Social and Equity
2029 වර්ෂය වන විට රටේ සෑම පුද්ගලයෙකුටම අධිවේගී අන්තර්ජාල (High-Speed Broadband) සබඳතාවක් ලබාදීමට සඳහා සැලසුම් කරන බව ඩිජිටල් ආර්ථික අමාත්යාංශ නිලධාරීහු පැවසූහ.
නව්යකරණය වෙමින් පවතින මෙරට තැපෑලට මිලියන 590 කට අධික වටිනාකමකින් යුත් ලොරි රථ 10 ක් සහ කෲ කැබ් 20 ක්
සමස්ථ ව්යාපෘතිය සදහා වෙන්කර කර ඇති මුදල රුපියල් මිලියන 849ක්.
2026, විස්සයි විස්ස ලෝක කුසලාන ක්රිකට් තරගාවලියේ ශ්රී ලංකා - ඔස්ට්රේලියා සහ ඉන්දියා - පාකිස්තාන තරගය සඳහා සියලු ප්රවේශ පත්ර අලෙවිවී තිබෙන බව වාර්තා වෙයි.
ඒ හේතුවෙන් ප්රවේශපත්ර කවුළු වෙත නොපැමිණෙන ලෙසට ශ්රී ලංකා ක්රිකට් ආයතනය ප්රේක්ෂකයන්ගෙන් ඉල්ලා සිටියි.
ඉන්දියාව සහ පාකිස්තානය අතර තරගය අද (15) රාත්රී 07.00ට ආර්. ප්රේමදාස ක්රිකට් ක්රීඩාංගණයේදී ආරම්භවීමට නියමිතව තිබේ.
මේ අතර ශ්රී ලංකාව සහ ඔස්ට්රේලියාව අතර තරගය හෙට (16) නුවර පල්ලේකැලේ ක්රිකට් ක්රීඩාංගණයේදී ආරම්භවීමට අතර එදින බලගොල්ල, අබිතා ක්රීඩාංගණයේ ටිකට්පත් කවුන්ටරය වසා තබනු ඇත.
ඊයේ (13) සවස තලංගම පොලිස් වසමේ අකුරේගොඩ ප්රදේශයේ සුපිරි වෙළඳසැලක රථගාලක මෝටර් රථයක් තුළ සිටි යුවළකට කාර් රථයකින් පැමිණි නාඳුනන පුද්ගලයන් දෙදෙනෙකු විසින් වෙඩි තබා ඝාතනය කිරීමේ අපරාධය සම්බන්ධයෙන් පොලිසිය විමර්ශන ආරම්භ කර ඇති බව පොලීසිය නිවේදනයක් නිකුත්කරමින් සඳහන් කරයි.
ඉදිරියේදී පැවැත්වීමට නියමිත ගුරු විභාග ද්විත්වය පවත්වනු ලබන්නේ පවතින නඩු කටයුතුවලට අදාළ අධිකරණ තීන්දු අනුව බවත්, ලැබී ඇති ඉල්ලීම් සැලකිල්ලට ගෙන උපාධිය ලබාගත් දිනය සම්බන්ධ කොන්දේසි සංශෝධනය කිරීම සඳහා අධිකරණයෙන් ඉල්ලීමක් කිරීමට කටයුතු කළ බවත් අග්රාමාත්ය ආචාර්ය හරිනි අමරසූරිය පැවසුවාය.
නව අධ්යාපන ප්රතිසංස්කරණ පිළිබඳ මොනරාගල දිස්ත්රික්කයේ අධ්යාපන බලධාරීන් දැනුවත් කිරීම වෙනුවෙන් මොනරාගල රාජකීය විද්යාලයේ පැවති සාකච්ඡාවකට එක්වෙමින් අග්රාමාත්යවරිය මේ බව සඳහන් කළාය.
හිටපු අමාත්යවරුන් විසින් පරිහරණය කරන ලද අධිකරණ ස්ථාපිත කිරීමට පවරා ගත් නිල නිවාසවලට උසාවි පිහිටුවීමට අවශ්ය යටිතල පහසුකම් කඩිනමින් ලබා ලෙස අධිකරණ සහ ජාතික ඒකාබද්ධතා අමාත්ය නීතිඥ, හර්ෂණ නානායක්කාර මහතා නිලධාරීන්ට උපදසේ ලබා දී ඇත.
