State
උසස් පෙළ පිළිතුරු පත්ර ඇඟයීම සම්බන්ධව මෙම සතිය අවසන් වීමට පෙර විකල්ප යෝජනා හා විසඳුම් ඇතුලත් නිශ්චිත වැඩපිළිවෙලක් ඉදිරිපත් කරන්න- ජනපතිගෙන් අධ්යාපන බලධාරින්ට උපදෙස්.
- විභාග සම්බන්ධ කාර්යයන් අත්යාවශ්ය සේවාවක් ලෙස නම් කිරීමට පියවර
- පිළිතුරු පත්ර ඇඟයිම් කටයුතු අඩාල කළහොත් නීතිමය ක්රියාමාර්ග
- වර්ෂයකට ඉංජිනේරු හා තාක්ෂණ උපාධිධාරීන් 10,000ක් හා වෛද්ය උපාධිධාරීන් 5,000ක් බිහිකිරීම සඳහා රාජ්ය හා පෞද්ගලික විශ්වවිද්යාල ඒකාබද්ධ වැඩපිළිවෙළක්
පාසල් සිසුන් විවිධ කණ්ඩායම්වල ප්රාණ ඇපකරුවන් බවට පත්කර ගැනීමට කිසිසේත් ඉඩ නොතබන බව ජනාධිපති රනිල් වික්රමසිංහ මහතා අවධාරණය කළේය.
උසස් පෙළ පිළිතුරු පත්ර ඇඟයීම් සම්බන්ධයෙන් මෙම සතිය අවසන් වීමට පෙර විකල්ප යෝජනා හා විසඳුම් ඇතුලත් නිශ්චිත වැඩපිළිවෙලක් ඉදිරිපත් කරන ලෙස අධ්යාපන බලධාරීන්ට උපදෙස් දුන් ජනාධිපතිවරයා විභාග සම්බන්ධ කාර්යයන් අත්යාවශ්ය සේවාවක් ලෙස නම් කිරීමට අවශ්ය පියවර ගන්නා බව ද ප්රකාශ කළේය.
ජනාධිපති රනිල් වික්රමසිංහ මහතා මේ බව සඳහන් කළේ අධ්යාපන හා උසස් අධ්යාපන, කම්කරු සහ විදේශ රැකියා අමාත්යාංශවල 2023 වර්ෂයේ ක්රියාත්මක කරන ලද විශේෂ අයවැය යෝජනාවල ප්රගතිය සමාලෝචනය වෙනුවෙන් අද (19) පෙරවරුවේ ජනාධිපති කාර්යාලයේ පැවති සාකච්ඡාවට එක් වෙමිනි.
විභාග කටයුතු හදිසි සේවාවක් ලෙස පවත්වාගෙන යාමට අවශ්ය නිති සම්පාදනය කිරීමට ද අපේක්ෂා කරන බව පැවසූ ජනාධිපතිවරයා පසුගිය වසරේ පිළිතුරු පත්ර ඇඟයීම සඳහා සම්බන්ධ වු කණ්ඩායමම යොදා ගනිමින් මෙවර උසස් පෙළ පිළිතුරු පත්ර ඇඟයීම් කටයුතු සිදු කරන ලෙස ද උපදෙස් දුන්නේය.
එම කටයුතු සඳහා සහභාගී නොවුනහොත් අදාළ පාර්ශ්වයන්ට එරෙහිව නීතිමය පියවර ගැනීමට අපේක්ෂා කරන බවත්, ඒ පිළිබඳ නීතිපතිවරයා සමග ද සාකච්ඡා කරන බවත් ජනාධිපති රනිල් වික්රමසිංහ මහතා සඳහන් කළේය.
අධ්යාපන අමාත්යවරයා මේ සම්බන්ධව කර ඇති ප්රකාශය පිළිබඳව ද අවධානය යොමු කර ඒ අනුව ඉදිරි කටයුතු සැලසුම් කරන ලෙසද ජනාධිපතිවරයා අධ්යාපන බලාධාරින්ට දැනුම් දුන්නේය.
අධ්යාපන හා උසස් අධ්යාපන, කම්කරු සහ විදේශ රැකියා අමාත්යාංශ වල 2023 වර්ෂයේ ක්රියාත්මක කරන ලද විශේෂ අයවැය යෝජනාවල ප්රගතිය මෙහිදී දීර්ඝ ලෙස සමාලෝචනයට ලක් කෙරිණි.
