Social and Equity

කළුතර ප්‍රදේශයේ උපකාරක පංතිවලට සහභාගීවූ සිසුවියන් පිරිසකට ලිංගික අතවර කිරීම සම්බන්ධයෙන් කළුතර ළමා හා කාන්තා අපයෝජන නිවාරණ කාර්යාංශය විසින් අත්අඩංගුවට ගෙන අධිකරණයට ඉදිරිපත් කළ පුද්ගලයකු ලබන මැයි 26 දා දක්වා රිමාන්ඩ් බන්ධනාගාර ගතකරන ලෙස කළුතර ප්‍රධාන මහේස්ත්‍රාත් නීතා හේමමාලී හාල්පන්දෙනිය මහත්මිය ඊයේ (12) නියෝග කර තිබේ.

කළුතර උතුර, සුබසාධක මාවතේ පදිංචි විදානආරච්චි සංක තිවංක ජයවික්‍රම යන 30 හැවිරිදි අයෙකු මෙසේ රිමාන්ඩ් බන්ධනාගාර ගතකර තිබේ.

කළුතර උතුර ප්‍රදේශයේ ගණිතය විෂය උගන්වන උපකාරක පංතියක් පවත්වන, සැකකරු දැරියන්ට ලිංගික අතවර සිදුකර තිබූ බව පොලිසිය අධිකරණය හමුවේ කියා සිටියේය.

සැකකරු අධිකරණය වෛද්‍යවරයා වෙත ඉදිරිපත් කළ බවත්, එහිදී ලද නිර්දේශ මත බන්ධනාගාර ගතකර මානසික වෛද්‍යවරයෙක් වෙත ඉදිරිපත් කරන ලෙසට පොලිසිය අවසර ඉල්ලා සිටීමෙන් පසු ලබන මැයි 15 දා මානසික වෛද්‍යවරයෙක් වෙත යොමුකරන ලෙසට මහේස්ත්‍රාත්වරිය අවසර දුන්නාය.

විත්තිය වෙනුවෙන් පෙනීසිටී නීතිඥ මහතා සඳහන් කර තිබෙන්නේ  සිය එල්ලවී ඇති චෝදනා සැකකරුගේ බිරිඳ විසින් ගොතා එවන ලද එකක් බවත්, සිය සේවාදායකයා එම චෝදනා ප්‍රතික්ෂේප කරන බවත් සුදුසු ඇපයක් මත මුදාහරින ලෙසත්ය.

නඩුව ලබන මැයි 26 යලි කැදවීමට නියමිතයි.

පාසල් සිසුවියන් 16 දෙනෙකු පමණ ලිංගික අතවර සිදුකරමින් සැගව සිටී උපකාරක පංති ගුරුවරයා අද (11) අත්අඩංගුවට ගැනීමට හැකි වූ බව කළුතර කොට්ඨාස ළමා හා කාන්තා අපයෝජන නිවාරණ කාර්යාංශය කියයි .

මෙසේ අත්අඩංගුවට ගෙන ඇත්තේ කළුතර උතුර ප්‍රදේශයේ පදිංචිව සිටී 30 හැව්රිදි පුද්ගලයෙකි.

සැකකරු පටිගත කල දර්ශන අනුව ලිංගික අතවර කිරීම් 16 ක් සම්බන්දයෙන් අනාවරණය වන බවත් ඒවා නිරීක්ෂණය කරමින් අගතියටපත් දැරියන් සොයා ඉදිරි විමර්ශන සිදුකරන බව කළුතර ළමා හා කාන්තා අපයෝජන නිවාරණ කාර්යාංශය සදහන් කරයි.

කළුතර උතුර ගාලුපාරේ පෞද්ගලික පංති පවත්වන සැකකාර ගුරුවරයා කුඩා කණ්ඩායම් වශයෙන් වෙනත් ස්ථානවල පංති පවත්වා එහි දැරියන්ද අපයෝජනයට ලක්කර ඇද්ද යන්න සම්බන්දයෙන් වැඩිදුර විමර්ශන සිදුකරන බවද සදහන් වේ.

සැකකාර ගුරුවරයා අනියම් සම්බන්දතා පවත්වන බවට ඔහුගේ නීත්‍යානුකූල බිරිඳ කළුතර උතුර පොලිසියට පැමිණිල්ලක් කර ඇති බවත්, ඇය සැකකරුගේ ලැප්ටොප් යන්ත්‍රය පරීක්ෂා කිරීමේදී දැරියන්ට අපයෝජනයට ලක්කරන වීඩියෝ දර්ශන ගබඩා කර ඇති බව නිරීක්ෂණයවී දෙමව්පියන් දැනුවත් කර ඇති බවත් ජේෂ්ඨ පොලිස් නිළධාරියෙක් කීය.

