Social and Equity
කටුනායක ගුවන්තොටුපලේ ගුවන් පාලන කටයුතු නවීකරණය කිරීමේ නව වැඩපිළිවෙළ යටතේ රුපියල් බිලියන 1.2 ක් ආයෝජනය කර ප්‍රධාන ගුවන් පාලන කුළුන සහ රේඩාර් මධ්‍යස්ථානය පූර්ණ ඩිජිටල් තාක්ෂණය භාවිතා කිරීම ආරම්භ කර ඇත.
ජනවාරි මාසයේ ආරම්භවීමට නියමිත අස්වැසුම වැඩසටහ‍නේ දෙවන අදියරේදී දරිද්‍රතාවය එකම නිර්ණායකය විය යුතු බවත්, දරිද්‍රතාවය මැනීම සදහා අඩු නිර්ණායක ප්‍රමාණයක් යොදා ගත යුතු බවත් පාර්ලිමේන්තුවේ ක්‍රම සහ විධි පිළිබඳ කාරක සභාවේ සභාපති පාර්ලිමේන්තු මන්ත්‍රී පාඨලී චම්පික රණවක මහතා පසුගියදා ප්‍රකාශ කළේය.
නොවැම්බර් 13 වැනිදා සිට සතියක් පුරා “Entrepreneurs Thrive Here” යන තේමාව යටතේ රටවල් 200කට වැඩි සංඛ්‍යාවක් ගෝලීය ව්‍යවසායකත්ව සතිය සමරනු ලබයි.
දීඝවාපිය මහාසෑයේ සිදුකෙරෙන ප්‍රතිසංස්කරණ කටයුතු සදහා රුපියල් මිලියන 4 ක මුදල් පරිත්‍යාගයක් චන්ද්‍රා සිල්වා මහත්මිය විසින් ශ්‍රී ජයවර්ධනපුර කෝට්ටේ හි පිහිටි ආරක්‍ෂක අමාත්‍යංශයේදී පසුගියදා භාරකතෘ සහ පළමුවන භාරකරු “ දීඝවාපිය අරුණභාරය” වන ආරක්‍ෂක ලේකම්, ජෙනරල් කමල් ගුණරත්න වෙත භාරදීම සිදුවිය.
ශ්‍රී ලංකාවේ කර්මාන්ත ක්ෂේත්‍රයේ දේශගුණ විපර්යාස පිළිබඳ ප්‍රතිචාර දැක්වීම කඩිනම් කිරීමේ ව්‍යාපෘතිය හරහා කර්මාන්තශාලා තුළ බලශක්ති කළමනාකරණය පිළිබද පුහුණුව ලද ප්‍රථම කණ්ඩායමේ පුහුණුලාභීන් 45 දෙනෙකු වෙත පසුගියදා සහතික පත්‍ර ප්‍රදානය කිරීම කර්මාන්ත අමාත්‍යාංශයේ ලේකම් තිලකා ජයසුන්දර මහත්මියගේ ප්‍රධානත්වයෙන් සිදු කෙරිණි.
අධ්‍යාපන අමාත්‍යාංශය නිකුත් කර ඇති නිවේදනයට අනුව සිංහල, දෙමළ සහ ඉංග්‍රීසි මාධ්‍ය සඳහා ජාතික පාසල්වල පවතින ගුරු පුරප්පාඩුවලට උපාධිධාරීන් බඳවා ගැනීමට අයදුම්පත් කැඳවා තිබේ .
කුළුබඩු සැකසුම් කර්මාන්තයේ යෙදී සිටින සුළු හා මධ්‍යම ප්‍රමාණයේ කර්මාන්තකරුවන්ගේ කුළුබඩු නිෂ්පාදන සඳහා ප්‍රමිතිය සහතිකකිරීමේ වැඩපිළිවෙළක් වහාම ආරම්භ කරන ලෙස කෘෂිකර්ම අමාත්‍ය මහන්ද අමරවීර මහතා ජාතික කුළුබඩු සංස්ථාවට උපදෙස් ලබා දී තිබේ.
