State
2022 වර්ෂයේ පැවැති තත්වය මත අනුයුක්ත කරන ලද ගුරු සේවයේ ගුරුවරුන් සඳහා ගුරු මාරු මණ්ඩලය මඟින් ලබා දෙන ස්ථාන මාරු ක්රියාත්මක වන බැවින්, මාර්තු මස 24න් පසු අනුයුක්ත තවදුරටත් දීර්ඝ කිරීම සිදු නොකරන බව අධ්යාපන අමාත්යාංශය නිවේදනයක් නිකුත් කරමින් දැනුම් දෙයි.
ඛනිජ තෙල් බෙදාහැරීම පුළුල් කිරීමට රජය ප්රතිපත්තිමය තීරණයක් ගෙන ඇති බවත්, ඒ සඳහා වන විධිමත් වැඩපිළිවෙළ කඩිනමින් ආරම්භ කරන බවත් ජනාධිපති රනිල් වික්රමසිංහ මහතා පැවසීය.
ජනාධිපතිවරයා මේ බව සඳහන් කළේ සිනොපෙක් සමූහයේ නියෝජිතයන් සමග අද (13) පෙරවරුවේ ජනාධිපති කාර්යාලයේ පැවති සාකච්ඡාවේදී ය.
මේ වසර සඳහා අවශ්ය පාසල් පෙළපොත් මුද්රණය කිරීමේ කටයුතුවලට ඉන්දියානු ආධාර යටතේ ශ්රී ලංකාවට ලැබුණු මුදල් වලින් අමෙරිකානු ඩොලර් මිලියන 10ක මුදලක් වැයකර ඇති බව ඉන්දියානු මහකොමසාරිස් කාර්යාලය පවසයි.
මගීන්ගේ පහසුව සඳහා අද (14) උදෑසන 8.00 වන විට දුම්රිය 20ක් ධාවනය කර ඇති බව දුම්රිය දෙපාර්තමේන්තුවේ සාමාන්යාධිකාරී තහවුරු කළේය.
වර්තමාන තාක්ෂණික ලෝකයේ ඩිජිටල් මධ්යස්ථානයක් යනු සිසුන්ට නවීන දැනුම සොයා යාම සඳහා වූ අත්යාවශ්ය සම්පතක් බව අග්රාමාත්ය දිනේෂ් ගුණවර්ධන මහතා පවසයි.
ආසියානු සංවර්ධන බැංකු ආධාර යටතේ කොළඹ තදාසන්න දුම්රිය ව්යාපෘතිය මඟින් සිදු කෙරෙන කැලණිවැලි දුම්රිය මාර්ග සංවර්ධන වැඩසටහන යටතේ දුම්රිය රක්ෂිතය තුළ පදිංචි අනවසර පදිංචිකරුවන් අතරින්, ව්යාපෘති හේතුවෙන් බලපෑමට ලක්වන පිරිස් සඳහා නාගරික සංවර්ධන අධිකාරිය මගින් නව නිවාස ලබාදීමේ ව්යාපෘතිය යටතේ මලිගාවත්ත "ලක් හිරු සෙවන" සහ "සියපත් සෙවන" මහල් නිවාස සංකීර්ණයන්හී නිවාස හිමිවන 150 දෙනකු සඳහා හිමිකම් ප්රදානය ප්රවාහන, මහාමාර්ග හා ජනමාධ්ය අමාත්ය ආචාර්ය බන්දුල ගුණවර්ධන මහතාගේ ප්රධානත්වයෙන් සිදුවිය.
ජනාධිපති රනිල් වික්රමසිංහ විසින් ශ්රී ලංකාවේ නිල ද්විපාර්ශ්වික ණයහිමියන්ට සහ පැරිස් සමාජයේ ණයහිමියන්ට ලිපියක් යවා තිබේ.
උසස් පෙළ විභාගය සාර්ථක ව පවත්වා අවසන් කළ ද උත්තර පත්ර පරීක්ෂාව සති දෙකකින් පමා වීම නිසා සාමාන්යයෙන් විභාග දෙකක් අතර පැවතිය යුතු මාස තුනක පමණ කාල පරතරය අඩු වීමෙන් ඉදිරියේ දී පැවැත්වීමට නියමිත සාමාන්ය පෙළ විභාගය පවා බොහෝ විට කල් යාමට ඉඩකඩ පවතින බව අධ්යාපන අමාත්ය ආචාර්ය සුසිල් ප්රේමජයන්ත මහතා පවසයි.
මෙරට ලියාපදිංචි වී ඇති කලින්කලට අලුත් කළ යුතු නැති රිය බලපත්ර ලක්ෂ 20ක් අතරින් බර වාහන පැදවිය හැකි බලපත්ර ලක්ෂ 11ක් අවලංගු කිරීමට ප්රවාහන අමාත්යාංශයේ අවධානය යොමුව තිබේ.
දිවයින තුළ අත්යවශ්ය සේවාවන් හරියාකාරව පවත්වා ගැනීම සඳහා සහ ජන ජීවිතය යථා පරිදි පවත්වාගෙන යාම සඳහා අඛණ්ඩව දුම්රිය සේවාව පවත්වාගෙන යාමට දුම්රිය දෙපාර්තමේන්තුව විසින් අවශ්ය කඩිනම් පියවර ගෙන ඇත.