සැකකරු කළුතර මහේස්ත්‍රාත් කළුතර මහේස්ත්‍රාත් අධිකරණයට ඉදිරිපත් කිරීමට නියමිතව ඇත.

- Lankadeepa

නාථගනේ ස්ථූපය හා පුරාවිද්‍යාමක නටබුන් සහිත ප්‍රදේශයේ කැනීම් කටයුතු මේවන විට සිදු කර අවසන් බවත්, මෙම පුරාවිද්‍යාත්මක ස්ථානය ඉදිරි පරම්පරාවන් වෙත ද දායාද කිරීමට ආරක්ෂා කරන ලෙස ජනතාවගෙන් ද ඉල්ලා සිටින බව බුද්ධශාසන, ආගමික හා සංස්කෘතික කටයුතු අමාත්‍ය විදුර වික්‍රමනායක මහතා සඳහන් කරයි.

විශේෂ ඩෙංගු මර්දන වැඩසටහනක් අද (12) සිට සති දෙකක කාලයක් කොළඹ මහ නගර සභා බල ප්‍රදේශයේ ක්‍රියාවට නැංවීමට නියමිතය.

ජනතාව දැනුවත් කිරීම හා බෝවන ස්ථාන හඳුනා ගැනීම වැනි වැඩසටහන් ක්‍රියාත්මක වනු ඇත.

මැයි මස 26 වනදා දක්වා ක්‍රියාත්මක වන මෙම වැඩසටහන මගින් මදුරුවන් බෝ වන ස්ථාන පවත්වාගෙන යන පුද්ගලයින්ට එරෙහිව නීතිමය ක්‍රියාමාර්ග ගැනීමට කටයුතු කරන බව කොළඹ මහ නගර සභාවේ ප්‍රධාන සෞඛ්‍ය වෛද්‍ය නිලධාරී වෛද්‍ය රුවන් විජේමුණි ප්‍රකාශ කළේ ය.

රටේ අනාගතය වෙනුවෙන්, සරල, ශක්තිමත්, යාවත්කාලීන වූ කම්කරු නීති පද්ධතියක් ගෙන ඒම සඳහා පූර්ණ සහාය ලබා දීමට ශ්‍රී ලංකා නීතීඥ සංගමය එකඟතාවය පළකර සිටි.

පානදුර හා දකුණු පළාත කේන්ද්‍රකර ගනිමින් ඩුබායි රටේ සිට මහා පරිමාණයෙන් මත්ද්‍රව්‍ය ජාවාරමේ යෙදෙන බව කියන මෙතෙක් ආරක්ෂක අංශ මගින් හඳුනාගෙන නොතිබූ" හික්කඩුවේ ඉස්සෝ සුජි" නැමැත්තාට අයත් රුපියල් කෝටි පහකට අධික මුදලක් තැන්පත් කර තිබූ පානදුර පෞද්ගලික බැංකු දෙකක ගිණුම් තහනමට ලක් කළ බව නීති විරෝධී වත්කම් විමර්ශන කොට්ඨාසය කියයි.

තලේමන්නාරම පනන්කට්ටු බටහිර ප්‍රදේශයේ දී වෑන් රථයකින් ගොස් පාසල් සිසුවියන් තිදෙනකුට චොකලට් ලබා දීමට උත්සහ කළ බව කියන සිද්ධියක් සම්බන්ධයෙන් තරුණයන් දෙදෙනකු අද (11) පස්වරුවේ තලේමන්නාරම පොලිසිය මගින් සැකපිට අත්අඩංගුවට ගත් බව පොලිස් ආරංචි මාර්ග කියයි.

මෙරට පවතින ත්‍රීරෝද රථ විද්‍යුත් ත්‍රිරෝද රථ බවට පරිවර්තනය කිරීමේ නියමු ව්‍යාපෘතිය අද (11) සිට ආරම්භ කරන බව මෝටර් රථ ප්‍රවාහන දෙපාර්තමේන්තුව පවසයි.