අලි දුම්රියේ ගැටීම වැළැක්වීමට දුම්රියට Thermal Camera පද්ධති සවි කිරීමට කටයුතු කර තිබේ
අලි ඇතුන් දුම්රියේ ගැටීම වළක්වාලීම සඳහා කඩිනම් විසඳුම් ප්රායෝගිකව ක්රියාත්මක කිරීමේ අරමුණෙන් පරිසර අමාත්ය වෛද්ය දම්මික පටබැඳි, ප්රවාහන හා මහාමාර්ග අමාත්ය බිමල් රත්නායක සහ පරිසර නියෝජ්ය අමාත්ය ඇන්ටන් ජයකොඩි යන මහත්වරුන්ගේ ප්රධානත්වයෙන් කමිටුවක් පත් කළ අතර එම කමිටුවෙන් මේ වන විට සාර්ථකව විසදුම් ලබා ගෙන ඇත.
එහිදී දුම්රිය කාලසටහන් වෙනස් කිරීමද සිදු කරන ලද අතර නියමු පර්යේෂණයක් ලෙස මාස දෙකක් ඇතුළත ආත්ර් සී ක්ලාක් අයතනයෙන් හඳුන්වා දුන් Thermal Camera පද්ධති වනඅලි වැඩිපුර ගැවසෙන දුම්රිය මාර්ග ප්රදේශවල දුම්රිය කිහිපයක සවි කිරීමට තීරණය විය.
ඒ් අනුව එම කැමරා පද්ධති දුම්රියේ සවි කිරීම ඊයේ(11) දෙමටගොඩ දුම්රිය අංගනයේ දී සිදුවිය. මෙම කැමරා පද්ධතිය සවි කිරීමෙන් අනතුරුව ඉදිරි සතියක කාලයක් තුළ එහි සාර්ථකත්වය අත්හදා බැලීමට කටයුතු යොදා ඇති අතර පුලතිසි දුම්රියේ දී එම අත්හදා බැලීම සිදු කිරීමට නියමිතය.
එම කාර්යෙන් පසුව මෙම කැමරා පද්ධතියේ එකතු කළ යුතු නව්යතා පිළිබද ඉදිරියේදී තීරණය කිරීමට නියමිතය.
අලිඇතුන් දුම්රියේ ගැටීමට විසඳුම් ලෙස දුම්රිය රියදුරු නිලධාරීන් ඒකාබද්ධතාවයෙන් උතුරු හා මඩකලපු සහ වනාන්තර ආසන්නයෙන් ගමන් ගන්නා දුම්රියන්හි රාත්රී දුම්රිය වාරවලදී අලි ඇතුන් ගැටෙන තැන් පිළිබඳ අවධානයෙන් ගමන් කිරීම සඳහා දැනුවත් කිරීමටත්, ඒ සඳහා දුම්රිය රියදුරන් ඇතුළු කාර්ය මණ්ඩලය සඳහා නිසි පුහුණුවක් ලබා දීමටත්, මෙම කටයුත්ත සඳහා ස්වේච්ඡාවෙන් දායක විය හැකි පරිසර කණ්ඩායම් ඒකාබද්ධ කර ගැනීමේ ක්රියාමාර්ග ගෙන ඇත.
මීට අමතරව අලි දුම්රියේ ගැටීම වැළැක්වීම සදහා දුම්රිය මාර්ග දෙපස සංඥා පුවරු සවි කිරීමේ කටයුතු සිදු කරන ලද අතර දුම්රිය රියදුරන් පූර්වයෙන් දැනුවත් කිරීම මෙහි අපේක්ෂාව වේ.
කළුතර - උතුර මාඩිය මංකඩ ප්රදේශයේ අද (14) සිදුවූ වෙඩි තැබීමකින් තුවාල ලැබූ පුද්ගලයා මිය ගොස් තිබෙන බව වාර්තා වෙයි.