අපොස උසස්පෙළ විභාගයෙන් ඉහළම ලකුණු ලබා ගන්නා සිසු සිසුවියන් අතරින් අවම වශයෙන් වසරකට සිසුන් සිව් දෙනෙකු හෝ ඔක්ස්පර්ඩ්, කේම්බ්රිජ් හා හාවඩ් වැනි විදේශීය විශ්වවිද්යාල වල උපාධි පාඨමාලා සඳහා ඇතුළත් කර ගැනීමේ වැඩපිළිවෙළක් සකස් කිරීම පිළිබඳ මෙහිදී නිලධාරින්ට උපදෙස් දුන් ජනාධිපතිවරයා වාර්ෂිකව එම සංඛ්යාව ඉහළ නංවා ගැනීමට කටයුතු කිරීමේ අවශ්යතාවය ද පෙන්වා දුන්නේය. රාජ්ය මෙන්ම පෞද්ගලික විශ්වවිද්යාල සිසුන්ට ද එම අවස්ථාව ලබාදීමටත්, තාක්ෂණික විෂයන් සඳහා සිසුන් වැඩි පිරිසක් යොමු කිරීමේ වැදගත්කමත් මෙහිදී අවධාරණය කෙරිණි.
උසස් පෙළ සහිත පාසල් වලට සහ අනතුරුව සාමාන්ය පෙළ දක්වා අධ්යාපන පහසුකම් ඇති සියලු පාසල්වලට වසර දෙකක් තුළ අන්තර්ජාල පහසුකම් ලබාදීමට අවශ්ය වැඩපිළිවෙළක් සකස් කරන ලෙස මෙහිදී ජනාධිපති රනිල් වික්රමසිංහ මහතා විදුලි සංදේශන නියාමන කොමිෂන් සභාවට (TRC) උපදෙස් දුන්නේය.
වර්ෂයකට ඉංජිනේරු හා තාක්ෂණ උපාධිධාරීන් 10,000ක් හා වෛද්ය උපාධිධාරීන් 5,000ක් බිහිකිරීම සඳහා රාජ්ය හා පෞද්ගලික විශ්වවිද්යාල ඒකාබද්ධ වැඩපිළිවෙලක් සකස් කරන ලෙස උපදෙස් දුන් ජනාධිපතිවරයා මේ සඳහා සුදුසු කමිටුවක් පත් කර ගනිමින් වාර්තාවක් සකස් කර ඉදිරිපත් කරන ලෙස ද දැනුම් දුන්නේය.
එමෙන්ම 350කට අධික රජය යටතේ පාලනය වන තාක්ෂණ සහ වෘත්තීය පුහුණු ආයතන ඒකාබද්ධ කර පුහුණු වැඩසටහන් ක්රියාත්මක කිරීමේ අවශ්යතාවය ද ජනාධිපතිවරයා පැහැදිළි කළේය.
පවතින කම්කරු නීති කම්කරුවන්ට බලපාන මූලාශ්ර රැසකින් සමන්විත වන බැවින් ඒ වෙනුවට ඒකාබද්ධ තනි කම්කරු නීතියක් (Unified Labor Law) සකස් කිරීමේ අවශ්යතාවය පෙන්වා දුන් ජනාධිපති රනිල් වික්රමසිංහ මහතා එය බලාත්මක කිරීම සඳහා අවශ්ය පනත් කෙටුම්පත එළැඹෙන මැයි මාසය වන විට ඉදිරිපත් කරන ලෙස කම්කරු හා විදේශ රැකියා පිළිබඳ අමාත්යාංශයේ නිලධාරින්ට උපදෙස් දුන්නේය.
එම්.එල්.ඒ.එම්. හිස්බුල්ලා මහතා විසින් ආරම්භ කර ඇති නැගෙනහිර පෞද්ගලික විශ්වවිද්යාලය පිළිබඳ සොයා බැලීමට රාජ්ය ඇමති සීතා අරඹේපොල මහත්මියගේ ප්රධානත්වයෙන් පත්කර ඇති අනු කමිටුවේ කටයුතු පිළිබඳව ද මෙහිදී සාකච්ඡාවට ලක් විය.
