මහ බැංකුවවෙන් ජනතාවට දැනුවත් කිරීමක්
ඇතැම් විදේශගත ශ්රී ලාංකිකයින් ශ්රී ලංකාවේ තම යැපෙන්නන්ට විදේශ මුදල් ප්රේෂණය කරන විට දැනුවත්ව හෝ නොදැනුවත්ව විවිධ ජාවාරම්කරුවන් හරහා එම මුදල් එවන්නට පෙළඹෙන බව ශ්රී ලංකා මහ බැංකුව පවසා තිබෙනවා.
එසේ කෙරෙන විට ඇතැම් තැරැව්කරුවන් වෙනත් රටවලින් ශ්රී ලාංකික ශ්රමිකයන්ගේ විදේශ මුදල් එකතු කර ගනිමින් ඊට සමාන්තරව ශ්රී ලංකාවේ රුපියල් මගින් ඔවුන්ගේ යැපෙන්නන්ගේ ගිණුම්වලට මුදල් වශයෙන් බැර කරන බව ශ්රී ලංකා මහ බැංකුව පෙන්වා දී තිබෙනවා.
ඒ අනුව ශ්රී ලංකා මහ බැංකුව පෙන්වා දෙන්නේ ජාවාරම්කරුවන්ට හසු නොවී තමන්ගේ විදේශ ප්රේෂණ ශ්රී ලංකා මහ බැංකුවේ නියාමනයට ලක්වන බැංකු සහ මූල්ය ආයතන හරහා හෝ ජාත්යන්තර බැංකු හෝ මූල්ය සමාගම් හරහා හෝ පමණක් එවීමට කටයුතු කරන ලෙසයි.
(Aruna)