අලි මිනිස් ගැටුම විසඳීම සඳහා කෙටිකාලීන හා දිගුකාලීනව වැඩසටහනක් ක්‍රියාත්මක කළ යුතු බවත් ඒ සඳහා වනජීවී හා වන සංරක්ෂණ දෙපාර්තමේන්තුව කඩිනමින් කටයුතු කළයුතු බවත් වනජීවී හා වන සම්පත් සංරක්ෂණ අමාත්‍ය නීතීඥ පවිත්‍රා වන්නිආරච්චි මහත්මිය පවසයි.
අමාත්‍යවරිය මෙම උපදෙස් ලබා දුන්නේ පොලොන්නරුව දිස්ත්‍රික්කයේ අලි උවදුර අවම කරලීම ගතයුතු ක්‍රියාමාර්ග සහ වන ජීවී බල ප්‍රදේශ හේතුවෙන් ජනතාව මුහුණ දෙන ගැටලු විසඳීම සඳහා ගතයුතු ක්‍රියාමාර්ග පිළිබඳ පොලොන්නරුව දිස්ත්‍රික් ලේකම් කාර්යාලීය ශ්‍රවණාගාරයේ දී ඊයේ පැවති විශේෂ සාකච්ඡාවේදීය.
දීර්ඝ කාලයක සිට වන සංරක්ෂිත ප්‍රදේශ තුළ ගොවිතැන් කටයුතු සිදු කරන , පාරම්පරික කර්මාන්තයන්හි නියැලෙන හා ජීවත්වන ගැටලු විසඳීම සඳහා ඔවුන්ගේ ඉඩම් හිමිකම් පිළිබඳ තොරතුරු කඩිනමින් අන්තර් අමාත්‍යංශ අනුකමිටුව වෙත දිස්ත්‍රික් ලේකම් මගින් යොමු කිරීමට අවශ්‍ය කටයුතු සිදු කරන ලෙස ප්‍රාදේශීය ලේකම්වරුන්ට මෙහිදී උපදෙස් ලබා දුන්නේය.
ජනගහනය වැඩිවීමත් , අලි ගහනය වැඩිවීමත් සීමිත භූමියක් ඇති ලංකාව වැනි රටකට බරපතළ අභියෝගයක් බව තේරුම් අරගෙන කටයුතු කළ යුතු බව එහිදී අමාත්‍යවරිය අවධාරණය කළේය.
මෙරට තේ වගාවෙන් ලැබෙන අස්වැන්න ඉහළ නැංවීම සඳහා අධි ඝනත්ව වගා ක්‍රමය හා නව තාක්ෂණය තේ වගා ක්‍රමය තුළත් ප්‍රචලිත කිරීමට කටයුතු කරන්නැයි කෘෂිකර්ම හා වැවීලි කර්මාන්ත අමාත්‍ය මහින්ද අමරවීර මහතා කුඩා තේවතු සංවර්ධන අධිකාරියට හා තේ සංවර්ධන අධිකාරියට උපදෙස් දුන්නේය.
ශ්‍රී ලංකාවේ සෞඛ්‍ය පර්යේෂණ ක්ෂේත්‍රය ප්‍රවර්ධනය කිරීමේ අරමුණින් සෞඛ්‍ය අමාත්‍යංශයේ අධ්‍යාපන, පුහුණු සහ පර්යේෂණ අංශය මගින් සංවිධානය කරන ලද ජාතික සෞඛ්‍ය පර්යේෂණ සම්මන්ත්‍රණය 2023 පසුගිය දෙදින (13-14) බත්තරමුල්ලේදී සාර්ථකව පැවැත්විණි.