ගල්ඔය පාරිසරික වනෝද්‍යානයේ නව පිවිසුම් දොරටුව සහ සංචාරක බංගලා දෙකක් විවෘත කිරීම වනජීවී සහ වන සම්පත් සංරක්ෂණ අමාත්‍ය නීතීඥ පවිත්‍රාදේවි වන්නිආරච්චි මහත්මියගේ ප්‍රධානත්වයෙන් පසුගියදා සිදු කෙරිණි.

කුඩා දරු දැරියන්ගේ සහ කාන්තාවන්ගේ ජායාරූප යොදා ගනිමින් ඔවුන් සම්බන්ධව ලිංගික හැඟීම් උද්දීපනය වන ආකාරයෙන් මුහුණු පොතේ පෝස්ටු (posts) පළ කරනු ලබන පුද්ගලයන් සහ එහි පිටු (Facebok Pages) පවත්වාගෙන යන්නන් සම්බන්ධව පරිගණක අපරාධ කොට්ඨාසයේ සමාජ මාධ්‍ය අපරාධ විමර්ශන ඒකකය පරීක්ෂණ ආරම්භ කර ඇත.

පාසල් හැරයන දරුවන් පිළිබඳව නිසි දත්ත වාර්තාවක් කඩිනමින් සකස් කිරීම අත්‍යාවශ්‍ය බව අග්‍රාමාත්‍ය දිනේෂ් ගුණවර්ධන මහතා පැවසීය.

මන්ද පෝෂණයෙන් පෙළෙන දරුවන් වෙසෙන ප්‍රදේශ තෝරා ගෙන එම දරුවන් සඳහා පෝෂණය සහිත බිස්කට් ආහාර වේලක් නොමිලයේ ලබාදීම පිළිබඳව කාන්තා, ළමා කටයුතු සහ සමාජ සවිබලගැන්වීම් රාජ්‍ය ඇමතිනි ගීතා සමන්මලී කුමාරසිංහ මහත්මිය හා සිලෝන් බිස්කට් ආයතනයේ නිලධාරීන් සමග සාකච්ඡාවක් පසුගියදා අමාත්‍යාංශයේ දී පැවැත්විණි.

රැකියා අපේක්ෂිතයන්ගේ සිහින සැබෑ කරන ‘Sri Lanka Skills Expo 2023’ ප්‍රදර්ශනය 2023 මැයි මස 12, 13 සහ 14 දිනවල කොළඹ බණ්ඩාරනායක අනුස්මරණ ජාත්‍යන්තර සම්මන්ත්‍රණ ශාලා පරිශ්‍රයේ සිරිමාවෝ බණ්ඩාරනායක අනුස්මරණ ප්‍රදර්ශන මධ්‍යස්ථානයේ දී පැවැත්වේ.

කළුතර හෝටලයක තුන්වන මහලෙන් වැටී පාසල් සිසුවියක් මියයාමේ සිද්ධියට අදාළව ඊයේ (09) අත්අඩංගුවට ගත් ධනුෂ්ක ගයාන් සහබන්දු නැමැති ප්‍රධාන සැකකරු, අද (10) අධිකරණයට ඉදිරිපත් කිරීමට නියමිතය.

ඩෙංගු රෝගයේ ශීඝ්‍ර ව්‍යාප්තියක් දැකිය හැකි බැවින් ඉන් ආරක්ෂා වීම සඳහා ගත යුතු ක්‍රියාමාර්ග සම්බන්ධව රජයේ වෛද්‍ය නිලධාරින් ගේ සංගමයේ වෛද්‍ය සේනක ගමගේ මෙසේ අදහස් දැක්වීය.

හෙතෙම පෙන්වා දුන්නේ ඩෙංගු මදුරුවා වැඩි වශයෙන් අඳුරු ස්ථානවල ගැවසෙන බවත් එවැනි ස්ථාන සූර්යාලෝකය හොඳින් ලැ⁣බෙන පරිසරයක් බවට පත් කළ යුතු බවත්ය.

නිවෙස් සහ සේවා ආයතන පරිශ්‍රවලට පැඟිරි තෙල් සහ කුරුඳු තෙල් බිංදු පහ බැගින් ගෙන එය වතුර මිලි ලීටර් පන්සීයකට මිශ්‍ර කර ඉසීමෙන් මදුරුවන් ඒම සීමා කරගත හැකි බවද හෙතෙම පැවැසීය.

