Political News

නව ජනාධිපතිවරයා තෝරා පත්කර ගැනීම සඳහා හෙට (20) පාර්ලිමේන්තුවේදී පැවැත්වෙන ඡන්ද විමසීමේදී ඩලස් අලහප්පෙරුම මහතා වෙනුවෙන් ඡන්දය ප්‍රකාශ කිරීමට ශ්‍රී ලංකා නිදහස් පක්ෂය තීරණය කර තිබේ.

නව ජනාධිපතිවරයා තෝරා පත්කර ගැනීම සඳහා පාර්ලිමේන්තුවේදී පැවැත්වෙන ඡන්ද විමසීමේදී වැඩබලන ජනාධිපති රනිල් වික්‍රමසිංහ මහතා ඡන්ද 124ක් ලබාගනිමින් ජයග්‍රහණය කරන බවට තමන් ඔට්ටු අල්ලන බව ශ්‍රී ලංකා පොදුජන පෙරමුණේ ස්වාධීන පාර්ශ්වය නියෝජනය කරන නිමල් ලංසා මහතා ප්‍රකාශ කර ඇතැයි වාර්තා වේ.

ඡන්දෙට එන්න පහසුකම් ලැබේ

නව සම්මුතිවාදී දේශපාලන ගමනක සමාරම්භය අද සනිටුහන් වූ බව ජනාධිපති අපේක්ෂක පාර්ලිමේන්තු මන්ත්‍රී ඩලස් අලහප්පෙරුම පවසනවා. ජනාධිපති අපේක්ෂකත්වය සඳහා නාමයෝජනා භාරදීමෙන් අනතුරුව විපක්ෂ නායක සජිත් ප්‍රේමදාස මහතා සමඟ ඒකාබද්ධ මාධ්‍ය හමුවකට එක්වෙමින් ඔහු මේ බව කියා සිටියා.

ඉක්මනින්ම තමන්ට නිදහස හිමිවනු ඇතැයි තමන් අපේක්ෂා කරන බව හිටපු පාර්ලිමේන්තු මන්ත්‍රී රංජන් රාමනායක මහතා පවසයි.

හිටපු පාර්ලිමේන්තු මන්ත්‍රී රන්ජන් රාමනායක මහතා ජනාධිපති සමාව යටතේ නිදහස් කිරීම සම්බන්ධයෙන් මේ දිනවල බොහෝදෙනාගේ අවධානය යොමුව තිබේ. අවස්ථා කිහිපයකදී රන්ජන් රාමනායක මහතා නිදහස් කරන්නැයි හිටපු ජනාධිපති ගෝඨාභය රාජපක්ෂ මහතාගෙන් ඉල්ලා සිටි නමුත් ඊට ඔහුගේ එකඟතාවය හිමි නොවීය.

අනුප්‍රාප්තික ජනාධිපතිවරයා තෝරා පත් කර ගැනීම සඳහා හෙට පැවැත්වෙන ඡන්ද විමසීම මේ වන විට තුන් කොන් සටනක් බවට පත්ව තිබෙනවා. ඒ, ජනාධිපති අපේක්ෂකත්වය සඳහා මන්ත්‍රීවරුන් තුන් දෙනෙකුගේ නාමයෝජනා අද පාර්ලිමේන්තුවට ඉදිරිපත් වීම හේතුවෙන්.

අනුප්‍රාප්තික ජනාධිපතිවරයා තෝරා පත් කර ගැනීම සඳහා නාමයෝජනා භාර ගැනීම අද සිදු වනවා. පාර්ලිමේන්තුවේ එවැනි නාමයෝජනා භාරගැනීමක් සිදු වන්නේ වසර 29 කට පසුවයි. මීට පෙර 1993 වසරේ හිටපු ජනාධිපති ආර් ප්‍රේමදාස මහතාගේ අභාවයෙන් පසු එවකට වැඩ බලන ජනාධිපති ඩී බී විජේතුංග මහතා හිටපු ජනාධිපතිවරයාගේ ඉතිරි ධූර කාලය සඳහා තේරී පත් වුණා. ඒ, ඡන්ද විමසීමකින් තොරව ඒකමතිකවයි.

