State
ලබන මාසයේදී සංශෝධිත අයවැයක් පාර්ලිමේන්තුවට ඉදිරිපත් කිරීමට කැබිනට් මණ්ඩලය තීරණය කර තිබෙනවා. අද පැවති කැබිනට් තීරණ දැනුම්දීමේ මාධ්ය හමුවේදී කැබිනට් ප්රකාශක බන්දුල ගුණවර්ධන අමාත්යවරයා මේ බව සඳහන් කළේය.
රාජ්ය සේවයේ අත්යවශ්යම සේවකයින් පමණක් සේවයට කැඳවීමේ ක්රමවේදය අද සිට තවත් මාසයක කාලයක් දීර්ඝ කර තිබෙනවා. ඒ අනුව රාජ්ය සේවයේ අත්යවශ්යම සේවකයින් පමණක් සේවයට කැඳවීම සම්බන්ධයෙන් නිකුත් කළ චක්රලේඛය ද මසක කාලයක් දක්වා දීර්ඝ කළ බවයි රාජ්ය පරිපාලන අමාත්යංශය සඳහන් කළේ.
රජයේ පාසල් සහ රජයේ අනුමත සියලු පෞද්ගලික පාසල් අද සිට යළි ආරම්භ වනවා. ඒ අනුව, නැවත දැනුම් දෙනතුරු සදුදා, අගහරුවාදා සහ බ්රහස්පතින්දා දිනවල පාසල් පැවැත්වීමටත් බදාදා සහ සිකුරාදා දිනවලදී සිසුන්ට නිවෙස්වල සිට ඉගෙනීමේ කටයුතුවල නිරත විය හැකි ක්රියාකාරකම් ලබාදීමටත් නැතහොත් මාර්ග ගතව ඉගෙනුම් ඉගැන්වීම් කටයුතු සිදු කිරීමටත් අධ්යාපන අමාත්යාංශය තීරණය කර තිබෙනවා.
හිටපු ජනාධිපති ලේකම් ගාමිණී සෙනරත්ට ආණ්ඩුවේ තනතුරක් ලබාදීමට යෝජනාවී තිබෙනවා. ජනාධිපති උපදේශකවරයෙකු ලෙස ඔහුට පත්වීමක් ලබාදීමටයි ආණ්ඩුවේ අදහස වී ඇත්තේ.
සාමකාමී,ප්රචණ්ඩත්වයෙන් තොරව රැස්වීමේ අයිතිවාසිකම් තහවුරු කිරීමට ශ්රී ලංකාවේ කැපවීම යළිත් තහවුරු කර ඇති බව පසුගිය සිකුරාදා කොළඹ දි රාජ්ය තාන්ත්රික නිලධාරීන් හමුවේ ජනාධිපති රනිල් වික්රමසිංහ මහතා සිය ස්ථාවරය ප්රකාශ කරමින් සඳහන් කර ඇත.
Page 154 of 640