ලංකා විදුලිබල මණ්ඩලය නියෝජනය කරන සියලුම වෘත්තීය සමිතිවල නියෝජිතයන් සමග සාකච්ඡාවක් ඊයේ (12) සවස විදුලිබල සහ බලශක්ති අමාත්යංශයේදී පැවැත්විණි.
මෙරට රෝහල්වලට අවශ්යව තිබූ ඖෂධ වර්ග 151න් ඖෂධ 83ක් පෙරේදා දිනය වන විට ලබා ගැනීමට හැකියාව ලැබුණ බවත්, ඉදිරි සති දෙක තුන තුළ තවත් ඖෂධ වර්ග රැසක් ලැබීමට නියමිත බවත් සෞඛ්ය ඇමැති කෙහෙළිය රඹුක්වැල්ල මහතා අද(10) පාර්ලිමේන්තුවේ දී සඳහන් කළේය.
රාජ්ය සේවයේ නියුතු උපාධිධාරීන් ගුරු සේවයට බඳවා ගැනීමට පවත්වන පරීක්ෂණය විභාග දෙපාර්තමේන්තුව මගින් සැලසුම් කර දීපව්යාප්ත මධ්යස්ථාන 341ක දී ලබන මාර්තු 25 දින පැවැත්වීමට කටයුතු යොදා ඇත.
ශ්රී ලංකාවේ මහාද්වීපික තටකය ස්ථාපිත කිරීම සඳහා ආධාරක සාක්ෂි සහිතව එහි පිටත සීමාවන් හඳුනාගැනීමේ අරමුණින් යුතුව එකී ජාතික සාගර කටයුතු කමිටුව ප්රතිසංවිධානය කිරීම සඳහා අභිලාෂය ප්රකාශ කිරීම් කැඳවීමට රජය තීරණය කර තිබේ.
පසුගියදා රැස් වූ කැබිනට් සාකච්ඡාවේදී මෙම තීරණය ගෙන තිබෙන අතර සාගර නීතිය පිළිබඳව එක්සත් ජාතීන්ගේ සම්මුතිය යටතේ ශ්රී ලංකාවේ නාවික සැතපුම් 200ක සුවිශේෂී ආර්ථික කලාපයෙන් ඔබ්බට පිහිටි මහාද්වීපික තටකයේ පිටත සීමාවන් ස්ථාපිත කිරීම සඳහා ශ්රී ලංකාව 2009 වර්ෂයේදී සිය තාක්ෂණික හා විද්යාත්මක දත්ත සහ අනෙකුත් තොරතුරු එක්සත් ජාතීන්ගේ මහාද්වීපික තටකයේ සීමාවන් පිළිබඳ කොමිෂන් සභාව වෙත ඉදිරිපත් කරනු ලැබ ඇත.
ඒ අනුව, එම කොමිෂන් සභාව විසින් ශ්රී ලංකාවේ හිමිකම් සලකා බැලීම සඳහා උප කොමිෂන් සභාවක් පත් කරනු ලැබ තිබේ. ශ්රී ලංකාව විසින් හිමිකම් ප්රකාශ කරනු ලබන මහාද්වීපික තටකයේ සීමාවන් හඳුනාගැනීම සඳහා මෙම උප කොමිෂන් සභාව සමඟ කටයුතු කිරීම පිණිස අමාත්ය මණ්ඩලයේ අනුමැතිය පරිදි විදේශ කටයුතු අමාත්යාංශය යටතේ ජාතික සාගර කටයුතු කමිටුව පත් කරනු ලැබ ඇත.
පසුගිය මාස 13 තුළ ලංකා ඛනිජ තෙල් නීතිගත සංස්ථාවේ ඉන්ධන අලෙවිය පහළ ගොස් ඇති බව විදුලිබල හා බලශක්ති අමාත්ය කංචන විජේසේකර මහතා සඳහන් කරයි.
රාජ්ය විශ්වවිද්යාලවල වෛද්ය සිසුන්ගේ සායනික පුහුණුවට බාධාවක් නොවන පරිදි අනෙකුත් විශ්වවිද්යාලවල වෛද්ය සිසුන්ට සායනික පුහුණුව ලබාදීම සඳහා ශික්ෂණ රෝහල් ලෙස භාවිත කිරීමට සුදුසු රජයේ රෝහල් හඳුනාගැනීම සඳහා ජනාධිපති රනිල් වික්රමසිංහ මහතා විසින් කමිටුවක් පත් කර තිබේ.
රජය වී ගොවීන්ට ලබා දුන් කාබනික පොහොර සහනාධාරය තේ හා එළවළු වගාව ප්රවර්ධනය සඳහා යෙදවීමට කටයුතු කරන බව කෘෂිකර්ම අමාත්ය මහින්ද අමරවීර මහතා පවසයි.
2023 යල කන්නයේ වී හා වෙනත් අතිරේක බෝග වගාව සඳහා වාරිමාර්ග, මහවැලි හා සුළු වාරිමාර්ග යටතේ ජලය නිකුත් කිරීම මාර්තු මස 20 දින සිට අප්රේල් මස 20 දින දක්වා හැකි බව වාර්මාර්ග දෙපාර්තමේන්තුව කෘෂිකර්ම අමාත්යාංශයට දැනුම් දුන් බව කෘෂිකර්ම අමාත්යාංශය සඳහන් කරයි.
Page 81 of 637