Social and Equity
විදුලිය බිද වැටීමත් සමග දුරකථන ඇමතුම් ඇතුළු සන්නිවේදන සබදතා ද බිද වැටෙන බවට ප්‍රදේශ රැසකින්ම තොරතුරු වාර්තා වනවා. නෙත් නිවුස් ඇමතූ ශ්‍රාවකයින් ඒ බව තහවුරු කළා. පැය ගණනාවක් අඛණ්ඩව විදුලි විසන්ධි කිරීම හමුවේ ඇතැම් ප්‍රදේශවල දුරකථන සංඥා ගැටලු මතුව ඇති බව තාක්ෂණ අමාත්‍යංශය ද පැවසුවා.
ශ්‍රී ලංකා මහබැංකුවේ අධිපතිවරයා ලෙස දිවුරුම් දීමට “සුරකිමු ශ්‍රී ලංකා” සංවිධානයේ සභාපති පාහියංගල ආනන්ද සාගර හිමි දැරූ උත්සාහයක් ඊයේ (30) ආරක්ෂක අංශ විසින් ව්‍යර්ථ කර තිබෙන බව වාර්තා වේ.
පසුගිය මහ කන්නයට සාපේක්‍ෂව යල කන්නයේ වී අස්වැන්න තවත් අඩු විය හැකි බවට ගොවීන් අනතුරු අගවනවනා. සමස්ත ලංකා ගොවිජන සම්මේලනයේ ජාතික සංවිධායක නාමල් කරුණාරත්න පැවසුවේ යල කන්නයේ ගොවින්ට වගා කිරීමට අවශ්‍ය පසුබිම රජය විසින් මෙතෙක් සකස් කර නොමැති බවයි.
ඩීසල් අර්බුදය මේ වනවිට උඝ්ර වී ඇති බැවින් සඳුදා දිනය වනවිට සියලුම පෞද්ගලික බස් රථ ධාවනයෙන් ඉවත් කරගැනීමට සිදුවනු ඇති බව ලංකා පෞද්ගලික බස් රථ හිමියන්ගේ සංගමය පවසයි.
විදුලි කප්පාදුව පැය 10 ක් දක්වා දීර්ඝ කිරිම සහ සිය තේ වතුවලට අවශ්‍ය ඩීසල් නොමැතිවීම හේතුවෙන් හෙට සිට තේවතුවල දෛනික වැඩකටයුතු සම්පූර්ණයෙන් නතර කිරීමට පියවර ගන්නා බව වතු අධිකාරිවරුන් පවසනවා.
ලංකා විදුලිබල මණ්ඩලයට අයත් ජල විදුලි බලාගාර ආශ්‍රිත ජලාශයන්හි ජල මට්ටම මේවනවිට ඉතාමත් අවම මට්ටමක පැවතීම හේතුවෙන්, ජලවිදුලි උත්පාදනයට දැඩි බාධා එල්ලවී ඇතැයි විදුලිබල අමාත්‍යාංශය අවධාරණය කරනවා. දිවයිනටම බලපා ඇති දැඩි වියළි කාලගුණික තත්ත්වයන් මත විදුලිබලය උත්පාදනය සඳහා යොදාගනු ලබන ජලාශයන්හි ජල මට්ටම මේ වනවිටත් සීඝ්‍රයෙන් පහත බසිමින් පවතින බවයි විදුලිබල අමාත්‍යාංශය සඳහන් කළේ.
වැඩි මිලට ගෑස් අළෙවි කරන හෝ ගෑස් සඟවා තබා ගෙන සිටින අළෙවිකරුවන්ගේ බලපත්‍රය අවලංගු කරන බව ලිට්‍රෝ සමාගම පවසනවා. එහි සභාපති තෙෂාර ජයසිංහ පැවසුවේ එවැනි ස්ථාන සොයා පොලීසිය, පාරිභෝගික සේවා අධිකාරිය සහ ලිට්‍රෝ සමාගම එක්ව තවදුරටත් වැටලීම් සිදුකරන බවයි.
කොළඹ ජාතික රෝහලේ රසායනාගාර පරීක්ෂණ කටයුතු සීමා කරන ලෙස එම රෝහලේ අධ්‍යක්‍ෂවරයා විසින් අදාළ අංශ වෙත දැනුම්දීමක් සිදුකර තිබෙනවා.
Page 296 of 769