Social and Equity
උතුරේ ධීවර ආක්‍රමණ නැවැත්වීමට උපරිම ලෙස කටයුතු කරන බව ධීවර අමාත්‍ය ඩග්ලස් දේවානන්ද මහතා ප්‍රකාශ කරයි.
ආයුර්වේද පනත් කෙටුම්පතෙන් වසර දහස් ගණනක් පැරණි අප රටේ උසස් චිකිත්සක ක්‍රමයක් වන පාරම්පරික වෛද්‍ය ක්‍රමයට හානිවන කිසිවක් සිදුකර නොමැති බවත් මෙය කඩිනමින් සිදුකළ සංශෝධනයක් නොවන බවත් දැනට වර්ෂ එකහමාරක සිට දීර්ඝ පුළුල් සාකච්ඡාවක් කර නීතිපති දෙපාර්තමේන්තුවේ අනුමැතිය සහිතව පාර්ලිමේන්තුවට ඉදිරිපත් කළ බවත් දේශීය වෛද්‍ය රාජ්‍ය අමාත්‍ය නීතීඥ සිසිර ජයකොඩි මහතා පවසයි.
තායිලන්ත රජය විසින් මෙරටට පරිත්‍යාග කර තිබූ මුතුරාජා හස්තියා යළි තායිලන්තය බලා රැගෙන යාම සඳහා මේවනවිට එම හස්තියා කටුනායක ගුවන් තොටුපළ වෙත රැගෙනවිත් තිබෙනවා.
ජාතික ජනසභා ලේකම් කාර්යාලය මඟින් විධිමත් ක්‍රියාවලියකින් යෝජනා කර ඇති ජන සභා ක්‍රමය සාර්ථක කර ගැනීම සඳහා තමන්ගේ උපරිම සහයෝගය ලබා දෙන බව සමස්ත ලංකා ආර්ථික සංවර්ධන නිලධාරින්ගේ සංගමය සහ සමස්ත ලංකා සංවර්ධන නිලධාරින්ගේ සංගමය පවසයි.
“ජයභූමි පදනම” නමින් ව්‍යාජ විදේශ රැකියා නියෝජිතායතනයක් පවත්වාගෙන යමින්, ඇමරිකාවේ මියාමි නගරයේ වරාය ව්‍යාපෘතියක රැකියා රැසක් ලබාදෙන බව පවසා ප්‍රාදේශීය සභා මන්ත්‍රිවරියන් මාර්ගයෙන් දිවයිනේ විවිධ ප්‍රදේශවල පදිංචි තරුණ තරුණියන් රැසකගෙන් වංචනික ලෙස මුදල් අයකළ මහා පරිමාණ ජාවාරමක් සම්බන්ධයෙන් ශ්‍රි ලංකා විදේශ සේවා නියුක්ති කාර්යාංශයේ විශේෂ විමර්ශන අංශයට තොරතුරු වාර්තා වී ඇත.
නිවසේ හුරතලයට ඇති කළ මාස දෙකක් පමණ වන බලු පැටියා සපා කෑමෙන් රෝගී වී ඉකුත් 4 වැනිදා රත්නපුර ශික්ෂණ රෝහලට ඇතුළත් කළ කුරුවිට කඳන්ගොඩ පාසැලේ ඉගෙනුම ලබමින් සිටි වයස 12ක පාසල් සිසුවකු මාරාන්තික ජලභීතිකා රෝගය වැලඳ තිබීම හේතුවෙන් රෝහලේ ප්‍රතිකාර ලබමින් සිටියදී පෙරේදා (05) මරණයට පත්ව ඇත.
ඓතිහාසික රුහුණු කතරගම මහා දේවාලයේ අවසන් මහා රන්දෝලි පෙරහැර අද රාත්‍රියේ වීථි සංචාරය කෙරේ.
ප්‍රසිද්ධ පාවහන් සමාගමක ආයතන ප්‍රධානියකුගේ බොරැල්ල හරස් පාර ප්‍රදේශයේ නිවසක ගේට්ටුවට වෙඩිතැබීමේ සිද්ධියක් පසුගිය 22 වනදා වාර්තා විය.
ශ්‍රී ලංකාවේදි ප්‍රථම වරට ලෝක සංචාරක රූ රැජින තරගාවලියක් පැවැත්වීමට සැලසුම් කර තිබේ.
