2025 වසරේ මුල් මාස 10 තුළ චීනයේ දුම්රිය පද්ධතිය වාර්තාගත ඉහළ මගී ගමන් සංඛ්‍යාවක් හසුරුවා ඇති බව සීමාසහිත චීන රාජ්‍ය දුම්රිය සමූහ සමාගම ඊයේ(16) වාර්තා කළේය.
එම දත්ත අනුව ජනවාරි-ඔක්තෝබර් කාලය තුළ රට පුරා ක්‍රියාත්මක දුම්රිය මගී ගමන් සංඛ්‍යාව බිලියන 3.95ක් වූ අතර එය පෙර වසරට සාපේක්ෂව 6.4%කින් ඉහළ ගොස් ඇති බව දුම්රිය ක්‍රියාකරු පවසයි.
මෙම වසර ආරම්භයේ සිට මගී ඉල්ලුමේ වර්ධනය වන විවිධත්වය සපුරාලීමට කටයුතු කරන අතර ආරක්ෂිත සහ ක්‍රමවත් ගමන් සඳහා ප්‍රමුඛත්වය දී ඇති බව ද හෙතෙම කියා සිටී. පළමු මාස 10 තුළ සංචාරක කේන්ද්‍රීය දුම්රිය සේවා 2049ක් ක්‍රියාත්මක කෙරුණු අතර එය වසරින් වසර සියයට 28.1කින් ඉහළ ගොස් තිබේ.
ගමන් පහසුව සහ දැරිය හැකි මිලකට සිසුන්, ළමුන් සහ අනෙකුත් ප්‍රධාන කණ්ඩායම් සඳහා ආකර්ෂණීය වට්ටම් ලබා දීම සඳහා ද චීන රාජ්‍ය දුම්රිය සමූහ සමාගම පියවර ගෙන ඇත.
Dinamina