තවද ප්‍රතිශක්තිකරණය වර්ධනය කර ගැනීමෙන් ඩෙංගු වැලඳීමේ අවදානම අඩු කර ගත හැකි බව හෙතෙම පෙන්වා දුන්නේය. ඒ අනුව සමබල අහාර වේලක් ගැනීම, නෙල්ලි , වෙරළු, පේර , වැනි දෑ ආහාරයට ගැනීම සහ ඉඟුරු , කොත්තමල්ලි , පත්පාඩගම් වැනි දෑ නිතර භාවිතයට ගැනීම මගින් ප්‍රතිශක්තිය වර්ධනය කර ගැනීමට හැකි බව හෙතෙම පෙන්වා දුනි.
දින දෙකකට වඩා උණ පවතීනම් සුදුසුකම්ලත් වෛද්‍යවරයකුගෙන් අවශ්‍ය ප්‍රතිකාර ලබා ගැනීම සිදු කළ යුතු බවත් රෝගයේ මූලික අදියරේදීම අවශ්‍ය වෛද්‍ය ප්‍රතිකාර ලබා නොගැනීම මරණ ඉහළ යාමට හේතුව බවත් හෙතෙම වැඩි දුරටත් පැවැසීය.

තවද ඩෙංගු වයිරසයේ ප්‍රභේද 4ක් පවතින බවත් මේ හේතුවෙන් එක් පුද්ගලයකු එක් වරකට වඩා මෙම රෝගයට ගොදුරු විය හැකි බවත්, මෙම රෝගය සඳහා කිසිදු එන්නතක් හෝ බෙහෙතක් නොමැති බවත් ශ්‍රී ජයවර්ධනපුර විශ්ව විද්‍යාලයේ අසාත්මිකතා ප්‍රතිශක්ති සෛල ජෛව විද්‍යා මහාචාර්ය චන්දිම ජීවන්දර ප්‍රකාශ කළේය.

-Aruna 

වැවිලි කර්මාන්ත අමාත්‍යංශය යටතේ පවතින ජනතා වතු සංවර්ධන මණ්ඩලයට අයත් කුමාරවත්ත සහ දියලුමවත්ත වතු දෙකෙහි වතු සේවකයන් 150 දෙනෙකු වෙත නීත්‍යානුකූල ඉඩම් හිමිකම් ඔප්පු ප්‍රදානය කිරීම කර්මාන්ත හා වැවිලි කර්මාන්ත අමාත්‍ය වෛද්‍ය රමේෂ් පතිරණ මහතාගේ ප්‍රධානත්වයෙන් පසුගියදා මොණරාගලදී සිදුකෙරිණි. 

දුම්රිය ස්ථානාධිපතිවරුන්ගේ වැඩ වර්ජනය හේතුවෙන් අද (10) උදෑසන දුම්රිය ගමන්වාර 5 ක් අවලංගු කිරීමට සිදු වූ බව දුම්රිය දෙපාර්තමේන්තුව පවසයි.

එහි නියෝජ්‍ය සමාන්‍යාධිකාරී එම්. ජේ. ඉදිපොළගේ මහතා සඳහන් කළේ, පුත්තලම මාර්ගයේ එක් දුම්රියක්, කැලණිවැලි මාර්ගයේ දුම්රිය 2 ක්, කුරුණෑගල සිට හා මොරටුව සිට කොළඹ කොටුව බලා ධාවනය වන දුම්රිය 2 ක් එලෙස අවලංගු කළ බවයි.

මේ අතර කොළඹ – බදුල්ල උඩරට මැණිකේ දුම්රියක් ද අද අවලංගු කිරීමට සිදුවන බව ඔහු ප්‍රකාශ කළේ ය.

දුම්රිය ස්ථාධිපතිවරුන්ගේ සංගමයේ සභාපති සුමේධ සෝමරත්න මහතා සඳහන් කළේ, දුම්රිය නියෝජ්‍ය සාමාන්‍යාධිකාරී (වාණිජ) තනතුරට නිලධාරියෙකු පත් කිරීමේ ගැටලුවක් මුල් කර ගනිමින් මෙම වැඩ වර්ජනය ක්‍රියාත්මක බවයි.

Aruna 

ගම්පහ දිස්ත්‍රික්කය තුළ සිදුවන ඩෙංගු රෝග ව්‍යාප්තිය පාලනය කිරීම සඳහා විශේෂ කණ්ඩායමක් හෙට (08) දිනයේ එම දිස්ත්‍රික්කයට පිටත් කර හැරීමට සෞඛ්‍ය අමාත්‍යංශය තීරණය කර තිබේ.