දේශීය කර්මාන්ත සඳහා ආයෝජනය කර රට ගොඩනගන්න එක්වන්නැයි ජනාධිපති ගෝඨාභය රාජපක්ෂ දේශීය ව්යවසායකයින්ගෙන් ඉල්ලයි.
ක්ෂේත්ර රැසක මහා පරිමාණ ව්යවසායකයින් සමඟ (21) පෙරවරුවේ ජනාධිපති කාර්යාලයේ පැවති සාකච්ඡාවේදී ජනාධිපතිවරයා මේ බව සඳහන් කළේය.
සංවර්ධන ක්රියාවලිය සඳහා පෞද්ගලික අංශයේ දායකත්වය ලබා ගැනීමේ අරමුණින් සාකච්ඡාව කැඳවා තිබිණ. විදේශ විනිමය උත්පාදනය, රාජ්ය මුදල් ප්රතිපත්තිය, විදේශ රැකියා ප්රවර්ධනය, ආයෝජන දිරිගැන්වීම, අපනයන ඉහළ නැංවීම, පුනර්ජනනීය බලශක්ති, කෘෂිකාර්මික නිෂ්පාදන, පොහොර ප්රමාණවත්ව සැපයීම, සංචාරක කර්මාන්තය ප්රවර්ධනය ඇතුළු ක්ෂේත්ර රැසක් පිළිබඳ සාකච්ඡා විය.
පුනර්ජනනීය බලශක්තිය, හරිත කෘෂිකර්මාන්තය, තාක්ෂණ උද්යාන, හරිතාගාර ඇතුළු ක්ෂේත්ර රැසක මහා පරිමාණ ආයෝජනයෙන්, විදේශ විනිමය පාලනය කිරීමේ මහඟු අවස්ථාවක් උදා වන බව ජනාධිපතිවරයා සඳහන් කළේය.
දේශීය ව්යවසායකයන් රට ගොඩනැඟීමට ලබා දෙන සහාය අගය කළ ජනාධිපතිතුමා ලෝක වසංගත තත්ත්වයකට මුහුණ දෙමින් ආර්ථිකය ගොඩනැඟීමට රජය උත්සාහ දරන අවස්ථාවේ ඇතැමුන් සිය පටු අරමුණු වෙනුවෙන් ගෙන යන වැරදි මතවාද නිවැරදි කිරීමට ව්යාපාරික ප්රජාවට හැකියාව පවතින බව ජනාධිපතිවරයා පැවසීය.
(Aruna)