පානදුර වලාන ගාලුපාරේ හෝටලයකදී ප්‍රවීණ ගායන ශිල්පී සමන් ද සිල්වා මහතා සම්බන්ධ වූ ආපනාශාලාවේ ගැටලුව දෙපාර්ශවයේම එකඟතාවය මත සමථයකට පත්කිරීමට පානදුර දකුණ පොලිසිය පියවර ගෙන තිබේ.
රෝමයේ නිවාස සංකීර්ණයක් තුළ දී ඉතාලි ජාතික 17 හැවිරිදි පාසල් සිසුවියක් ඝාතනය කර ඇගේ සිරුර කසල බැහැර කිරීමට යොදා ගන්නා ඉටි බෑගයක් තුළ සඟවා පොළියත් මත තබාගෙන තල්ලු කරගෙන යමින් සිටි බව කියන එම වයසේම පසුවන එරට සම්භවයක් ඇති ශ්‍රී ලාංකික පාසල් සිසුවකු අත්අඩංගුවට ගත් බව ඉතාලි මාධ්‍ය වාර්තා කරයි.
මෙසේ ඝාතනය කර ඇත්තේ මාරියා මිෂෙල් කෝසෝ නැමැති පාසැල් පාසල් සිසුවියකි.
කසල බැහැර කරන ස්ථානයකට ගොස් සිරුර සැඟවීම සඳහා මෙසේ රැගෙන යමින් සිට බව එරට මාධ්‍ය වැඩිදුරටත් වාර්තා කර තිබේ.
මෙම සැකකාර සිසුවා ශ්‍රී ලාංකික අඹුසැමි යුවළකට ඉතාලිය දී උපත ලැබූ ඔවුන්ගේ පවුලේ සිටි එක ම දරුවා ය.
ඉතාලි ජාතික සිසුවියගේ පියාට නිවාස කිහිපයක්ම තිබෙන අතර ඇය ඝාතනය කර ඇත්තේ මින් එක නිවාසයක් තුළදීය.
මෙම සිසුවා හා මෙම සිසුවිය අතර කාලයක සිට ප්‍රේම සම්බන්ධතාවයක් පවත්වාගෙන ගොස් ඇති බවත් සිසුවිය එම සම්බන්ධතාවය නතර කිරීම නිසා ඇතිවූ වේදනාව මට මෙවැන්නක් කර තිබෙන බවත් ඉතාලියේ නිදහස් මාධ්‍යවේදියකු ලෙස කටයුතු කරන එමිල් රෝහාන් මහතා එරටේ සිට දුරකථනයෙන් සම්බන්ධ වෙමින් ලංකාදීපයට පැවැසීය.
ඉතාලි ජාතික සිසුවියගේ සිරුරේ පිහි ඇනුම් පහරවල් හයක් පමණ දක්නට තිබෙන බව එරට මාධ්‍ය වාර්තා කර තිබේ.
රෝමයේ, ප්‍රිමවිල් (primavlle) ප්‍රදේශයේ පිහිටි නිවාස සංකීර්ණයක දෙවැනි මහලේ නිවසක් තුළදී මෙම 17 හැවිරිදි ඉතාලි ජාතික සිසුවියකට පිහියකින් ඇන ඉකුත් 28 වෙනිදා ඝාතනය කර ඇත.
ට්‍රොලියක් තල්ලු කරගෙන යන මෙම හුරුබුහුටි තරුණයා ගැන ඇති වූ සැකයක් මත ඉතාලි ජාතිකයකු එම තරුණයා ගෙන් ප්‍රශ්න කර ඇත.
ලොකු මාළු කූරි කිහිප දෙනකු රැගෙන යන බව මෙම ශ්‍රී ලාංකික සිසුවා පවසා ඇතත්එම ඉතාලි ජාතිකයා මෙම තරුණයා ගැන ඒ අසල අසල රාජකාරියේ නිරතව සිටි පොලිස් නිලධාරියකුට දැනුම් දී තිබේ.
පොලිස් නිලධාරියා පැමිණ පරීක්ෂාකර බැලීමේදි කසල බැහැර කරන උරය තුළ බහා තිබූ මෙම දාහත් හැවිරිදි පාසල් සිසුවියගේ සිරුර දැකගැනීමට ලැබී ඇත.
