Friday, March 29, 2024
Follow Us
Beauty

අපේ ගැහැනු ළමයින්ට තියෙන්නෙ ලොකුම ප්‍රශ්න දෙකයි. එකක් තමයි කෑවේ නැතත් මහත් වෙන ප්‍රශ්නය. අනික තමයි කොච්චර කෑවත් මහත් වෙන්නෙ නැති එක. මහත අඩු කරගන්න නම් ඕනී තරම් ක්‍රම තියෙනව. එත් කෙට්ටු අයට මහත් වෙන්න තියෙන ක්‍රම අඩුයි. අනේ ටිකක් මහත් වෙන්න තිබ්බ නම් කියලා හූල්ලන අයට තමයි අද මේ ලිපිය....

මේ විදිහට ආහාර පාන ගත්තොත් අනිවාර්යෙන් මහත් වෙනවා.

බාර්ලි ඇට අරන් සෝදලා වේළලා කබලේ බදින්න. පසුව කුඩු කරලා බෝතලේකට දාලා සුළං නොවදින්න තියා ගන්න. සෑම උදේකම හිස් බඩ කිරි වීදුරුවට අර බාර්ලි පිටි මේස හැඳි 2ක් සහ ටිකක් දාලා දිය කරලා බොන්න. සතියක් යන්න කලින් මහත් වෙලා තියේවි.

2 මුද්දරප්පලම් කියන්නෙ මහත් වෙන්න කැමති අය කන්න ඕනිම කෑමක්. මලල ක්‍රීඩකයන්ට, කායවර්ධනය කරන අයට පවා නිර්දේශ කරල තියෙන කෑමක්. රෑට නිදියන්න පැය බාගයකට විතර කලින් මුද්දරප්පලම් අහුරක් කන්න. කාලා ඒ වෙලාවෙදිම වතුර වීදුරුවක් බොන්න. සති දෙකක් විතර යද්දි බලන්නකො ප්‍රතිඵල කොහොමද කියල.

3. කෙසෙල් කියන්නෙ කැලරි වැඩි පලතුරක්. මහත් වෙන්න නම් කැලරි වැඩියෙන් ගන්න ඕනි. පොඩි කෙසෙල් ගෙඩියක කැලරි 90ක් තියෙනවා. ලොකු කෙසෙල් ගෙඩියක කැලරි 121ක් තියෙනවා. මහත් වෙන්න ඕනි නම් දවසකට ලොකු කෙසෙල් ගෙඩි දෙකක්වත් කන්න වෙනවා. ඊට අමතරව මෙන්න මේ වැඩෙත් කරල බලන්න. උදේ නැඟිට්ට ගමන් කෙසෙල් ගෙඩි දෙකක් හරි තුනක් හරි කන්න. ඒ කාපු ගමන්ම කිරි වීදුරුවක් බොන්න. ඉක්මනින් ප්‍රතිඵල ලැබෙනවා සත්තයි.

4. ගිතෙල් කියන්නෙත් මහත් වෙන්න කැමති අයට හොඳ කෑමක්. එදිනෙදා කන කෑමවලට ගිතෙල් ටිකක් එකතු කරගන්න එක පුරුද්දක්කර ගත්තොත් කෙට්ටු අයට මහත් වෙන එක එච්චර ලොකු දෙයක් නෙවෙයි. ඊට අමතරව ගිතෙල් හැන්දකට සීනි ටිකක් එකතු කරලා දවසකට වරක් කන්න. ඔයාටම තේරෙයි ටික දවසක් යද්දි ඔයා හිටියට වැඩිය මහත් වෙලා විතරක් නෙවේ සුදු වෙලා පාටත් වැටිල කියලා.

5. ඉක්මනින් මහත් වෙන්න ඕනි අය කන්න ඕනිම එළවළුවක් තමයි කැරට්. කැරට් ගෙඩියක යුෂ දිනපතා බොනව නම් කෙට්ටුව මට්ටු කරන්න ලේසියෙන් පුළුවන්. සීනි ටිකකුත් දාලම බොන්නත් අමතක කරන්න එපා.

6. තවත් පහසුවෙන්ම කාලා මහත් වෙන්න පුළුවන් කෑමක් තමයි රටකජු කියල කියන්නෙ. පෘථිවියේ තියෙන පෝෂණයෙන් වැඩිම ආහාරයක් විදිහට මුළු ලෝකයම පිළිගන්න කෑමක් තමයි රටකජු. ප්‍රෝටීන් සහ ශක්තිය බහුලයි. රටකජුවල තියෙන ප්‍රෝටීන් ඉක්මනින් බර වැඩි කරගන්න උදවු කරනවා.

7. මී පැණි තේ හැන්දක කැලරි 64ක් තියෙනවා. ඊට අමතරව කාබෝහයිඩ්‍රේට් ග්‍රෑම් 17ක් තියෙනවා. ඒ නිසා මී පැණි කියන්නෙත් මහත් වෙන්න හොඳ කෑමක්. උදේම බොන කිරි වීදුරුවටම මී පැණි කෝප්පයක් කලවම් කරලා බීල බලන්නකො. මේකත් මහත් වෙන්න කැමති අයට හොඳ විසඳුමක්. චීස් බෝලයක් වගෙ මහත් වෙලා ලස්සනට පිරිල ඉන්න කැමති අය මේ පානය දිනපතා බීල බලන්නකො.

8. මහත් වෙන්න හිතන අය ටිකක් පරෙස්සම් වෙන්නත් ඕනි. මොකද මහත් වෙන්න කියලා හිතෙන හිතෙන හැටියට කාලා අන්තිමට මහත් වෙන එක කෙසේවෙතත් ලෙඩ ගොඩක් නම් හැදෙන්න ඉඩ තියෙනවා. ඒ නිසා වැදගත් වෙන්නෙ නීරෝගීව මහත් වෙන එකයි. ඒ සඳහා කාබෝහයිඩ්‍රේට් වැඩි කෑම කාලා හරියන්නෙත් නෑ. පිටි කෑම කාලා කාල මහත් වුණොත් නිකම් ලෙඩ ගොඩක් විතරයි ලැබෙන්නෙ. ඒ නිසා කාබෝහයිඩ්‍රේට් අඩු කරලා ප්‍රෝටීන් වැඩිපුර එකතුකර ගන්න. කිරි, බිත්තර, චීස්, අලිගැටපේර, රටඉඳි, මුද්දරප්පලම්, ආමන්ඩ්, ඇට ජාති, යෝගට්, කජු, අර්තාපල් වගේ ආහාර නිතර කන්නත් අමතක කරන්න එපා.

තවත් හුඟක් හොඳ දෙයක්. කට්ටිය පටලවගන්න එපා මේ රටකජුයි සහ පීනට් බටර් ගැන නෙමේ කියල තියෙන්නේ, රටකජුවලින් හදන බටර් ගැන. මිල නම් ටිකක් වැඩියි ඒ වුණාට ගන්න පුළුවන් නම් හුඟක් හොඳයි. මොකද නිකම් වුණත් කන්න පුළුවන්. පීනට් බටර් සිරුරට හුඟක් හිතකර මේද අම්ල සහ කැලරිවලින් සමන්විතයි.

9. කල්පනාවෙන් වතුර බොන්න...

