2025 අධ්‍යයන පොදු සහතික පත්‍ර (උසස් පෙළ) විභාගය දිවයින පුරා මධ්‍යස්ථාන 2362කදී අදින් (10) ආරම්භ වේ.
විභාගය ආරම්භ වීමට නියමිත වේලාවට පැයකට පෙර සියලුම අයැදුම්කරුවන් තමන්ගේ විභාග මධ්‍යස්ථානයට පැමිණිය යුතු බවත් මෙවර අයැදුම්කරුවන් 340521 දෙනකු පෙනී සිටින බව විභාග කොමසාරිස් ජනරාල් ඉන්දිකා කුමාරි ලියනගේ මහත්මිය විභාග දෙපාර්තමේන්තුවේදී ඊයේ (09) සවස පැවති මධ්‍ය හමුවකදී ප්‍රකාශ කළාය.
මෙවර විභාගයට පාසල් අයැදුම්කරුවන් 246,521ක් සහ පෞද්ගලික අයැදුම්කරුවන් 94,000ක් පෙනී සිටින අතර විභාග කටයුතු සම්බන්ධීකරණයට මධ්‍යස්ථාන 325ක් සහ ප්‍රාදේශීය එකතු කිරීමේ මධ්‍යස්ථාන 32ක් ස්ථාපිත කර තිබේ.
අදින් ආරම්භ වන විභාගය දෙසැම්බර් මස 05 වැනිදා අවසන් වේ.