2020 වසරේ ඉදිකිරීම් ආරම්භ කර, මූල්ය අරබුදයත් දේශපාලන අස්ථාවර බාවයත්, ඉදිකිරීම් සමාගම්වල පැවති අවම කාර්ය සාධනයත් හේතුකොට ගෙන ඉදිකිරීම් සම්පූර්ණයෙන්ම නවතා දමා තිබූ රාජගිරිය ඔබේසේකරපුර අරුණෝදය මාවත මහල් නිවාස ව්යාපෘතියේ ඉදිකිරීම් අද (12) නැවත ආරම්භ කෙරිණ.
සෞදි අරාබි රාජ්යයේ නිල ආරාධනයකට අනුව එරට රියාද් නුවර පැවැත්වෙන 2026 ලෝක ආරක්ෂක ප්රදර්ශනයට එක්වීම සඳහා, ආරක්ෂක නියෝජ්ය අමාත්ය මේජර් ජෙනරල් අරුණ ජයසේකර (විශ්රාමික) නිල සංචාරයක නිරත විය.
ශ්රී ලංකා නාවික හමුදාව, ‘රටම එකට’ ජාතික මෙහෙයුමේ ප්රධාන පාර්ශවකරුවෙකු ලෙස මුළු දිවයිනම ආවරණය වන පරිදි අඛණ්ඩව නාවික මෙහෙයුම් ක්රියාත්මක කිරීමේ ප්රතිඵලයක් ලෙස, මන්නාරම දකුණු මුහුදේ සිදුකල විශේෂ නාවික මෙහෙයුමකදී, විෂ මත්ද්රව්ය සහිත බවට සැකකෙරෙන උර දෙකක් (02) ප්රවාහනය කරමින් තිබූ ඩිංගි යාත්රාවක් (01) සමඟ සැකකරුවන් දෙදෙනෙකු අද (14) නාවික හමුදා භාරයට ගැනීමට කටයුතු කෙරිණි.
රටක් වශයෙන් අපේක්ෂා කරන පරිවර්තනීය වෙනස උදාකර ගැනීම සඳහා දියුණු මානව සම්පතක් අත්යවශ්ය වන බවත්, ඒ සඳහා අධ්යාපනය විධිමත්ව ගුණාත්මක අධ්යාපනයක් දරුවන්ට ලබා දීම රජයේ මූලික ප්රමුඛතාවය බවත් අග්රාමාත්ය ආචාර්ය හරිනි අමරසූරිය ප්රකාශ කළාය.
ජනාධිපති අනුර කුමාර දිසානායක මහතා “රටම එකට” ජාතික මෙහෙයුමේ මධ්යම පළාත් වැඩසටහන සඳහා සහභාගිවීමට නුවරඑළියට යන අතරතුර අද (11) පෙරවරුවේ එම දිස්ත්රික්කයේ වතු කම්කරු ජනතාවද හමු වී ඔවුන්ගේ තොරතුරු විමසමින් සුහද කතා බහක නිරත විය.
ජනාධිපති අනුර කුමාර දිසානායක මහතා සහ ජනාධිපති ලේකම් කාර්යාලය ඉදිරිපිට විරෝධතාවයේ නිරත මාදැල් ධීවරයන් අතර සාකච්ඡාවක් ඊයේ (13) ජනාධිපති කාර්යාලයේදී පැවැත්විණි.
කාන්තාවන් පිළිබඳ ජාතික කොමිෂන් සභාවේ සාකච්ඡාවක් පාර්ලිමේන්තු මන්ත්රීවරියන්ගේ සංසදයේ සභාපතිනි, කාන්තා සහ ළමා කටයුතු අමාත්ය සරෝජා සාවිත්රි පෝල්රාජ් මහත්මියගේ සහ ජනාධිපති ලේකම් ආචාර්ය නන්දික සනත් කුමානායක මහතාගේ ප්රධානත්වයෙන් ජනාධිපති කාර්යාලයේදී අද (12) පැවැත්විණි.
පොළොන්නරුව දිස්ත්රික් හිටපු පාර්ලිමේන්තු මන්ත්රී අමරකීර්ති අතුකෝරළට සහ ඔහුගේ ආරක්ෂක නිලධාරියාට පහරදී ඝාතනය කළ බවට වූ චෝදනාවට වරදකරු වූ 12 දෙනෙකුට මරණ දඬුවම නියම කෙරුණි.
Page 4 of 742