අපේ සිරුරට වතුර අත්‍යවශ්‍යයි. ඒ නිසා වතුර ප්‍රමණවත් තරම් බොන එකත් අත්‍යවශ්‍යයි. ඒ වුණාට මෙතැනදී කියන්න හදන්නේ සමහර වෙලාවල් තියෙනවා ඒ වගේ වෙලාවල්වලට හුඟක් වතුර බොන්න හොඳ නැහැ. උදාහරණයක් කියන්නම්. සමහර අය පුරුදු වෙලා තියනව කන්න කලින් හුඟක් වතුර බොන්න. මේක නම් එච්චර හොඳ දෙයක් නෙමේ. මොකද හේතුව එහෙම හුඟක් වතුර කන්න කලින් බිව්වම ඔයාට බඩ පිරිලා වගේ දැනෙනවා. ඉතින් ප්‍රමාණවත් ත‍රම් අහාර ප්‍රමාණය ඔයාට ගන්න බැහැ. මොකද වතුර නිසා පොඩ්ඩක් කනකොට බඩ පිරිලා. අනිත් හේතුව තමයි වතුර හුඟක් ආමාශයේ තියෙද්දී අපි කන කෑම දිරවන්න අපහසුයි වගේම කෑම හරියට ජීර්ණය වෙන්නෙත් නැහැ .

10. තන්තුමය ආහාර වැඩියෙන් ආහාරයට ගන්න.

මේකත් හුඟක් වැදගත් දෙයක්. හැබැයි අපි වැඩිය සැලකිලිමත් වෙන්නෙත් නැති දෙයක්. අපි කොච්චර කෑම කෑවත් ඒක ජීර්ණය පහසු කරන්න සහ බඩවැල් දිගේ නිසි පරිදි ගමන් කිරීමටත් මේ තන්තු හුඟක් වැදගත් වෙනවා. තව දෙයක් තමයි මල බද්ධය වගේ ලෙඩ රෝගවලින් ආරක්ෂා වෙන්නත් පුළුවන්.

11. හුඟක් හොඳ ශරීරයට හිතකර කාබෝහයිඩ්‍රේට් සහිත අහාර වැඩියෙන් ගන්න. මෙතැනදී අපි අදහස් කරන්නෙ නිකම් කාබෝහයිඩ්‍රේට්වලට වඩා හුඟක් ගුණදායක කාබෝහයිඩ්‍රේට් වර්ග සහිත ආහාර පාන ගන්න තියෙනවානම් හොඳයි කියන එක. උදාහරණයක් විදියට කියනවා නම් බතල, රතු බත් ඊට අමතරව ඕට්ස් වගේ දේවල් ගන්න පුළුවන් නම් හුඟක් හොඳයි. මොකද මේවයේ තන්තු ප්‍රමාණය හුඟක් ඉහළයි. ඒක නිසා ජීර්ණ ක්‍රියාවලිය හුඟක් හොඳට වෙනවා. ඒවගේමයි මේ ආහාරවලින් සිරුරට අහිතකර සීනි එකතු වෙන්නේ නැති නිසා තවත් හොඳයි.

12. නිදා ගන්න කලින් කන්න

මේකත් හුඟක් වැදගත් කරුණක්. සාමාන්‍යයෙන් අපි නිදා ගන්න ගියාම සිරුර පැය 5 - 6 හෝ ඊටත් වැඩි කාලයක් පවතින්නේ බඩගින්නේ. ඒක හොඳ දෙයක් නෙමේ. රෑ නිදා ගන්න පැය 1/2 කලින් වැඩිය බර නැති සැහැල්ලු හා ගුණදායක දෙයක් ගන්න පුළුවන් නම් හුඟක් හොඳයි.

 

Tharunie 

Beauty

මූණ හෝදන්න දන්නවද කියල ඇහුවම කෙනෙක්ට හිනා යන්නත් පුළුවන් මූණ හෝදන එකේ අමුතුවෙන් මොකක් දැනගන්නද කියල. හැබැයි තමන්ගෙ පිරිසුදුකම වගේම රූපලාවණ්‍යය ගැන හිතන කෙනෙක්ට මේක වැදගත් ප්‍රශ්නයක්. නිකම්ම වතුර ටිකකින් තෙමාගෙන සබන් හරි ෆේස්වොශ් හරි ගාලා සෝදන එක ගැන නෙවෙයි අපි මේ කියන්නෙ. සමේ සුන්දරත්වය රැකගන්න හරි විදිහට මුහුණ පිරිසිදු කරගන්න විදිහ ගැන. 

Beauty

හිස් හොරි නිසා කාන්තාවන් මෙන්ම පිරිමින් ද බොහෝ සේ පීඩා විඳියි. හිසකෙස් ගැලවී යෑම, අකලට හිසකෙස් පැසීම යනාදී බොහොමයක් පීඩාකාරී තත්ත්වයන් සඳහා හිස්හොරි බලපෑම් කරයි.

Beauty

කැරලි කොණ්ඩයක් කියන්නේ හැමෝටම හීනයක්. ස්වාභාවිකවම කැරළි කොණ්ඩයක හිමිකාරියක් වීම කියන්නෙම වාසනාවක් කියලයි හැමෝම කියන්නේ. ඒත් කැරලි කොණ්ඩයකට හීන දකින අයටත් ඒ වාසනාවන්තියන් අතරට එකතු වෙන්න පුළුවන් කියලා කිවුවොත් ඔබ පුදුම වෙනව ද? ඇත්තටම දැන් ඒ හීනය සැබෑවක් කරගන්න පුළුවන්. හැබැයි කර්ලි හෙයාර් එකක් නඩත්තු කරන්න ලේසි නැහැ. එයා ටිකක් හිතුවක්කාරයි. ගොඩක් පරිස්සම් කරන්න වෙනවා.

Beauty

සුමුදු සුන්දර දෑතක් ලලනාවන්ට මහත් වූ අභිමානයක්. මුහුණට දක්වන සැලකිල්ල හා සමාන වූ සැලකිල්ලක් දෑත් සඳහා ද දැක්විය යුතුමයි.

හිරු එළියට නිරාවරණය වීමෙන් අත්වල සම අඳුරු වන අතර සිහින් රේඛා ද දක්නට ලැබේ. මේ ආකාරයෙන් දෑත් අව පැහැ වන අතර සම රළු සහ අඳුරු වේ. ඉතින්, ස්වභාවිකව නිවෙසේදී පිළියෙල කළ විවිධ පැක් වර්ගවලින් සුන්දර දෑතක් පවත්වා ගැනීමට කරන ඉඟි කිහිපයකුයි මේ. ඔබේ දෑත් තවදුරටත් අඳුරු වී වියළී නොයන ලෙස ප්‍රමිතියෙන් යුතු සන්ස්ක්‍රීන් එකක් භාවිත කිරීමට සැමවිටම මතක තබා ගත යුතුය.

ඔබේ දෑත් මොයිස්චරයිසර් කරන්න

හොඳ තත්ත්වයේ හෑන්ඩ් මොයිස්චරයිසර් එකක් භාවිත කරන්න, අවම වශයෙන් දිනකට තුන් වතාවක් හෝ අත්වල ආලේප කරන්න.

අත් සේදීම

අත් සෝදන විට මඳ උණුසුම් ජලයෙන් අත් සේදීමට වග බලා ගන්න. අධික උණු වතුර හෝ අධික සීතල ජලය සමට හානි කරයි. පිඟන් සේදීමට ගන්නා සබන් කිසිවිටක අත් සේදීම⁣ට භාවිත නොකරන්න. ඉන් සම රළු වන අතර පහසුවෙන් සම වියළී යයි. මේ ඇති ස්වභාවික තෙල් ඉවත් කරයි.

ස්ක්‍රබ් කිරීම

ඕනෑම මැරුණු සමක් ඉවත් කිරීමට අවම වශයෙන් සතියකට වරක්වත් ඔබේ දෑත් ස්ක්‍රබ් කරන්න. මේ සඳහා සිහින් සීනි සහ තෙල් තේ හැන්දක් බැගින් ගෙන දෙහි භාගයක යුෂ සමඟ හොඳින් මිශ්‍ර කරන්න.