මන්ත්‍රිවරුන් කිහිපදෙනකු සමග රහසිගත සාකච්ඡා

ජනාධිපතිවරයා තෝරා පත්කර ගැනීම සඳහා පාර්ලිමේන්තුවේ පැවැත්වෙන ඡන්ද විමසීමේදී ශ්‍රී ලංකා නිදහස් පක්ෂය අනිවාර්යයෙන්ම ඡන්දය ප්‍රකාශ කරන බව එම පක්ෂයේ මහලේකම් දයාසිරි ජයසේකර මහතා පවසයි.

ජනාධිපතිවරයෙකු තෝරා පත් කර ගැනීම සඳහා අද දින නාමයෝජනා භාරදීමට අපේක්ෂකයන් සිව් දෙනෙකු සූදානමින් සිටිනවා. ඉන් එක් අපේක්ෂකයෙක් වන්නේ වැඩබලන ජනාධිපති, එක්සත් ජාතික පක්ෂ නායක රනිල් වික්‍රමසිංහ මහතායි. රට මුහුණ දී ඇති අර්බුදවලට විසදුම් ලබාදිය හැක්කේ සිය ජනාධිපති අපේක්ෂකයාට බවයි එක්සත් ජාතික පක්ෂයේ සභාපති හිටපු අමාත්‍ය වජිර අබේවර්ධන පැවසුවේ.

දේශපාලනයේදී සදාකාලික සතුරන් හෝ සදාකාලික මිතුරන් හෝ නොමැති බව ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී රෝහිත අබේගුණවර්ධන මහතා පවසනවා.

ජනාධිපතිවරයා තේරීමේ පාර්ලිමේන්තු මැතිවරණයෙන් තමන් නාමයෝජනා භාර නොදී සිටීමට තීරණය කළ බව විපක්ෂ නායක සජිත් ප්‍රේමදාස සඳහන් කර සිටිනවා.

මන්ත්‍රීවරුන්ට තර්ජනය කරන දැන්වීම් ගැන විමර්ශන ඇරඹෙයි

ශ්‍රී ලංකා පොදුජන තරුණ පෙරමුණේ විධායක සභාව ඩලස් අලහප්පෙරුම මහතාට සහාය පළකිරීමට තීරණය කර ඇති බවක් මාධ්‍යවල පළ වී තිබුණ ද එවැනි තීරණයක් එම විධායක සභා රැස්වීමේදී නොගත් බවත් ශ්‍රී ලංකා පොදුජන තරුණ පෙරමුණ සැමවිටම සිටින්නේ පක්ෂයේ තීරණය සමග බවත් එම තරුණ පෙරමුණේ සභාපති ඩී. වී. චානක මහතා පවසයි.

අනුප්‍රාප්තික ජනාධිපතිවරයෙකු තෝරා ගැනීමේ පාර්ලිමේන්තු මැතිවරණය සඳහා නාම යෝජනා 03ක් ඉදිරිපත්වී තිබෙනවා. ඒ සඳහා දැනට වැඩබලන ජනාධිපති රනිල් වික්‍රමසිංහ, පාර්ලිමේන්තු මන්ත්‍රී ඩලස් අලහප්පෙරුම සහ පාර්ලිමේන්තු මන්ත්‍රී අනුර කුමාර දිසානායක ගේ නම මෙහිදී යෝජනා විය.

ඡන්ද විමසීම සම්බන්ධයෙන් සාකච්ඡාවක්

පුරප්පාඩුවී ඇති ජනාධිපති ධූරය සඳහා සුදුස්සෙකු පත්කර ගැනීම වෙනුවෙන් පාර්ලිමේන්තුවේදී පැවැත්වීමට නියමිත ඡන්ද විමසීමේදී තමන් ඡන්දය භාවිත කරන බව ශ්‍රී ලංකා නිදහස් පක්ෂයේ පාර්ලිමේන්තු මන්ත්‍රි චාමර සම්පත් දසනායක පවසනවා. ඒ, එම පක්ෂය කිසිඳු අපේක්ෂකයෙකුට ඡන්දය භාවිත නොකිරීමටඑ තීරණය කර ඇති පසුබිමක් තුළයි.