State
අඩු ආදායම්ලාභී පවුල් ලක්ෂ 32කට උපරිමය රුපියල් 7,500 බැඟින් දීමනාවක් ලබාදෙන බව වැවිලි අමාත්ය රමේෂ් පතිරණ පවසනවා.
ලබන සඳුදා සිට විදෙස් ගමන් බලපත්ර නිකුත් කිරීමේදී නව වැඩපිළිවෙළක් ආරම්භ කරන බව අයෝජන ප්රවර්ධන අමාත්ය ධම්මික පෙරේරා පවසනවා. ඔහු කියා සිටියේ කඩිනමින් විදෙස් රැකියා සඳහා පිටත්වීමට අපේක්ෂිත පිරිස් වෙත කඩිනමින් විදේශ ගමන් බලපත්ර නිකුත් කිරීමට පියවර ගෙන ඇති බවයි.
සැලසුම් කළ දුම්රිය ගමන් වාර 22ක් අද දිනයේ අවලංගු කර ඇති බව දුම්රිය දෙපාර්තමේන්තුව පවසනවා. ඉන්ධන අර්බුදය හේතුවෙන් මතුව ඇති ප්රවාහන ගැටලු නිසා කාර්්යය මණ්ඩලයට සේවයට පැමිණීමට නොහැකි වීම හේතුවෙන් එලෙස දුම්රිය ගමන්වාර අවලංගු කිරීමට සිදුව ඇති බවයි එම දෙපාර්තමේන්තුව සඳහන් කළේ.
රට තුළ පවතින ඉන්ධන අර්බුදය හේතුවෙන් ප්රවාහන ක්ෂේත්රයට එල්ල වී ඇත්තේ දැඩි බලපෑමක්. මගී ප්රවාහන සේවා දැඩි තර්ජනයකට ලක්ව ඇත්තේ ඩිසල් නොමැතිවීම හේතුවෙන්. ඒ හේතුවෙන් පෞද්ගලික බස් සියයට 90 කට ආසන්න ප්රමාණයක් මේවනවිටත් ධාවනය වන්නේ නැහැ. එවන් පසුබිමක ජනතාව සිය ප්රවාහන අවශ්යතා සපුරා ගත්තේ දුම්රියෙන් සහ ලංගම බස්රථ වලින්.
මහා පරිමාණ මෝල් හිමියන් සතුව ඇති වී තොග පිළිබඳ තොරතුරු දැනගැනීමට හැකි වන පරිදි නව නීති ගෙන එන බව වෙළඳ අමාත්ය නලින් ප්රනාන්දු පවසනවා. ඔහු කියා සිටියේ පවතින නීති වෙනස් කර වී තොග සගවා ගන්නා පුද්ගලයින්ට එරෙහිව තරාතිරම නොබලා කටයුතු කළ හැකි පරිදි නීති සම්පාදනය කිරීමට පියවර ගෙන ඇති බවයි.
රට තුළ පවතින ඉන්ධන ගැටලුව හේතුවෙන් විදෙස් රටවල සිට මෙරටට පැමිණෙන ගුවන්යානාවලට යළි පිටත්වීම සඳහා අවශ්ය ඉන්ධන සංචිත රැගෙන එන ලෙසට අදාළ ගුවන් සමාගම් වෙත දැනුම්දී තිබෙනවා. ගුවන් තොටුපළ සහ ගුවන් සේවා සමාගමේ සභාපති විශ්රාමික මේජර් ජෙනරාල් ජී.ඒ.චන්ද්රසිරි පැවසුවේ එවන් පසුබිමක් තුළද දිනකට සාමාන්යයෙන් ගුවන් යානා 105 ක් පමණ දිවයිනට පැමිණ, ආපසු පිටත්ව යන බවයි.
මාස 4කට අවශ්ය ගෑස් මෙට්ට්රික් ටොන් ලක්ෂයක් මිලදී ගැනීමට අදාළ ගිවිසුමට අද දිනයේ අත්සන් කිරීමට නියමිතව තිබෙනවා. ඒ, ලිට්රෝ සමාගම සහ ලෝක බැංකුව අතරයි. ලෝක බැංකුවේ සහාය මත මෙම ගෑස් තොගය දිවයිනට ලබාගැනීමටයි නියමිතව ඇත්තේ. ඊට වැය වන මුදල අමෙරිකානු ඩොලර් මිලියන 90 ක්. ඉන් ඩොලර් මිලියන 20 ක් ලිට්රෝ සමාගම ලබාදෙන බවයි අග්රාමාත්යවරයාගේ විශේෂ කමිටු නියෝජිත හිටපු අමාත්ය සාගල රත්නායක පැවසුවේ.
Page 165 of 640