සම්බාහනය

මොයිස්චරයිසර්වලින් ලැබෙන තෙතමනය රඳවා ගැනීමට අවම වශයෙන් මිනිත්තු පහක් රාත්‍රියේදී ඔබේ දෑත් සම්බාහනය කරන්න. ඉතා රළු අත් සඳහා, මොයිස්චරයිසර්, වැස්ලින් ස්වල්පයක් සමඟ මිශ්‍ර කරන්න. එවිට මුළු රාත්‍රිය පුරාම ආරක්ෂා වේවි.

පෝෂ්‍යදායී ආහාර වේලක්

නීරෝගි, ශක්තිමත් නියපොතු ලබා ගැනීමට, ඔබේ දෑත් නම්‍යශීලීව සහ මෘදුව තබා ගැනීමට ප්‍රෝටීන්, විටමින් බී, විටමින් ඊ අතිරේක ඔබේ ආහාර වේලෙහි කොටසක් විය යුතුයි.

නිවෙසේදී සුසිනිඳු දෑතක් පවත්වා ගැනීමට ඔබටත් පුළුවන්.

මෘදු අත් සඳහා කිරි

කිරි යනු අත්වල සමේ පැහැය වැඩි දියුණු කිරීම සඳහා බොහෝ දේ කළ හැකි නිෂ්පාදනයකි. නැවුම් කිරි අත්වල ආලේප කර මෘදු ලෙස සම්බාහනය කරන්න. මෙය පැය භාගයක් තිබෙන්නට හැර අත් සෝදන්න. මෙම පහසු පිළියම දිනකට වරක් උත්සාහ කර දිනපතා මෘදු ලස්සන දෑත් පවත්වා ගන්න. මෙමඟින් දෑත් මෘදු වන අතර අත්වල සම පැහැපත් සහ දිදුලන එකක් කරයි.

සඳුන් වෙතින් අත් පැහැපත් කිරීමේ පැක් එකක්

සඳුන් කුඩු තේ හැඳි 2ක් ගෙන රෝස වතුර ස්වල්පයක් සමඟ මිශ්‍ර කරන්න. මිනිත්තු 30කට පසු මෙය සෝදන්න. සතියකට දෙවතාවක් අත් පැහැපත් කිරීමේ පැක් එක දැමීමට උත්සාහ කරන්න. වියළි බව සහ ලප ඉවත් කර ලස්සන දෑතක් ලබා ගැනීමට මෙය උපකාරී වේවී.

මෘදු අත් සඳහා කෝමාරිකා පැක් එක

කෝමාරිකා ජෙල් තේ හැඳි 2ක් මිශ්‍ර කර එයට ලෙමන් යුෂ තේ හැඳි 2ක් මිශ්‍ර කරන්න. මෙම ආලේපනය අත්වල ආලේපකර විනාඩි 30ක් තබන්න. සාමාන්‍ය ජලයෙන් සෝදා හරින්න.සතියකට දෙවතාවක් මෙම ප්‍රතිකර්මය කරන්න. කෝමාරිකා ඇසුරුම දෑත් මෘදු කරයි. අපි බොහෝ වේලාවක් අව්වේ ගත කරන විට දෑත් අඳුරු වේ. රළු වේ. ඉන් මිදීමට මෙය අනගි පිළියමකි.

පැහැපත් දෑත් සඳහා අර්තාපල් යුෂ

අර්තාපල් යුෂවලට සම පැහැපත් කිරීමේ ගුණ ඇති අතර එය දෑත් පැහැපත් කිරීමට උපකාරී වේ. අර්තාපල් යුෂ දිනපතා අත්වල ආලේප කර විනාඩි 20කින් පසු සෝදා හරින්න. එම ප්‍රතිඵලය ලබා ගැනීම සඳහා ඔබට අල පෙති අතුල්ලන්නත් පුළුවන්. මෙම ප්‍රතිකාරය නිසැකවම ඔබේ දෑත් පැහැපත් වීමට සහ හිරු කිරණින් අවපැහැ වූ දෑත් පෙර පරිදි පවත්වා ගෙන යෑමට උපකාරී වනු ඇත.

පැහැපත් දෑත් සඳහා මී පැණි පැක්එක

මී පැණි තේ හැඳි 2ක් ගෙන එයට නැවුම් ලෙමන් යුෂ තේ හැඳි 2ක් මිශ්‍ර කරන්න. මෙම ලෝෂන් පැක්එක අත්වල ආලේප කරන්න, මෘදු ලෙස සම්බාහනය කරන්න. මී පැණි සම සිනිඳු සහ මෘදු කරන අතර මෙම පැකැට්ටුවේ ලෙමන් යුෂ ඔබේ දෑත් අලංකාර කරයි. පැහැපත් සහ මෘදු කරයි.

අත් සඳහා ලෙමන් සහ ග්ලිසරින් ඇසුරුම

ලෙමන් යුෂ ටිකක් ගෙන ග්ලිසරින් ද සමාන ප්‍රමාණයක් සමඟ මිශ්‍ර කරන්න. ක්‍රීම් සඳහා නිරපරාදේ මුදල් වැය නොකර ලස්සන මෘදු දෑත් පහසුවෙන් ලබා ගැනීමට මෙම පැක්එක අත්වල ආලේප කරන්න. ලෙමන් ඔබේ දෑත් සුදු කරන අතර ග්ලිසරින් ඔබේ අත්වලට අවශ්‍ය තෙතමනය ලබා දෙයි. ග්ලිසරින් දෑත් මෘදු හා සිනිඳු කරයි.

පැහැපත් දෑත් සඳහා මී පැණි පැක්එක

මී පැණි තේ හැඳි 2ක් ගෙන එයට නැවුම් ලෙමන් යුෂ තේ හැඳි 2ක් මිශ්‍ර කරන්න. මෙම ලෝෂන් පැක් එක අත්වල ආලේප කරන්න, මෘදු ලෙස සම්බාහනය කරන්න. මී පැණි සම සිනිඳු සහ මෘදු කරන අතර පැකැට්ටුවේ ලෙමන් යුෂ ඔබේ දෑත් අලංකාරකර පැහැපත් සහ මෘදු කරයි.

 

Tharunie 

Beauty

වියළි හිසකෙස්, කැඩී යන හිසකෙස් ඇති, අධික තාපය සහිත උපකරණ නිතිපතා භාවිත කරන, ස්ට්‍රේට්, රිබොන්ඩින් වැනි රසායනික වෙනස්කම්වලට භාජනය කරනු ලැබූ, වර්ණ ගන්වන ලද හිසකෙස් සඳහා මෙන්ම, කෙස් පැළීමට ලක් වී ඇත්නම් එවැනි හිසකෙස් සඳහා hot oil treatment  එකකින් ලැබෙන සත්කාරය ඉතාම වටී.

Beauty

අපි හැමෝම කැමැතියි ලස්සනට ඉන්න. ඒ නිසා අපි හුඟක් වියදම් කරලා ක්‍රීම් ජාති ගානවා. ඒ වගේම සැලෝන් යනවා. මේ ඔක්කොම දේවල් කරන්නේ මුහුණ පැහැපත් කරගන්න.

Beauty

හැමෝම කැමති කොච්චර වයසට ගියත් බොහොම තරුණ විදිහට ඉන්නනෙ. මේ නිසා ගැහැනු වගේම පිරිමි අයත් නොකරන දෙයක් නෑ. වෙළඳෙෙපාළට එන අලුත් අලුත් දේවල් මේ අය අත්හදා බලන්නේ කොහොම හරි තරුණ පෙනුම රැකගන්න. හැබැයි කොච්චර මේ දේවල් භාවිත කරත් වැඩක් නෑ ඔබ අතින් සමට හානි වෙන දේවල් නොදැනුවත්ව හරි සිදු වෙනවා නම්. අන්තිමට වෙන්නේ ඔබ සම රැකගන්න කොච්චර වියදම් කරත්, ඔබේ වයසටත් වඩා වියපත් පෙනුමක් ඔබට ලැබීමයි. බලන්නකෝ මෙච්චර දවසක් ඔබ අතිනුත් මේ වැරදි ටික වුණාද කියලා.

