පශ්චාත් ආපදා කළමනාකරණයට සහ රටේ සංවර්ධන ක්රියාවලිය වේගවත් කිරීම සඳහා ස්විට්සර්ලන්ත රජයේ පූර්ණ සහය ලබාදන බව ස්විට්සර්ලන්ත තානාපතිනි සිරි වෝල්ට් ( Siri Walt ) මහත්මිය පවසයි. ඒ ග්රාමීය සංවර්ධන, සමාජ ආරක්ෂණ හා ප්රජා සවිබලගැන්වීම් අමාත්ය මහචාර්ය උපාලි පන්නිල මහතා සමඟ ඊයේ (22) බත්තරමුල්ල, සෙත්සිරිපායේ පිහිටි අමාත්යාංශ පරිශ්රයේදී පැවති හමුවකදීය.
දිට්වා සුලි කුණාටුව හේතුවෙන් විපතට පත් ජනතාව වෙනුවෙන් ගලවාගැනීමේ හා සනීපාර්ක්ෂක කටයුතු පිළිබඳ සමාජිකයන් හය දෙනෙකුගෙන් සමන්විත ස්විට්සර්ලන්ත විශේෂඥ කණ්ඩාමයමක් පසුගිය 6 වනදා ශ්රී ලංකාවට පැමිණ සහන කටයුතුවල නිරතවිය. එම කණ්ඩායමේ නියෝජිතයන් වන අමඩු (Amadou) මහතා සහ ඉවෝන් මුලර් (Yvonne Muller) මහත්මිය මෙම හමුව සඳහා සහභාගිව සිටි අතර එම සහන කටයුතු පිළිබඳවද හමුවේදී අවධානය යොමු කෙරිණි.
ව්යසනය හමුවේ යළි ජීවිතය ජය ගැනීම සඳහා ශ්රී ලංකාවේ ජනතාව දක්වන සමත්කම පිළිබඳව තානාපතිනිය ඇතුළු කණ්ඩායම ප්රශංසාව පළකළ අතර ජන ජීවිතය යථාතත්වයට පත් කිරීම සඳහා රජය ගෙන ඇති ක්රියාමාර්ග පිළිබඳව ස්විට්සර්ලන්ත රජයේ ඇගයීමට ලක්වන බව ද සඳහන් කළාය.
ස්වභාවික විපත් අවස්ථාවක ශ්රී ලංකාවේ දීර්ඝ කාලීන මිත්ර රාජ්යක් ලෙස ස්විට්සර්ලන්ත රජය දක්වන සහයෝගය පිළිබඳව මෙහිදී අමාත්ය උපාලි පන්නිල මහතා රජය වෙනුවෙන් තම ස්තූතිය පුදකළේය.