සමෘද්ධි සහනාධාර මුදල හෙට සිට සියයට 28 කින් වැඩි කිරීමට රජය තීරණය කර තිබෙනවා. ඒ අනුව වැඩිවූ සහනාධාර මුදල හෙට සිට සමෘද්ධි මූල බැංකු හරහා ලබාගැනීමේ අවස්ථාව සමෘද්ධි ලාභීන්ට හිමිවන බවයි සමෘද්ධි රාජ්ය අමාත්ය ෂෙහාන් සේමසිංහ පැවසුවේ.
වැඩි කළ මෙම සමෘද්ධි දීමනාව ලබාදීම සඳහා රුපියල් මිලියන 15,000 ක අමතර පිරිවැයක් රජය විසින් දැරිය යුතු වනවා. සමෘද්ධි සහනාධාරය සඳහා මෙම වසරේ වැය වන මුලු මුදල රුපියල් මිලියන 65, 000 ක්.
කෙසේවෙතත් සමෘද්ධි සහනාධාරය ලබාගැනීමට නුසුදුසු පුද්ගලයින් රැසක් මේවනවිටත් සමෘද්ධි සහනාධාරයෙන් ප්රතිලාභ ලබන බවයි සමස්ථ ලංකා සමෘද්ධි සංවර්ධන හා කෘෂි පර්යේෂණ නිළධාරී සංගමය පැවසුවේ.
(Neth)