2026 වර්ෂයේ සිට පාසල්වල 2 ශ්රේණියේ සිට 11 ශ්රේණිය දක්වා සිසුන් ඇතුළත් කිරීම (5 සහ 6 ශ්රේණි හැර) සම්බන්ධයෙන් අධ්යාපන, උසස් අධ්යාපන සහ වෘත්තීය අධ්යාපන අමාත්යාංශය විසින් 2026.03.31 දිනැතිව 09/2026 චක්රලේඛය නිකුත් කර ඇත. එම චක්රලේඛය ප්රකාරව 2026 අධ්යයන වර්ෂයේ ජාතික පාසල්වල අතරමැදි ශ්රේණිවල පවතින පුරප්පාඩු සඳහා සිසුන් ඇතුළත් කර ගැනීම සිදු කරනු ලබන බව අධ්යපාලන උසස් අධ්යාපන හා වෘත්තීය අධ්යාපන අමාත්යාංශය සඳහන් කරයි.
ඒ අනුව, 2026.01.31 දිනට ජාතික පාසල්වල අතරමැදි ශ්රේණිවල පවත්නා පුරප්පාඩු මේ සමග අධ්යාපන, උසස් අධ්යාපන සහ වෘත්තීය අධ්යාපන අමාත්යාංශ නිල වෙබ් අඩවියේ ප්රසිද්ධ කර ඇත.
එම පුරප්පාඩු සඳහා අයදුම් කිරීමට අපේක්ෂා කරන සියලු ම අයදුම්කරුවන් 09/2026 චක්රලේඛයෙහි සඳහන් අයදුම්පත්රය සම්පූර්ණ කර 2026.04.27 දිනට පෙර සියලු අතිරේක ලේඛන ද සමග අදාළ පාසල්වල විදුහල්පතිවරුන් වෙත ලියාපදිංචි තැපෑල මඟින් යොමු කළ යුතුය.