Political News
කැබිනට් මණ්ඩලය පත් කිරීම දිගින් දිගටම ප්රමාද වීම හේතුවෙන් පාර්ලිමේන්තුවේ කටයුතු අඩාල වී ඇති බවත්, එසේ පාර්ලිමේන්තුවේ කටයුතු අඩාලවීමට ඉඩ නොතැබිය යුතු බවත් ජාතික ජන බලවේගය පාර්ලිමේන්තු මන්ත්රී අනුර කුමාර දිසානායක මහතා පවසනවා.
ජනාධිපතිවරයාට අප්රසාදය පල කිරීමේ යෝජනාවට විරුද්ධව ඡන්දය ලබා දීමෙන් අග්රාමාත්යවරයා ගාලුමුවදොර අරගලකරුවන්ට ලබා දුන් පොරොන්දුව කඩකර ඇති බව සමගි ජන බලවේගය පවසනවා. විපක්ෂය ඊයේ පාර්ලිමේන්තුවට ඉදිරිපත් කල යෝජනාව පරාජයට පත්වීම සම්බන්ධයෙන් අදහස් දක්වමින් එම පක්ෂයේ මහ ලේකම් පාර්ලිමේන්තු මන්ත්රී රංජිත් මද්දුමබණ්ඩාර මේ බව කියා සිටියා.
සර්ව පාක්ෂික ආර්ථික පුනර්ජීවන සැලසුමක් ගොඩනැගීම සදහා තමන් පාර්ලිමේන්තුවේ මුදල් කාරක සභාවේ සභාපති තනතුර භාරගැනීමට සූදානම් බව පාර්ලිමේන්තු මන්ත්රී ආචාර්ය හර්ෂ ද සිල්වා පවසනවා. මාධ්ය වෙත නිවේදනයක් නිකුත් කරමින් මන්ත්රීවරයා මේ බව කියා සිටියා.
ගෝල්ෆේස් විරෝධතාවට එල්ල කළ ප්රහාරය සම්බන්ධයෙන් අපරාධ පරීක්ෂණ දෙපාර්තමේන්තුව අද (18) දිනයේදී පාර්ලිමේන්තු මන්ත්රීවරුන් 06 දෙනෙකුගෙන් ප්රකාශ සටහන් කරගැනීමට නියමිත බව වාර්තා වේ.
පසුගියදා පාර්ලිමේන්තු මන්ත්රීවරුන්ගේ නිවාසවලට ගිනි තබා දේපළවලට හානි කිරීමේ සිද්ධීන් වාර්තා වූ සෑම පොලිස් වසමකටම පොලිස් ස්ථානාධිපතිවරුන් සහ කොට්ඨාස භාර නිළධාරීන් පත් කර ඇත්තේ එම දේශපාලකයින්ගේ බලපෑම මත බව පොලිස්පති සී ඩී වික්රමරත්න පවසනවා. ඔහු මේ බව පවසා ඇත්තේ ජනාධිපතිවරයාගේ ප්රධානත්වයෙන් පසුගියදා පැවති ශ්රී ලංකා පොදුජන පෙරමුණේ පාර්ලිමේන්තු මන්ත්රී කණ්ඩායම් රැස්වීමේදියි.
අග්රාමාත්ය තනතුරට පත් වූ එජාප නායක රනිල් වික්රමසිංහ මහතා අද අගමැතිවරයා ලෙස පළමුවරට පාර්ලිමේන්තුව ඇමතීය. ඒ විපක්ෂයේ මන්ත්රීවරුන්ගේ දැඩි බාධා කිරීම් මධ්යයේයි.
ගෝල්ෆේස් අරගල භූමියට පහරදීම සම්බන්ධයෙන් අත් අඩංගුවට ගෙන සිටින හිටපු බස්නාහිර පළාත්සභා මන්ත්රී අමල් සිල්වා ඇතුළු දෙදෙනා අද (18) දක්වා රක්ෂිත බන්ධනාගාරගත කිරීමට කොටුව මහේස්ත්රාත් අධිකරණය නියෝග කර තිබේ.
සෑම අතින්ම රට අසීරුවට පත්ව ඇති අවස්ථාවක රටේ ප්රශ්න විසඳීම සඳහා ඉදිරිපත් වන ඕනෑ ම නායකයෙකුට සාතීශ්යය ගෞරවයෙන් යුතුව තම සහයෝගය ලබා දීමට සූදානම් බව සමගි ජන බලවේගයේ පාර්ලිමේන්තු මන්ත්රීවරුන් වන හරීන් ප්රනාන්දු සහ මනූෂ නානායක්කාර මහත්වරුන් අග්රාමාත්ය රනිල් වික්රමසිංහ මහතාට ලිපියක් යොමුකරමින් දැනුම් දෙයි.
විධිමත් ලෙස බැංකු පද්ධතිය හරහා මෙරටට මුදල් එවන ලෙස විපක්ෂ නායක සජිත් ප්රේමදාස මහතා සියලුම විදෙස්ගත ශ්රී ලාංකිකයින්ගෙන් ඉල්ලා සිටී.
පාර්ලිමේන්තු මන්ත්රීවරුන්ට දැනට සපයා ඇති ආරකෂාව වැඩි කිරීමට අවශ්ය පියවර ගෙන ඇති බව කථානායක මහින්ද යාපා අබේවර්ධන මහතා අද පාර්ලිමේන්තුවේ දී ප්රකාශ කළා.
Page 164 of 553