State
රට තුළ ඇති සහල් සංචිතය ලබන සැප්තැම්බර් මාසය තෙක් ප්රමාණවත් වනු ඇතැයි කෘෂිකර්ම අධ්යක්ෂ ජනරාල් ආචාර්ය අජන්ත ද සිල්වා පවසනවා. ඔහු කියා සිටියේ මහ කන්නයේ අස්වනු නෙලීම සිදුවන තෙක් ජනතාවට අවශ්ය සහල් ලබාදීම සඳහා වැඩපිළිවෙළක් සකස් කිරීමට සිදුවන බවයි.
Students to national schools will not be admitted as long as an audit inquiry is concluded on the issue as a slew of misdeeds and misappropriations have been reported on the student admission system to National Schools, Education Minister Susil Premajayantha said yesterday.
වන රක්ෂිතවල කොස් සහ දෙල් ඵලදාව නෙළා ගැනීම සඳහා ජනතාවට අවසර ලබාදීමේ වැඩපිළිවෙලක් ආරම්භ කරන ලෙස කෘෂිකර්ම, වනජීවී සහ වන සංරක්ෂණ අමාත්ය මහින්ද අමරවීර නිලධාරීන්ට උපදෙස් ලබාදී තිබෙනවා. ඒ, වන සංරක්ෂණ නිලධාරීන් සමඟ පැවති සාකච්ඡාවකදීයී.
මෙම වසරේ ණය ගෙවීම සඳහා ඇමරිකානු ඩොලර් බිලියන 5 ක් හා රටේ සංචිත ඉහළ නැංවීම සඳහා තවත් ඩොලර් බිලියන 1ක් අවශ්ය බව අග්රාමාත්ය රනිල් වික්රමසිංහ මහතා පවසනවා. ජාත්යන්තර මූල්ය අරමුදල සමඟ සාකච්ඡා සිදුවෙමින් පවතින බවත් මෙම මාසය අවසන් වන විට එම සාකච්ඡා අවසන් වනු ඇතැයි තමන් අපෙක්ෂා කරන බවත් අග්රාමාත්යවරයා සඳහන් කළා.
කොවිඩ් අරමුදලේ ඇති රුපියල් බිලියන 1.8ක මුදල අත්යාවශ්ය ඖෂධ ගෙන්වීම සඳහා ලබාදෙන ලෙස ජනාධිපති ගෝඨාභය රාජපක්ෂ මහතා විසින් උපදෙස් ලබාදී තිබෙනවා.
2023 වසර සඳහා පළමු ශ්රේණියට සිසුන් ඇතුලත් කිරීමට අදාළ චක්රලේඛය ලබන සතියේ නිකුත් කරන බව අධ්යාපන අමාත්ය සුසිල් ප්රේමජයන්ත් පවසනවා. චක්රලේඛ සහ අමාත්යංශ විසින් ගනු ලබන ප්රතිපත්ති තීන්දු පිළිබඳව පළාත් අධ්යාපන බලධාරීන් සඳහා අද දිනයේ වැඩමුලුවක් ද පවත්වන බවයි අධ්යාපන අමාත්යවරයා සඳහන් කළේ.
පවතින ඉන්ධන අර්බුදය හමුවේ පොලීසියට ලබාදෙන මාසික ඉන්ධන ප්රමාණය සියයට 20 කින් අඩු කිරීමට තීරණය කර තිබෙනවා. ඒ, ඊයේ දිනයේ සිටයි. පොලිස්පතිවරයා විසින් ඊට අදාළ උපදෙස් කොට්ඨාශ භාර නිලධාරීන් සහ අධ්යක්ෂවරුන් වෙත යොමු කර ඇති බවයි වාර්තා වන්නේ.
Page 175 of 638