ඉක්මනින් මුහුණ සේදීම

ඔබ මුහුණ හෝදන්න කොපමණ වෙලාවක් වැය කරනවද? තත්පර 30ක් හෝ විනාඩියක්? මේ වගේ කාලයක් ගත කරනවා නම් එය හොඳයි. නමුත් ඔබ මීටත් වඩා අඩු වෙලාවක් නම් මුහුණ සේදීම සඳහා වැය කරන්නේ, එයින් ඔබේ සමට සිදු වන්නේ යහපතකට වැඩි හානියක්. බොහෝ කාන්තාවන් කරන්නේ ඉක්මනින් මුහුණේ සබන් ටිකක් ගාගෙන වතුර දෙපාරක් තුන්පාරක් මූණට දාගන්න එක. මේ වැඩෙන් ඔබේ සම නිවැරදිව පිරිසිදු වෙන්නෙත් නෑ. ඔබ මුහුණ සේදීම සදහා යම් facewash වර්ගයක් හෝ cleanser වර්ගයක් භාවිත කරනවා නම් ඉන් මුහුණට ලැබිය යුතු උපරිම ප්‍රතිඵල ලබා ගන්න එය අවම වශයෙන් තත්පර 20ක් වත් හොඳින් මුහුණේ අලේප කරමින් සම්බාහනය කල යුතුයි. ඉන් පසුවයි එය සෙමෙන් හොඳින් මුහුණින් සෝදා ඉවත් කළ යුත්තේ. නැතිනම් වෙන්නේ ඔබේ සම මතුපිට ඇති විෂබීජ පමණක් ඉවත් වීමයි. මේ නිසා අවසානයේ ඔබේ සම වියළිභාවයට පත් වෙනවා වගේම ඉක්මනින් වියපත්භාවයටත් පත් වෙනවා.

මුහුණ සේදීමෙන් පසු හොඳින් වියළා නොගැනීම

බොහෝ කාන්තාවන් මුහුණ සේදීමෙන් අනතුරුව මුහුණ හොඳින් පිසදා වියළා ගැනීමට වැඩි උනන්දුවක් දක්වන්නේ නෑ. ඔවුන් කරන්නේ ඉබේම මුහුණ වියළීයාමට ඉඩදී බලා සිටීමයි. රස්නය අධික කාලයට මෙය ඔබට සහනයක් ගෙන දෙන කාරණාවක් වුණාට ඇත්තටම මුහුණේ වතුර ඉබේම වියළී යාමට ඉඩ හැරීම නිසා සම වියළිභාවයට පත් වෙනවා. මේ නිසා ඔබ අනිවාර්යයෙන්ම මතක තබා ගත යුතුයි මුහුණ සේදීමෙන් අනතුරුව හොඳින් පිසදා වියළාගෙන සුදුසු moisturizer වර්ගයක් අලේප කරගන්න.

එකම තුවාය ඇඟට සහ මුහුණට භාවිත කිරීම

බොහෝ දෙනෙක් ඇඟට සහ මූණට වෙන වෙනම තුවා භාවිත කරන්නේ නෑ. නමුත් ඇත්තටම අපි මුහුණට සහ ඇඟට වෙන වෙනම තුවා භාවිත කළ යුතුයි. මොකද නැත්නම් අපේ ඇෙඟ් තියන බැක්ටීරියා අපිම අරන් මුහුණේ ගාගන්න එක තමයි වෙන්නේ. මොකද බොහෝ වෙලාවට අපි මුහුණ හොදින් පිරිසිදු කර ගත්තත් ඇඟ හොඳින් පිරිසිදු කර ගන්නේ නෑ. මේ නිසා හොඳම දේ තමයි ඇඟට සහ මුහුණට වෙන වෙනම තුවා භාවිත කරන එක.

උණුසුමින් වැඩි ජලය මුහුණ සේදීම සදහා භාවිත කිරීම

උණුසුම් ජලයෙන් නාන්න, ඇඟ සෝදන්න වගේම මුහුණ හෝදන්නත් කවුරුත් කැමතියි. නමුත් ඕනෑවට වඩා රස්නේ වතුරවලින් මුහුණ හෝදන එක නම් එච්චර හොඳ දෙයක් නෙවෙයි. මොකද මේ නිසා ඔබේ සම ඉක්මනින් වියළිභාවයට පත්වෙන්න පුළුවන්.

Makeup Brush නිතර පිරිසිදු කර තබා නොගැනීම

makeup brush කියන්නේ දිනපතා අපි භාවිත කරන දෙයක්. නමුත් බොහෝ කාන්තාවන් සිතන්නේ නෑ මේවා නිතර පිරිසිදු කර ගැනීම අනිවාර්ය දෙයක් බව. නමුත් අපි makeup brush පිරිසිදු කර ගන්නේ නැතුව සතියකට වඩා කාලයක් භාවිත කරනවා කියන්නේ අනවශ්‍ය බැක්ටීරියා සහ විසබීජ විශාල ප්‍රමාණයක් makeup සමග මුහුණේ ආලේප කරගන්නවා කියන එක. මේ නිසා වෙන්නේ ඔබේ මුහුණේ කුරුලෑ ඇති වී මුහුණේ සම අසාදනය පත් වීමයි. ඔබට හැමදාමත් මුහුණ ලස්සනට තියාගන්න ඕනේ නම් අනිවාර්යයෙන් දින තුනකට වතාවක්වත් ඔබේ makeup brush ටික පිරිසිදු කර ගන්න.

නින්දට යාමට පෙර මුහුණ නොසේදීම

ඔබ නින්දට යාමට පෙර මුහුණ සේදීම අනිවාර්යයෙන්ම කළ යුතු දෙයක්. මොකද ඔබ නිදා ගන්න ගිය විට ඔබේ සම එය විසින්ම ක්‍රියාත්මක වෙන්න පටන් ගන්නවා. මේ කාලය තුල ඔබේ සම කිසිදු ආකාරයක අහිතකර බැක්ටීරියා සහ විෂබීජ වලින් තොරව ස්වයං ක්‍රියාකාරිත්වයක යෙදීම ඔබේ සම නීරෝගි වීමට බලපානවා.

මේ වැරදි ඔබ අතින් සිදු වෙනවා කියල ඔබ බිය විය යුතු නෑ. මොකද 90% වගේ පිරිසක් අතින් මේ වැරදි එකක් හෝ දෙකක් නැත්නම් සියල්ලක්ම පාහේ සිදු වෙනවා. මේ නිසා අපි කළ යුත්තේ මේ වැරදි මඟ හරවාගෙන සම ආරක්ෂා කර ගන්න කටයුතු කරන එකයි.

Tharunie

Beauty

හිසකෙස් වැටීම යනු මිය ගිය හිසකෙස් සමෙන් හැලීමේ ක්‍රියාවලියයි. හිසකෙස් වැටීම විවිධ වයස් කාණ්ඩවල කාන්තාවන්ගේ මෙන්ම පිරිමින් වෙතිනුත් දැකිය හැකි තත්ත්වයකි.

Beauty

විලාසිතා....විලාසිතා....මනබඳිනා විලාසිතා. කවුරු කොහොම කිවුවත්

විලාසිතා කරන්න අපිත් ආසයි.

"පිටින් පේන මනුස්සයා නෙවෙයි ඇතුළේ ඉන්න කෙනයි වටින්නේ" වගෙ කතන්දර කොච්චර කිවුවත් පිටින් ඉන්න කෙනාව ගණන් ගන්න තමයි අපි ජීවත් වෙන සමාජය පෙළඹෙන්නේ.