ජාතික ආරක්ෂාව පිළිබඳ ජනාධිපති ජ්යෙෂ්ඨ උපදේශක හා ජනාධිපති කාර්ය මණ්ඩල ප්රධානි සාගල රත්නායක, ජනාධිපති ලේකම් සමන් ඒකනායක, ආර්ථික කටයුතු පිළිබඳ ජනාධිපති උපදේශක ආචාර්ය ආර්.එච්.එස්. සමරතුංග, මුදල් අමාත්යාංශයේ ලේකම් මහින්ද සිරිවර්ධන, අධ්යාපන අමාත්යාංශයේ ලේකම් එම්.එන්. රණසිංහ, කම්කරු හා විදේශ රැකියා අමාත්යාංශයේ ලේකම් ආර්.පී.ඒ. විමලවීර, පරිසර අමාත්යාංශයේ ලේකම් වෛද්ය අනිල් ජාසිංහ යන මහත්වරු ඇතුළු අමාත්යාංශ ලේකම්වරු සහ රාජ්ය නිලධාරිහු මීට එක්ව සිටියහ.
අප්රේල් 20 සිට බල පැවැත්වෙන පරිදී ජාතික පාසල්වල අතරමැදි පන්ති සඳහා සිසුන් ඇතුලත් කිරීමට අදාලව නව චක්රලේඛය නිකුත් කිරිමට නියමිත බව අධ්යාපන අමාත්යාංශය සඳහන් කරයි.
මෙම වසර ආරම්භයේදීම අප සැමට අදට වඩා ඉසුරුමත් හා සමෘද්ධිමත් වීමට උත්සාහ කිරීමට ඉඩ සලසන හිතකර පරිසරයක් ඇතිව තිබීම සම්බන්ධව කෘතඥ වන බව ජනාධිපති රනිල් වික්රමසිංහ මහතා සිය අලුත් අවුරුදු සුබ පැතුම් පණිවිඩයක් නිකුත් කරමින් සඳහන් කරයි.
කැබිනට් අනුමැතිය හිමි වූ විදුලිබල මණ්ඩලයේ ප්රතිව්යුහගත කීරීමේ මාර්ග සිතියම සහ යෝජිත කාල රාමුව සම්බන්ධයෙන් සියලුම පාර්ශ්ව දැනුවත් කිරීමට, විදුලිබල හා බලශක්ති අමාත්ය කංචන විජේසේකර මහතා හා ප්රතිව්යුහගත කිරීමේ කමිටුව පියවර ගෙන ඇත.
ඉන්දියාවෙන් ආනයනය කරන ලද තවත් බිත්තර තොගයක් අද (13) පස්වරුවේ බේකරි නිෂ්පාදකයින් සඳහා නිකුත් කරන බව වාර්තා වෙයි.
ලබන අප්රේල් 20 සිට ක්රියාත්මක වන පරිදි ආගමික කටයුතු සඳහා හැර ගාලු මුවදොර පිටියේ සුන්දරත්වයට හානි වන හෝ හානි කළ හැකි සංගීත සංදර්ශන, දේශපාලන රැස්වීම් හෝ වෙනත් කටයුතු සඳහා ගාලු මුවදොර පිටිය භාවිත කිරීමට අවසර ලබා නොදීමට රජය තීරණය කර තිබේ.
මෙම වසරේ එළුවන් 70,000ක් රැකියා නැති තරුණයන්ට නොමිලයේ ලබා දීමට කෘෂිකර්ම අමාත්යාංශය තීරණය කර තිබෙි.
මේ වනවිට රටේ පවතින වනගහනයට සාපේක්ෂව දරාගත නොහැකි අන්දමට වන සත්ත්ව ගහනය ඉහළ ගොස් ඇති බැවින් කෘෂිකර්ම අමාත්යාංශයට අනුබද්ධව ගොවිජන - වනසත්ත්ව ගැටුම් කළමනාකරණය සඳහා වන ඒකකයක් Agrarian – Wildlife Conflict Management Unit ස්ථාපිත කරන ලෙස හෙක්ටර් කොබ්බෑකඩුව ගොවි කටයුතු පුහුණු හා පර්යේෂණ ආයතනය විසින් නිර්දේශ කර තිබේ.
විදුලිබල මණ්ඩලයේ ප්රතිව්යුහගත කිරීමේ මාර්ග සිතියමට සහ යෝජිත කාල රාමුවට කැබිනට් මණ්ඩලයේ අනුමැතිය ඊයේ (17) ලැබුණු බව විදුලිබල හා බලශක්ති අමාත්ය කංචන විජේසේකර මහතා පැවසීය.
