කොළඹ සිට කන්කසන්තුරේ දක්වා ධාවනය වන යාල්දේවී දුම්රිය අද (11) දින සිට නැවත ධාවනය ආරම්භ කළ බව දුම්රිය දෙපාර්තමේන්තුව සඳහන් කරයි.
ඒ අනුව සඳුදා, බදාදා සහ සිකුරාදා දිනවල කොළඹ කොටුව සිට කන්කසන්තුරය දක්වා දුම්රිය ගමන් කරනු ඇත.
කන්කසන්තුරය සිට කොළඹ කොටුව දක්වා යාල් දේවී දුම්රිය ධාවනය කරනුයේ අඟහරුවාදා, බ්රහස්පතින්දා සහ ඉරිදා යන දිනවල පමණය.
වායු සමනය කළ පළමු පංතියේ මැදිරි 04කින් මෙම දුම්රිය සමන්විත වේ.
දුම්රිය දෙපාර්තමේන්තුවේ නිල වෙබ් අඩවියෙන් හෝ ආසන වෙන්කිරීමේ පහසුකම සලසා ඇති දුම්රිය ස්ථානයකට පැමිණීමෙන් ප්රවේශ පත්ර වෙන්කරගත හැකිය.
ආසන වෙන් කර ගැනීම සඳහා https://seatreservation.railway.gov.lk/ වෙත පිවිසෙන්න.