Beauty

රූපලාවණ්‍ය නිෂ්පාදන හා සුවඳ විලවුන් කාන්තාවන්ගේ ජීවිතයට වඩාත්ම සමීපයි. දැන් කාලෙ අඩුම වශයෙන් මූණ සෝදන්න ෆේස් වොෂ් එකක් පාවිච්චි නොකරන යුවතියක් සොයා ගැනීමත් අපහසුයි. ඒ තරමටම රූපලාවණ්‍ය නිෂ්පාදනවලට ඉල්ලුමක් තිබෙනවා. රූපලාවණ්‍ය නිෂ්පාදන වගේම ගත සිත පුබුදුවන නැවුම් සුවඳක් හමන අරෝමා තෙල් වර්ග හා සත්කාරවලටත් දැන් හොඳ ඉල්ලුමක් තිබෙනවා.

Beauty

ලස්සන නිය පෙළක් කාන්තා දෑතට සැබැවින්ම අභිමානයක්. නිය පෙළක් තිබුණු පළියටම එය ලස්සන, නීරෝගි නිය පෙළක් වන්නේ නැහැ.

Beauty

ගමනක් යනකොට, වැඩට යනකොට පොඩියට මේකප් එකක් කරන්න ගෑනු ළමයි ආසයිනෙ. හැබැයි ඔයිලි ස්කින් එකක් නැත්නම් තෙල් සහිත හමක් තියෙන යුවතියකට නම් මේකප් කිරිල්ල එපා වෙන්නෙ මේකප් එකෙන් පස්සෙ මුහුණේ තෙල් ගතිය ඉස්මතු වෙන නිසා.

Beauty

ඉවසීම තමයි අවශ්‍යම දේ. ඔබට ඉවසීම සහ කැපවීම නැත්නම් මේ ලිපිය කියවීම ද නවත්තන්න.

 ලේසි මාර්ගවලින් බ්ලීචිං යොදාගෙන සුදු වෙන්න පැහැපත් වෙන්න පුළුවන්. හැබැයි ඊට පස්සෙ ඇතිවන අතුරු ප්‍රතිඵලවලටවත්, තාවකාලික සුදටවත් කවුරුත් වග කියන්නේ නෑ.

ඒ නිසා ඉවසීමෙන් කටයුතු කරොත් ප්‍රතිඵලය ඉතා ඉහළයි. කල් පැවැත්මෙන් යුතුයි.

ඉතින්

මේ විදිහට ලස්සන වෙන රහසක් ගෙන ආවේ ඔයාට ඔයාගේ සම පැහැපත් කරන්නට ඉවසීමෙන් සුදු වෙන්නට.

මේ සුදුවන සත්කාර මාලාව පටන් ගැනීමට පෙර ඔබ විසින් කළ යුතු දේවල් කිහිපයක් තියෙනවා.

ආයෙත් මතක් කරනවා ඉවසීම තමයි අවශ්‍යම දේ. ඔබට ඉවසීම සහ කැපවීම නැත්නම් මේ ලිපිය කියවීම ද නවත්තන්න.

හොඳ ෆේස් වොෂ් එකක් , බොඩි වොෂ් එකක් පාවිච්චියට ගන්න.

සබන් පාවිච්චිය සම්පූර්ණයෙන්ම නතර කරන්න.

තද අව්වේ පිටතට යාම සම්පූර්ණයෙන්ම නවත්තන්න.

එළියට යන්න හොඳ ජැකට් එකක් තියාගන්න.

අත් දිගට, ඕනෑම තැනකට පැලඳීමට සුදුසු අයුරින්.

සමට ගැළපෙන රූපලාවණ්‍ය නිෂ්පාදන භාවිත කරන්න. වර්ග කිහිපයක් කලවමේ භාවිතා නොකරන්න.

රාත්‍රී ආලේපන දහවල් ආලේප නොකරන්න.

රාත්‍රී ආලේපන ගැල්වීමෙන් පසු රස්නය වදින තැන්වලට යන්න එපා. උදාහරණයක් විදියට ගෑස් කුකර් එකේ කෑම උයන්න යන්න එපා.

පසුදින උදෑසනම පෙරදින නින්දට කලින් ආලේප කළ සියල්ල හොඳින් සෝදා හරින්න.

ටෝනර් එකක් භාවිතා කරන්න.

අනවශ්‍ය රෝම ඇත්නම් රේසර් නොකරන තරමට හොඳයි. වැක්ස් කරන්න. සීනි වැක්ස් එක නම් ගොඩක් හොඳයි

රාත්‍රී ආලේපන ඉවත් කරනකොට, මේකප් ඉවත් කරනකොට උණුවතුර කිසිසේත්ම භාවිත කරන්න එපා. සිසිල් ඇල් ජලය පමණක් ගන්න.

හිසකෙස් අවුල් හැර පීරාගන්න. එවිට හිස් කබලට හොඳ සම්බාහනයක් ලැබේවී. විශේෂයෙන් දැති ආකාර කිහිපයක පනා භාවිතා කරන්න.

තෙත පිටින් කොණ්ඩය පීරන්නට එපා. අවුල් හැර ගැනීමට දැති ලොකු පනාවක් භාවිත කරන්න.

නිතරම සුවපහසු බාටා දෙකක් පලඳින්න.

සත්කාරය ඇරඹීමට දින තුනකට පෙර බඩ සුද්ද වී යාම සඳහා බෙහෙතක් බොන්න.

සෝස් වර්ග, සෝස් යෙදූ චයිනීස් කෑම, පේස්ට්‍රි, වෙනත් බේකිං පවුඩර් යෙදූ කෑම, පාන් පිටි සහ එවැනි ඊස්ට් යෙදූ කෑම, පැණි බීම සහ විනාකිරි ආහාරයට ගැනීම සම්පූර්ණයෙන් නවතා දමන්න. (ඔබේ ඉලක්කයට යා යුතු නම් මේ දේවල් සිදු කළ යුතුමයි.)

දිනකට එළවළු වර්ග පහක් කන්න. පලතුරු වර්ග පහක් කන්න.

දින තුනකට පෙර මඳ රස්නය ඇති වතුර පමණක් බොන්න.

හැකි නම් ශරීරය සිසිල් කිරීමට කස කසා ඇට ටිකක් බොන්න. පෙරදින වතුර වීදුරුවකට දමා පසුදින හිස් බඩ පානය කරන්න.

ස්නානයේදී සමට රළු නොවන luffa එකක් භාවිත කරන්න. ගල් කැබලි භාවිත කරන්න එපා.

තරබාරු බව ඇති නම් රාත්‍රී නින්දට පෙර ඩෙටොක්ස් පානයක් ගන්න. Golden milk වෙනුවට

හැකිනම් රතු කැකුළු බත් පමණක් ආහාරයට ගන්න.

තේ වෙනුවට නැවුම් මිරිකාගත් දොඩම් වීදුරුවක් පානය කරන්න.

රාත්‍රී නින්දට පෙර Golden Milk වීදුරුවක් පානය කරන්න.

මාස හයකට වරක් ඔබ සමට භාවිත කරන ආලේපන වර්ගය වෙනස් කරන්න. එකම නිෂ්පාදනය වසර ගණනක් භාවිත කරන්නත් එපා.

Daily Skin Routine ඔබටම, ඔබේ සමටම ආවේණික වූ ආකාරයට සකස් කරගන්න.

නිතර නිතර මුහුණ සෝදන්න එපා. දිනකට දෙවරක් හෝ තුන් වරක් ප්‍රමාණවත්. මොකද සමේ ඇති ස්වාභාවික ගතිය නැතිවෙලා යන්න පුළුවන්.

