: 24 July 2023

මෙහිදී පින්තූරයේ වර්ණම භාවිත කළ යුතු නැත. ගැළපෙන ආකාරයට වෙනත් වර්ණවල පටි භාවිතකර අවසන් කරගන්නත් පුළුවනි.

Read more

Handmade

පොඩ්ඩන්ට අපූරු අත්කම් නිර්මාණ

Details

Created: 14 June 2023

පොඩ්ඩන්ට අපූරු අත්කම් නිර්මාණ කිහිපයක් පහතින් ඉදිරිපත් තිබේ

Read more

Handmade

තෙමඟුල හැඩකරන චාම් සුබ පැතුම් පතක්

Details

Created: 02 May 2023

බුදුන් වහන්සේගේ අසිරිමත් තෙමඟුල සිදු වූ වෙසක් මාසය උදාවුණා. ඉතිං බෞද්ධයන් වූ ඔබට ගිය මාසය වගේම මේ මාසයත් හරිම සුවිශේෂියි.

ලස්සන වෙසක් සැරසිලිවලින් නිවෙස අලංකාර කරන්න ඔබ මේ වනවිටත් ලකලෑස්ති වෙනවා ඇති. ඒ වගේම තමයි ඔබේ ළඟම සිටින ඥාති, මිත්‍රාදීන් වෙනුවෙන් වෙසක් කාඩ්පත් තිළිණ කරන්නටත් ඔබ සූදානමින් ඇති. ඉතිං ඒ සඳහා වෙළෙඳපොළේ ඇති කාඩ්පත් මිලට ගෙන තිළිණ කරනවාට වඩා ඔබේ අතින් නිර්මාණය කළ කාඩ්පතක් තිළිණ කරන්නට ඇත්නම් ඒක වටිනවා නේද? බලන්න, අප මේ ලබාදෙන වෙසක් කාඩ්පත් ඔබේ අතිනුත් නිර්මාණය කළ හැකිද කියා.

A4 ෂයින් බෝඩ් එකක්

දම්, සුදු සහ කහ කොළ වර්ණ A4 කොළ

ගම්

කතුරක්

පේපර් ශේඩරයක්

ක්විලින් ටූල් එකක්

තැඹිලි වර්ණ භාග පබළු

පළමුව පේපර් ශේඩරය මඟින් අවශ්‍ය අඟල් 1/8 පටි කපා ගන්න. චෛත්‍යය නිර්මාණය කිරීම සඳහා 1/8 තනි පටිය බැගින් ගෙන ටයිට් රෝල් සාදා ගන්න. මෙම ටයිට් රෝල් අවශ්‍ය වන්නේ චෛත්‍යය වටේ නිර්මාණයකර ගැනීම සඳහායි. චෛත්‍ය ඇතුළත සඳහා 1/8 පටියක් ගෙන එය කොටස් හතරකට කපා ගන්න. කපාගත් එක් කොටස බැගින් ගෙන ස්කැරොල්ස් සාදා ගන්න. චෛත්‍යයේ උඩ කොටස සඳහා ලූස් කොයිල් සාදා දිග කොටු හැඩ සකසා ගන්න. ඉන්පසු උඩම කොටස සඳහාත් ලූස් කොයිල් සාදා ත්‍රිකෝණ හැඩය සාදාගන්න. ෂයින් A4 බෝඩ් එක ගෙන හරි මැදින් දෙකට නමා ගන්න. පසුව පින්තූරයේ පෙනෙන ආකාරයට චෛත්‍යය නිර්මාණය කරගන්න. එහි යටටද ස්කැරොල්ස් කිහිපයක් අලවා අලංකාර කරගන්න.

මෙහි මල් නිර්මාණය කිරීම සඳහා දම් වර්ණයේ සහ සුදු වර්ණයෙන් 1/8 පටි දෙකක් එකට අලවා ක්විලින් ටූල් එක ආධාරයෙන් ලූස් රෝල් සාදා ගන්න. සාදාගත් ලූස් රෝලෙහි හරි මැදින් දෙකට නමා මල් පෙත්ත හැඩකර ගන්න. පින්තූරයේ පෙනෙන පරිදි බෝඩ් එක මත මේ මල් පෙති අලවා මල නිර්මාණය කරගන්න. මලෙහි මැදට භාග පබළුවක් ද අලවා ගන්න. කොළ නිර්මාණය කිරීම සඳහා 1/8 කහ වර්ණ පටිය බැගින් ගෙන මාකීස් සාදාගන්න. මාකීස් තුනක් එකට අලවා කොළ නිර්මාණයකර රූපයේ පෙනෙන ආකාරයට අලවා ගන්න. ඔබ කැමැති පරිදි වෙසක් සුබ පැතුම ලියා හෝ මුද්‍රණයකර අලවා ගත හැකියි. පන්චර් එකක් මඟින් බෝඩර් එකෙහි අයින් කපා අලංකාර කරගන්න.

 

Tharunie