ඉන්ධන පිරවුම්හල් කිව්.ආර්. කේතය හරහා ඉන්ධන නිකුත් කිරීම සඳහා එම පිරවුම්හල ලබාගන්න ඇනවුම් වලින් 80% දක්වා ඉහළ ගොස් ඇති බව විදුලිබල හා බලශක්ති අමාත්ය කංචන විජේසේකර මහතා පවසයි.
රජය විසින් 2022/23 මහ කන්නයෙහි වී අස්වැන්නෙන් වී මිලදී ගැනීම සහ අඩු ආදායම්ලාභී ජනතාවට සහල් ලබාදීමේ වැඩසටහන ක්රියාත්මක කිරීමේදී ඇති වී තිබෙන ගැටලු පිළිබඳව ආහාර සුරක්ෂිතතාව හා කෘෂිකර්මය පිළිබඳ අංශික අධීක්ෂණ කාරක සභාවේදී අවධානය යොමු විය.
උත්සව සමය වෙනුවෙන් වැඩි කරන ලද ඉන්ධන කෝටාව අද සිට අලුත් වන මීළග සතියේදීත් එලෙසම ලබා දෙන බව විදුලිබල හා බලශක්ති රාජ්ය අමාත්ය ඩී.වී චානක පවසයි.
2023 අප්රේල් මස 14 වන දිනට යෙදෙන අලුත් අවුරුද්දේ වැඩ ඇල්ලීමේ නැකතට සමගාමීව දියත් කරන “අවුරුද්දට සිරිතක් - පරිසරයට පැළයක්” වැඩසටහනනේ සමාරම්භක උළෙල ඊයේ (14) මධ්යම පරිසර අධිකාරිය පරිශ්රයේ දී පරිසර අමාත්ය නසීර් අහමඩ් මහතාගේ ප්රධානත්වයෙන් පරිසර අමාත්යාංශයේ ලේකම් විශේෂඥ වෛද්ය අනිල් ජාසිංහ මහතා, මධ්යම පරිසර අධිකාරියේ සභාපති සුපුන් එස්. පතිරගේ මහතා සහ මධ්යම පරිසර අධිකාරියේ අධ්යක්ෂ ජනරාල් පී. බී. හේමන්ත ජයසිංහ මහතා ඇතුළු නිලධාරීන්ගේ සහභාගීත්වයෙන් පැවැත්විය.
විශ්වවිද්යාල ආචාර්ය සංගමය සමඟ පසුගිය මාස 1,1/2 තුළ සාකච්ඡා වට කීපයක් පවත්වා එම සංගමය විසින් ඉදිරිපත් කරන ලද ගැටලු කීපයකට විසඳුම් ලබා දී ඇත.
අලුත් අවුරුද්ද වෙනුවෙන් ඉහළ නැංවූ ඉන්ධන කෝටාව එලෙසම පවත්වාගැනීම සම්බන්ධයෙන් සාකච්ඡාවක් අද(17) පැවැත්වෙන බව වාර්තා වෙයි.
ලිහිසි තෙල් හෝ ග්රීස් නිෂ්පාදනය සහ ආනයනය කිරීම සඳහා ඛනිජ තෙල් නීතිගත සංස්ථා පනත යටතේ වන නියමයන්ට අනුකූලව බලපත්රයක් ලබාගත යුතු බව දක්වමින් පාරිභෝගික කටයුතු පිළිබඳ අධිකාරිය අතිවිශේෂ ගැසට් පත්රයක් නිකුත් කර තිබේ.
අලුත් අවුරුදු උත්සව සමය වෙනුවෙන් ගම්බිම් බලා යන ජනතාව වෙනුවෙන් අද (12) දිනයේත් විශේෂ පෞද්ගලික බස්රථ සේවා ක්රියාත්මක බවත්, මගී ජනතාවගේ ගමන් පහසුව සඳහා අමතර බස් රථ 300කට අධික ප්රමාණයක් යොදවා ඇති බවත් ජාතික ගමනා ගමන කොමිෂන් සභාවේ අධ්යක්ෂ ආචාර්ය නිලාන් මිරැන්ඩා මහතා පවසයි.
Page 76 of 637