අලුත් කොට්ටඋරයක් සහ ඇඳ රෙද්දක් දමාගන්න. එය පිරිසුදු කපු එකක් විය යුතුයි.

හිස්හොරි සඳහා හොඳ ප්‍රතිකාරයක් ගන්න.

දිනකට වරක් හොඳින් ස්නානය කරන්න.

සුදුසු ෂැම්පෝ, කන්ඩිෂනර් භාවිතා කරන්න.

සෑම දින තුන-හතරකට වරක් හොඳින් බොඩි ස්ක්‍රබ් කරන්න.

දෙහි ලෙල්ලක් භාවිතයෙන් නියපොතු පිරිසිදු කරගෙන, ලස්සනට කපාගන්න.

කුරුලෑවලට ප්‍රතිකාර ගන්න.

භාවිත කරන ෂැම්පෝ, කන්ඩිෂනර්, ආලේපන තද අව්වට නිරාවරණය නොවන ලෙස තබා ගන්න. මක් නිසාද සූර්ය තාපය නිසා ඒවායේ ඇති structures වෙනස් විය හැකි නිසා.

දවල් කෑමට පසු මුදවපු කිරි කප් එකක් හෝ යෝගට් කප් එකක් ආහාරයට ගන්න.

සිත නිස්කලංක කරගන්න.

අනවශ්‍ය ප්‍රශ්න සිතින් ඉවත් කරන්න.

මස් ආහාරය මඳක් නවතා මේ දින කිහිපයවත් පිරිසුදු අලුත් මාළු කෑමට ගන්න.

සලාද මැල්ලුම් සහ කොළ සම්බෝල වැඩියෙන් ආහාරයට එකතු කරගන්න.

ඔබට ගැස්ට්‍රික් ඇත්නම් එයට නිසි බෙහෙතක් ගන්න.

විශේෂයෙන් අජිනමොටෝ රසකාරක සහිත ක්ෂණික ආහාර රාත්‍රී ආහාරයට නොගැනීම වැදගත්.

අනවශ්‍ය තරහ, වෛරය, ක්‍රෝධය සිතින් අමතකකර නින්දට යන්න.

 

Tharunie

Beauty

කෝමාරිකා කියන්නේ ශ්‍රී ලාංකික නිවෙස්වල දැකිය හැකි සාරවත් ඖෂධීය ශාකයක්. කෝමාරිකා භාවිතය සියවස් ගණනාවක් ඈතට දිව යන අතර ලෝකය පුරා නිවර්තන දේශගුණය තුළ කෝමාරිකා වර්ධනය දැක ගන්නට පුළුවන්. වර්තමානයේ දීත් බොහෝ දෙනා කෝමාරිකාවලින් ප්‍රයෝජන රැසක් ලබා ගන්නවා. විවිධ ප්‍රතිකාරවලට වගේම රූපලාවණ්‍ය කටයුතු සඳහාත් යොදා ගන්නා මෙම කෝමාරිකාවල ගුණ ඇත්ත වශයෙන්ම අසීමිතයි. ඉතින් අද අපි කතා කරන්නේ කෝමාරිකා යුෂ පානය කිරීමෙන් ලැබෙන ප්‍රයෝජන ගැනයි 

සමේ විවිධ තත්ත්වයන් සඳහා ප්‍රතිකාර කරයි 

කෝමාරිකාවල ප්‍රති ගිනි අවුලුවන ගුණ ඇතැයි සැලකෙනවා.එය පිළිස්සුම් ඇතුළු සමේ විවිධ ආබාධයන් සඳහා ප්‍රතිකාර කරන අතරම වියළි සමටද ඉතාම හොඳ තෙතමන කාරකයක් ලෙස භාවිතා කරන්නට පුළුවන්. ඒ වගේම කෝමාරිකා යුෂ පානය කිරීම කොලජන් නිෂ්පාදනය වැඩිදියුණු කිරීමට දායක වෙනවා. වයස අවුරුදු 40යි ඉක්මවා යන කාන්තාවන්ගේ සමේ රැලි ඇති වීම වැළැක්වීම සඳහා කෝමාරිකා යුෂ පානය කිරීම සුදුසු බව පර්යේෂණ මගින් පෙන්වා දී තිබෙනවා.

ආහාර දිරවීමේ ගැටලු සමනය කරයි

කෝමාරිකා යුෂවල ඇන්ත්‍රැක්විනෝන් ග්ලයිකෝසයිඩ් අඩංගු වනවා. මේවා මලබද්ධය සමනය කිරීමට උපකාරීවන විරේචක බලපෑම් සහිත ශාක සංයෝගයි. ඒ වගේම ආහාර ජීරණය පහසු කරවීම, ආම්ලික තාවය වැනි තත්ත්වයන් සමනය කිරීමටද කෝමාරිකා යුෂ පානය කිරීම ප්‍රයෝජනවත් වනවා. උදෑසන කාලයේදී කෝමාරිකා යුෂ පානය කිරීමෙන් නිසි ලෙස ආහාර ජීරණය කරමින් සහ ආහාර ජීරණ පද්ධතිය පිරිසුදු කරමින් ශරීරයේ ඇති විස ඉවත් කිරීමක් ද සිදු කෙරෙනවා.

ඔබව සජලීයව තබයි 

දවස පුරා වැඩිපුර දියර වර්ග පානය කිරීම පුද්ගලයකුට සජලීයව සිටීමට උපකාරී වනවා. සීනි සහිත බීම වර්ග වෙනත් පානවර්ග වලට වඩා කෝමාරිකා යුෂ පානය කිරීම ඔබේ සෞඛ්‍යයට හිතකර වන්නේ පාන වර්ගවලට වඩා අඩු කැලරි ප්‍රමාණයක් කෝමාරිකා යුෂ  වීදුරුවක අඩංගු වීම නිසයි.නමුත් ඔබට ඉතා හොඳ සෞඛ්‍ය ප්‍රතිලාභ ලබා ගැනීමට අවශ්‍ය නම් වෙළඳපොළේ විවිධ වෙළෙඳ  නාමයන් යටතේ ඇති කෝමාරිකා යුෂ පානයන් ලබා ගන්නවාට වඩා නිවෙසේදීම සකස් කරගන්නා කෝමාරිකා යුෂ පානය කිරීම වැදගත්.

ශරීරයට පෝෂ්‍යපදාර්ථ රැසක් ලබා දෙයි 

කෝමාරිවල 98.5 % පමණ ජලය අඩංගුව තිබිය දීත් විටමින්, ඛනිජ ලවණ, මැග්නීසියම්, කැල්සියම් , ෆෝලික් අම්ල සහ ප්‍රතිඔක්සිකාරක ඉතා ඉහළ මට්ටමක පවතිනවා. ඒ වගේම කෝමාරිකා විටමින් ඕ 12  අඩංගු දුර්වල ශාක ප්‍රභවයන්ගෙන් එකක් ලෙස සැලකෙනවා. එම පෝෂකය ශරීරයේ ප්‍රතිශක්තිකරණය වැඩිදියුණු කිරීමට උපකාරී වනවා. 

අජීර්ණ තත්ත්වයන් සමනය කරයි

කෝමාරිකා යුෂ ඉතා ක්ෂාරීයවන අතර, එය අජීර්ණ ලෙසද හැඳින්වෙන ඇසිඩ් පරාවර්තනය සමඟ එන වේදනාකාරී රෝග ලක්ෂණවලට එරෙහිව සටන් කරනවා. ඔබේ ශරීරයේ අජීර්ණ තත්ත්වයක් ඇතිවූ විට , එම අම්ල ආමාශයෙන් පිටවීමට පටන් ගෙන ඔබේ ශරීරයේ ආම්ලික ර්‍ථඩ අගය වැඩිකරනවා.කෝමාරිකා යුෂ පානය කිරීම මඟින් එහි සංයුතිය ඔබේ ආමාශයෙන් පිටවෙන අම්ල ස්‍රාවය පාලනය කරන බැවින් ඔබේ ශරීරයේ සමතුලිතතාවය නැවත යථා තත්ත්වයට පත් කරනවා. 