නව සංවර්ධන ක්‍රමෝපායන් ශක්තිමත් කිරීමේ අරමුණින් ලංගම පුනර්ජීව වැඩසටහන යටතේ අම්පාර ටයර් කර්මාන්ත ශාලාවේ නිෂ්පාදන ධාරිතාව පුළුල් කිරීමේ ව්‍යාපෘතිය ප්‍රවාහන මහාමාර්ග හා ජනමාධ්‍ය අමාත්‍ය ආචාර්ය බන්දුල ගුණවර්ධන මහතාගේ ප්‍රධානත්වයෙන් ආරම්භ කෙරිණි.
2018 සිසු හෙද කණ්ඩායම යටතේ 2020.01.26 දින ආරම්භ කළ තුන් අවුරුදු හෙද පුහුණු පාඨමාලාව සාර්ථකව නිම කරන ලද සිසු හෙද හෙදියන් 2519 දෙනෙකු හට පත්වීම් ලබාදීම අග්‍රාමාත්‍ය දිනේෂ් ගුණවර්ධන මහතාගේ ප්‍රධානත්වයෙන් ඊයේ (17) සිදු කෙරිණි.
වර්තමානයේ බොහෝ පාසල් දරුවන් සහ දෙමව්පියන් නොනවතින තරගයක කොටස්කරුවන් වී සිටින බවත්, තරගයක වින්දිතයන් බවට දරුවන් පත්කිරීම වෙනුවට විෂය සමගාමී සහ විෂය පරිබාහිර ක්‍රියාකාරකම් සමග පුළුල් අත්දැකීම් පරාසයක් සහ කුසලතා අත්පත්කරගත හැකි මානව සම්පත් පාසල් පද්ධතිය තුළින් බිහි කළ යුතු බවත් අධ්‍යාපන අමාත්‍ය සුසිල් ප්‍රේමජයන්ත මහතා පැවසීය.
සෞඛ්‍ය අමාත්‍යාංශයේ නව ලේකම් ලෙස විශේෂඥ වෛද්‍ය පාලිත මහීපාල මහතා අද (20) පෙරවරුවේ සෞඛ්‍ය අමාත්‍යාංශයේ දී වැඩ භාර ගත්තේය.
මනුෂ්‍යත්වය අන් සියල්ලට ඉහළින් අගය කරන ජනතාවක් ලෙස සියලු භේද පසෙකලා, සහෝදරත්වයෙන් සහ අන්‍යෝන්‍ය අවබෝධයෙන් යුතුව එකිනෙකා වෙනුවෙන් යුතුකම් ඉටුකරන ජනසමාජයක් ගොඩනැගීමට දායකත්වය සැපයීමේ අරමුණ ඇතිව ‘’අපිට ඉන්නෙ අපි විතරයි’’ යන තේමාව ඔස්සේ සැලසුම් කරන ලද සංහිදියාවේ මනුසත්කාරය වැඩසටහන් පෙළේ ආරම්භක දැනුවත්කිරීම් සැසිය සර්ව ආගමික පූජකවරුන් සහ කම්කරු හා විදේශ රැකියා අමාත්‍ය මනුෂ නානායක්කාර මහතා ප්‍රමුඛ විශේෂ අමුත්තන්ගේ සහභාගිත්වය සහිතව පසුගියදා කම්කරු හා විදේශ රැකියා අමාත්‍යාංශ ශ්‍රවණාගාරයේදී පැවැත්විණි.
විදේශ රැකියා වල නිතර ගෘහ සේවිකාවන්ට කරදර සිදුවන බවට කෑ ගැසීමට රාජ්‍ය නොවන සංවිධාන ඕනෑ තරම් තිබෙන නමුත්, ඉතා සුළු වැටුපකට වහලුන් මෙන් සේවය ලබාගන්නා දේශීය ගෘහ සේවිකාවන් සම්බන්ධයෙන් හඬක් නැගෙන්නේ නැති බවත් කම්කරු හා විදේශ රැකියා අමාත්‍ය මනූෂ නානායක්කාර පැවසීය.
Page 80 of 717