ඉතාලි පොලිස් නිලධාරියා පොලිතීන් උරය පරීක්ෂාකර බලන අතර අතරවාරයේ දී සැකකාර සිසුවා පලාගොස් තිබූ අතර පසුව ඔහු සැකපිට අත්අඩංගුවට ගෙන තිබිණි.
ඉතාලි සිසුවිය ඝාතනය කිරීමට යොදා ගත් බවට පැවසෙන පිහියක්ද සැකකරුගෙන් හෙළිකරගත් තොරතුරු අනුව පෙරේදා 30 වෙනිදා ඉතාලි පොලිසිය විසින් සොයාගනු ලැබීය.
ඝාතනයට ලක් වූ සිසුවියගේ පියා ආබාධිතයකු නිසා ඔහු කිහිලිකරු ආධාරයෙන් ගමන් කරන අයකු බවත් දියණියගේ ඝාතනය අසා ඔහු සිද්ධිය වූ ස්ථානයට පැමිණ වේදනාව දරා ගත නොහැකිව හඬා වැටෙන ආකාරය දක්නට ලැබුණු බවත් රන්ජන් මහතා සඳහන් කරයි.
සැකකාර සිසුවාගේ මව සහ පියා වෙන්නප්පුව, කටුනේරිය ප්‍රදේශයේ පදිංචි අය වෙති.
සැකකාර සිසුවා ඉතාලියේ උපත ලබා ඇති නිසා ඔහුට එරට පුරවැසිභාවය ලැබී ඇත.
දියණිය සමග මෙම සිසුවා ප්‍රේම සම්බන්ධතාවයක් පවත්වා ගෙන ගිය බව තමා දැන සිටි බවත් ඔහු ඉතා හොඳ දරුවකු බවඇයගේ මව තමා සමග පැවසූ බව එමිල් රෝහාන් මහතා කීය.
Lankadeepa
පාසල් ආශ්‍රිත මත්ද්‍රව්‍ය පාලනය කිරීම සඳහා අවශ්‍ය පියවර ගෙන ඇතැයි අධ්‍යාපන අමාත්‍ය ආචාර්ය සුසිල් ප්‍රේම්ජයන්ත් මහතා පාර්ලිමේන්තුවේදී පැවසීය.
අත්තනගලු ඔයේ දූනමලේ ජල මාපාන්කය පිහිටි ස්ථානය අසල දී සෙල්ෆි ඡායාරූපයක් ගැනීමට ගිය තරුණියක් පය ලිස්සා ගොස් ඔයට වැටී අතුරුදන්ව නි‌බේ.
රිදීගම, ඓතිහාසික රිදී විහාරය කේන්ද්‍ර කරගනිමින් පැවති ප්‍රථම පුස්කොළ ලේඛන පිළිබඳ හය මාසික සහතික පත්‍ර පාඨමාලාවේ සහතිකපත්‍ර ප්‍රදානෝත්සවය සහ දෙවන කණ්ඩායමේ පාඨමාලා සමාරම්භක උත්සවය, ශ්‍රී සිද්ධාර්ථ පුස්කොළ ලේඛන අධ්‍යයන සහ පර්යේෂණ ආයතනය විසින් විහාරස්ථ සම්මන්ත්‍රණ ශාලාවේ දී ජූලි 01 සෙනසුරාදා පස්වරු 2.00ට පැවැත්වීමට නියමිතයි.
රක්වාන පොලිස් වසමට අයත් මාදම්පේ, පනාවල ප්‍රදේශයේ ලැඟුම්හලක් තුළ පෙරේදා (04) සවස තරුණියක ගෙල වැලලා ගෙන මියගොස් ඇතැයි රක්වාන පොලිසිය කියයි. මෙසේ මියගොස් ඇත්තේ රක්වාන, පුංචිබාරවත්ත, ස්ටබිඩන් වතුයායේ පදිංචි ක්‍රිෂ්ණන් ප්‍රදීපා නමැති විසි දෙහැවිරිදි අවිවාහක කාන්තාවකි.
ප්‍රවීන චිත්‍ර ශිල්පී, කලාශූරී එස්. එච්. සරත් මහතාගේ “සම්ප්‍රදාය සහ වෙනස” චිත්‍ර ප්‍රදර්ශනය නැරඹීමට ජනාධිපති රනිල් වික්‍රමසිංහ මහතා ඊයේ (29) එක්විය.
Page 98 of 718