බර අඩුකර ගැනීම සඳහා උපකාරී වෙයි

සෞඛ්‍ය සම්පන්න ආහාර දිරවීමකට, පරිවෘත්තීය ක්‍රියාවලියට, ශරීරයෙන් විස ඉවත් කිරීමේ ක්‍රියාවලියට සහ ආහාර දිරවීමේ ආධාරකයක් ලෙස කෝමාරිකා ක්‍රියා කරනවා. ඒ වගේම කෝමාරිකාවල අඩංගුවන බී විටමින් සහ එන්සයිම ශරීරයේ මේදය දහනය කිරීමට ඉතා විශාල දායකත්වයක් දක්වනවා. මෙම හේතු නිසා ඔබේ ශරීරයේ අනවශ්‍ය බර අඩුකර ගැනීමට කෝමාරිකා යුෂ පානය කිරීම සුදුසු බව විවිධ අධ්‍යයන මඟින් පෙන්වා දී තිබෙනවා.

විටමින් සී බහුල වෙයි

ශරීරයේ ප්‍රතිශක්තිකරණය වර්ධනය කිරීමට අත්‍යවශ්‍ය පෝෂකයක් ලෙස සැලකෙන විටමින් සී කෝමාරිකාවල වැඩි වශයෙන් අඩංගු වෙනවා. ඒ වගේම සම පැහැපත් කිරීමට ද, ශරීරයට යකඩ අවශෝෂණයකර ගැනීමට ද කෝමාරිකාවල අඩංගු විටමින් සී උපකාරී වනවා.

ස්නායු පද්ධතියේ ක්‍රියාකාරිත්වයට උපකාරී වෙයි

මිනිස් ශරීරයේ ස්නායු පද්ධතියේ නිවැරැදිව ක්‍රියා කරවීමට අත්‍යවශ්‍ය පෝෂකයක් ලෙස මැග්නීසියම් සැලකෙනවා. මොලය, ස්නායු සහ සුසුම්නාව ආදී සියල්ල ස්නායු පද්ධතියේ කොටස් වේ. කෝමාරිකා යනු මැග්නීසියම් වල ඉතා හොඳ ප්‍රභවයක් නිසා කෝමාරිකා යුෂ පානය කිරීම ස්නායු පද්ධතියේ ක්‍රියාකාරිත්වයට ද බලපෑමක් සිදු කරනවා 

කෝමාරිකා යුෂ යනු ඔබේ දවස ආරම්භ කිරීමට සුදුසුවන සෞඛ්‍ය සම්පන්න පානයක්.එය බොහෝ සෞඛ්‍ය ප්‍රතිලාභවලින් සහ පෝෂ පදාර්ථවලින් සමන්විත වනවා.කෙසේ වෙතත් කෝමාරිකා යුෂ ඉක්මනින් ඔක්සිකරණයවන නිසා ඔබ එය පරිභෝජනය කිරීමට සුළු වේලාවකට පෙර සකස්කර ගැනීමට වගබලා ගත යුතුයි. ඒ වගේම ඔබ විවිධ සෞඛ්‍ය ගැටලු සහිත අයෙක් නම් කෝමාරිකා යුෂ පානය කිරීමට පෙර වෛද්‍යවරයෙකුගේ උපදෙස් ලබා ගන්න.

 

Tharunie 

Beauty

ස්වාභාවික අමුද්‍රව්‍ය යොදා ගනිමින් රූපලාවණ්‍ය නිෂ්පාදන නිපදවීම මේ වෙනකොට බොහොම ලාභදායී ව්‍යාපාරයක් බවට පත්වෙලා තියෙනවා. තමන්ගේ පෙනුම ගැන සැලකිලිමත් වෙන ඔබත් මේ නිෂ්පාදන මිලට ගනිමින් පාවිච්චි කරනවා වෙන්න පුළුවන්. ඉතින් තරුණී අපි තීරණය කළා ඔබට පහසුවෙන්ම හොයා ගන්න පුළුවන් ස්වාභාවික අමුද්‍රව්‍ය යොදා ගෙන නිවෙසේදී සකස් කරගන්න පුළුවන් ෆේස් පැක් වර්ග කිහිපයක් ගැන කියලා දෙන්න.

Beauty

සෞඛ්‍ය සම්පන්න කොලෙස්ටරෝල් මට්ටමක් පවත්වා ගැනීමේ වැදගත්කම ගැන කාන්තාවන් වශයෙන් අපට නිතර අසන්නට ලැබේ. අධික කොලෙස්ටරෝල් මට්ටම් හෘද රෝග, ආඝාතය සහ අනෙකුත් බරපතළ සෞඛ්‍ය ගැටලු ඇතිවීමේ අවදානම වැඩි කළ හැකිය. ජාන සහ ජීවන රටාව ඇතුළුව කොලෙස්ටරෝල් මට්ටම ඉහළ යාමට දායක විය හැකි බොහෝ සාධක තිබුණද, විශාලතම වරද වන්නේ අපගේ ආහාර වේලයි. මෙම ලිපියෙන් අපි කොලෙස්ටරෝල් සඳහා සෞඛ්‍ය සම්පන්න නොවන ආහාර කිහිපයක් ගවේෂණයකර සෞඛ්‍ය සම්පන්න මට්ටමක් පවත්වා ගැනීමට ඔබට උපකාරී වන විකල්ප සාකච්ඡා කරමු.

කොලෙස්ටරෝල් යනු කුමක්ද?

අපි කොලෙස්ටරෝල් සඳහා සෞඛ්‍ය සම්පන්න නොවන ආහාරවලට යන්නට පෙර, කොලෙස්ටරෝල් යනු කුමක්ද සහ එය අපගේ සෞඛ්‍යයට වැදගත් වන්නේ මන්දැයි තේරුම් ගැනීම වැදගත්ය. කොලෙස්ටරෝල් යනු අපගේ රුධිරයේ ඇති ඉටි වැනි ද්‍රව්‍යයකි. අපගේ ශරීරයට නිසි ලෙස ක්‍රියා කිරීමට කොලෙස්ටරෝල් අවශ්‍යවන අතර, එය අධික ලෙස වැඩි වීම සෞඛ්‍ය ගැටලු ඇති කරයි. කොලෙස්ටරෝල් වර්ග දෙකක් තිබේ:

LDL බොහෝ විට “නරක” කොලෙස්ටරෝල් ලෙස හැඳින්වේ, මන්ද එය අපගේ ධමනි තුළ ගොඩනඟා හෘද රෝග හා ආඝාත අවදානම වැඩි කරයි. අනෙක් වර්ගය, HDL, බොහෝ විට “හොඳ” කොලෙස්ටරෝල් ලෙස හැඳින්වේ. මන්ද එය අපගේ රුධිරයෙන් LDL ඉවත් කිරීමට උපකාරී වේ.

කොලෙස්ටරෝල් සඳහා අහිතකර ආහාර

බැදපු ආහාර

බදින ලද ආහාරවල බොහෝ විට සංතෘප්ත හා ට්‍රාන්ස් මේද දෙකම ඉහළ වන අතර, එමඟින් LDL කොලෙස්ටරෝල් මට්ටම ඉහළ නැංවිය හැකිය. ෆ්‍රෙන්ච් ෆ්‍රයිස්, ෆ්‍රයිඩ් චිකන් සහ ඩෝනට්ස් වැනි බදින ලද ආහාර සඳහා මේ උදාහරණ වේ. ඔබේ ආහාර බදිනවා වෙනුවට, ඒවා පිලිස්සීම හෝ ග්‍රිල් කිරීමට හෝ උත්සාහ කරන්න. මෙය ඔබගේ සෞඛ්‍යයට අහිතකර මේද ප්‍රමාණය අඩුකර ඔබගේ ආහාර සෞඛ්‍ය සම්පන්න කිරීමට උපකාරී වේ.

