Social and Equity
ඖෂධ හිගය සම්බන්ධයෙන් රට තුල දැඩි කතාබහක් මතුව ඇති පසුබිමක බොරැල්ල රිජ්වේ ආර්යා ළමා රෝහලේ නේවාසිකව ප්රතිකාර ලබන ළමුන්ට මෙන්ම මව්පියන්ට ප්රමාණවත් ආහාර නොමැති බවට පළ වන වාර්තා සම්බන්ධයෙන් රෝහල් අධ්යක්ෂ වෛද්ය ජී විජේසූරිය අදහස් පළ කළා.
රට තුළ මේ වනවිට පවතින ඖෂධ සහ වෛද්ය උපකරණ හිගයට රටේ ඩොලර් අර්බුදයට වඩා බලපෑ තවත් ප්රධාන කරුණු කිහිපයක් හදුනාගත් බව රජයේ වෛද්ය නිලධාරීන්ගේ සංගමය පවසනවා. එහි මාධ්ය ප්රකාශක වෛද්ය චමිල් විජේසිංහ පැවසුවේ, අරමුදල් තිබියදී පවා නිසි කලට නියමිත ප්රමාණයෙන් ඖෂධ මෙරටට ගෙන්වා නොමැති බවයි. ඩොලර් අර්බුදයට වඩා පරිපාලන දුර්වලතා ඖෂධ හිගයට සෘජුව බලපෑ බවද මෙහිදී ප්රකාශ කෙරුණා.
ඔක්ටේන් 92 වර්ගයේ පෙට්රල් මෙට්රික් ටොන් 37,000 ක තොගයක් ගොඩබෑමේ කටයුතු අද (16) ආරම්භ කළ බව විදුලිබල හා බලශක්ති අමාත්ය කංචන විජේසේකර මහතා පවසනවා. මීට අමතරව බොරතෙල් මෙට්රික් ටොන් 100,000 ක තොගය ගොඩබෑමද ආරම්භ වී තිබේ.
23 වන වරටත් පැවැත්වෙන කොළඹ ජාත්යන්තර පොත් ප්රදර්ශනයේ දෙවන දිනය අදයි. පළමු දිනයේම ලැබුණු ඉහළ පාඨක ප්රතිචාර හේතුවෙන් ප්රදර්ශනය මහජනතාව වෙනුවෙන් විවෘතව තැබෙන කාලය අද සිට රාත්රී 08 දක්වා දීර්ඝ කිරීමට සංවිධායකයින් තීරණය කර තිබෙනවා.
බිත්තර මිල සම්බන්ධයෙන් මතුව ඇති අර්බුදකාරී තත්වය හැකි ඉක්මනින් විසඳීමට කටයුතු කරන බව රාජ්ය අමාත්ය ඩී.බී. හේරත් මහතා පවසනවා. නිෂ්පාදකයාත් පාරිභෝගිකයාත් ආරක්ෂා කරමින් බිත්තර සඳහා සාධාරණ මිලක් නියම කිරීමට කටයුතු කරන බවද ඇමතිවරයා සඳහන් කරනවා.
ගොවීන් විසින් වී අස්වනු නෙළමින් ඇතත් රජය විසින් වී මිලදී ගැනීම සිදු නොවන බවට ගොවීන් චෝදනා කරනවා. ඔවුන් පෙන්වා දෙන්නේ ඉකුත් කන්නයේදී වගා කිරීම් සදහා සැලකිය යුතු වියදමක් දැරීමට තමන්ට සිදු වූ බවයි. රජය විසින් සහතික මිලක් ප්රකාශයට පත් කළද මේ දක්වා එම මිලට වී මිලදී ගැනීම සිදු නොවන බවයි ගොවීන් පවසන්නේ.
තුවාලයකට ප්රතිකාර ලබාගැනීම සඳහා පැමිණි 60 හැවිරිදි දෙදරු මවකට ලිංගික අතවර කළ වෛද්යවරයකු කළුතර උතුර පොලිසිය විසින් අත් අඩංගුවට ගෙන තිබේ.
Page 196 of 749