කොවිඩ් අවදානම පහව ගිහින් නෑ
එළැඹෙන දෙසැම්බර් මාසය අවසන් වන තෙක්වත් ගමන් බිමන් යාමෙන් වළකින ලෙස සෞඛ්ය අධ්යක්ෂ ජනරාල් විශේෂඥ වෛද්ය අසේල ගුණවර්ධන ජනතාවගෙන් ඉල්ලා සිටියි.
කොවිඩ් ව්යාප්තියේ අවධානම තවමත් පහව ගොස් නැති බවත් දෛනිකව කොවිඩ් ආසාදිතයින් හත්සියදෙනකු පමණ මෙරටින් වාර්තාවන බවත් සෞඛ්ය අංශ අවධාරණය කරයි.
එම නිසා ජනතාව සෞඛ්ය මාර්ගෝපදේශවලට අනුකූලව හැසිරිය යුතු බවත් මෙම කාලය විනෝද චාරිකා යාමටවත් නෑදෑ හිතවතුන්ගේ නිවෙස්වල යාමටවත් සුදුසු කාලයක් නොවන බවත් සෞඛ්ය අධ්යක්ෂ ජනරාල්වරයා කියා සිටියේය.
කොව්ඩ් ප්රතිශක්තිකරණ එන්නත ලබාගත්තද කොවිඩ් අසාදනය වීමේ අවදානම ඇති බව සෞඛ්ය අංශ සඳහන් කරයි.
ඊයේ (17 වැනිදා) වන විට මෙරට වයස විස්සට වැඩි පුද්ගලයින්ගෙන් සියයට අසූහතයි දශම එකක් (87.1%) කොවිඩ් ප්රතිශක්තිකරණ එන්නත ලබාගෙන ඇති බව වසංගත රෝග විද්යා අංශයේ දත්ත වාර්තා පෙන්වාදෙයි.
(Aruna)