සැකසූ මස්

බේකන්, සොසේජස් සහ හැම් වැනි සැකසූ මස් බොහෝ විට සංතෘප්ත මේදය සහ සෝඩියම්වලින් ඉහළ මට්ටමක පවතින අතර, මේ දෙකම ඉහළ කොලෙස්ටරෝල් මට්ටමට දායක වේ. සැකසූ මස් අනුභව කිරීම වෙනුවට, කුකුළු මස්, මාළු සහ රනිල කුලයට අයත් ආහාර වැනි සරල ප්‍රෝටීන ඔබේ ආහාර වේලට ඇතුළත් කිරීමට උත්සාහ කරන්න.

අධික මේද සහිත කිරි නිෂ්පාදන

චීස්, හෙවික්‍රීම් සහ බටර් වැනි කිරි නිෂ්පාදන සංතෘප්ත මේදයෙන් ඉහළ මට්ටමක පවතින අතර එමඟින් LDL කොලෙස්ටරෝල් මට්ටම ඉහළ නැංවිය හැකිය. අධික මේද සහිත කිරි නිෂ්පාදන පරිභෝජනය කරනවා වෙනුවට, අඩු මේද හෝ මේද රහිත කිරි නිෂ්පාදන ඔබේ ආහාර වේලට ඇතුළත් කිරීමට උත්සාහ කරන්න. එනම්, මුදවපු කිරි හෝ අඩු මේද යෝගට් වැනි දේයි.

බේක් කළ ආහාර

කුකීස්, පේස්ට්‍රි සහ කේක් වැනි බේක් කරන ලද ආහාරවල බොහෝ විට සංතෘප්ත සහ ට්‍රාන්ස් මේද දෙකම පිරී පවතින අතර එමඟින් LDL කොලෙස්ටරෝල් මට්ටම වැඩි කළ හැකිය. මෙම බේක් කරන ලද ආහාර වෙනුවට, සම්පූර්ණ තිරිඟු පිටි, පලතුරු යුෂ සහ ස්වාභාවික රසකාරක වැනි විකල්ප අමුද්‍රව්‍ය භාවිත කරමින් සෞඛ්‍ය සම්පන්න විකල්පයන් නිවෙසේදීම සාදා ගැනීමට උත්සාහ කරන්න.

ක්ෂණික ආහාර

ක්ෂණික ආහාරවල බොහෝ විට අධික කොලෙස්ටරෝල් මට්ටමට දායක විය හැකි සංතෘප්ත සහ ට්‍රාන්ස් මේද මෙන්ම සෝඩියම් ද අධික වේ. ඒ නිසා ඒ වෙනුවට, සරල ප්‍රෝටීන් සහිත සලාදයක් හෝ සම්පූර්ණ තිරිඟු පාන්වලින් සැකසූ සැන්ඩ්විච් එකක් වැනි දෙයකින් ඔබේ සෞඛ්‍ය සම්පන්න ආහාර වේල සකසා ගැනීමට උත්සාහ කරන්න.

රතු මස්

හරක් මස් සහ බැටළු මස් වැනි රතු මස්වල බොහෝ විට සංතෘප්ත මේදය අධිකවන අතර, එමඟින් LDL කොලෙස්ටරෝල් මට්ටම ඉහළ නැංවිය හැකිය. මීට අමතරව, රතු මස් බොහෝ විට අධික උෂ්ණත්වවලදී පිසිනු ලබන අතර, හෘද රෝග සඳහා දායක විය හැකි හානිකර සංයෝග නිපදවිය හැකිය. රතු මස් අනුභව කිරීම වෙනුවට, කුකුළු මස්, මාළු සහ රනිල කුලයට අයත් සරල ප්‍රෝටීන ඔබේ ආහාර වේලට ඇතුළත් කිරීමට උත්සාහ කරන්න.

තෙල්

ආහාර පිසීමේදී virgin පොල්තෙල්, virgin ඔලිව් තෙල් හෝ අලිගැටපේර තෙල් වැනි අසංතෘප්ත මේද බහුල තෙල් භාවිත කිරීමට උත්සාහ කරන්න.

බිත්තර කහ මදය

බිත්තර කහ මදය අධික කොලෙස්ටරෝල්වලින් සමන්විත වන අතර, සමහර පුද්ගලයින්ගේ අධික කොලෙස්ටරෝල් මට්ටමට දායක විය හැකිය. කෙසේ වෙතත්, බිත්තර ප්‍රෝටීන් සහ අනෙකුත් පෝෂ්‍ය පදාර්ථවල හොඳ ප්‍රභවයක් වන අතර, එබැවින් ඒවා ඔබේ ආහාර වේලෙන් සම්පූර්ණයෙන්ම ඉවත් කිරීම අවශ්‍ය නොවේ. ඔබ ඔබේ කොලෙස්ටරෝල් මට්ටම ගැන සැලකිලිමත් වන්නේ නම්, ඔබ බිත්තර කහ මදය සීමාකර ආහාර වේලට වැඩිපුර බිත්තර සුදු මද ඇතුළත් කරගන්න.

ස්නැක්ස් ෆුඩ්ස්

චිප්ස් සහ පොප්කෝන් වැනි කෙටි ආහාරවල බොහෝ විට සංතෘප්ත සහ ට්‍රාන්ස් මේද මෙන්ම සෝඩියම් ද ඉහළ ය. මෙම සෞඛ්‍යයට අහිතකර ආහාර අනුභව කරනවා වෙනුවට, නැවුම් පලතුරු, එළවළු හෝ ඇට වර්ග වැනි සෞඛ්‍ය සම්පන්න කෙටි ආහාර ඔබේ ආහාර වේලට ඇතුළත් කිරීමට උත්සාහ කරන්න.

සීනි සහිත බීම

සෝඩා සහ පලතුරු යුෂ වැනි සීනි සහිත බීම බොහෝ විට සීනි සහ කැලරි අධිකවන අතර එය බර වැඩි වීමට සහ ඉහළ කොලෙස්ටරෝල් මට්ටමට දායක වේ. සීනි සහිත බීම වෙනුවට, පිපාසය සඳහා ජලය, පැණිරස නොකළ තේ හෝ පලතුරු යුෂ පානය කිරීමට උත්සාහ කරන්න.

සෞඛ්‍ය සම්පන්න ආහාර තෝරා ගැනීමට අමතරව, ඔබගේ කොලෙස්ටරෝල් මට්ටම වැඩි දියුණු කිරීමට උපකාරීවන වෙනත් ජීවන රටා වෙනස්කම් තිබේ. නිතිපතා ව්‍යායාම කිරීම, සෞඛ්‍ය සම්පන්න වූ නිවැරදි බරක් පවත්වා ගැනීම සහ දුම්පානය නතර කිරීම LDL කොලෙස්ටරෝල් මට්ටම අඩු කිරීමට සහ හෘද රෝග අවදානම අඩු කිරීමට උපකාරී වේ.

උපදෙස් -

විශේෂඥ වෛද්‍ය පෝෂණවේදී

රේණුකා ජයතිස්ස

-Tharunie

Beauty

එදිනෙදා ගමනට බිමනට සිම්පල් මේක්අප් එකක් හරියට දාගන්නෙ කොහොමද කියල නොදන්න බොහෝ තරුණියන් අප අතර ඉන්නවා.