දිවයිනේ සියලුම විශ්වවිද්‍යාල සිසුන් ඇතුළු අධ්‍යයන හා අනධ්‍යයන කාර්යය මණ්ඩල සාමාජිකයින්ට කොවිඩ් මර්දන එන්නත් ලබාදීම සම්බන්ධයෙන් අධ්‍යාපන අමාත්‍යවරයාගේ අවධානය යොමුව තිබේ.
සියලුම විශ්වවිද්‍යාල සිසුන්ට ද එන්නත් ලබාදෙන ලෙස උපකුලපතිවරුන් අමාත්‍යවරයාගෙන් ඉල්ලා සිටි බව අධ්‍යාපන අමාත්‍යාංශය සඳහන් කළේය.
කොවිඩ් -19 වසංගත තත්ත්වය හමුවේ විශ්වවිද්‍යාලවල මාර්ගගත ක්‍රමයට සිදුකරන අධ්‍යයන කටයුතුවල ප්‍රගතිය සොයාබැලීම සඳහා පැවැති සාකච්ඡාවක දී උපකුලපතිවරුන් එම ඉල්ලීම සිදුකළ බව අධ්‍යාපන අමාත්‍යාංශය සඳහන් කළේය.
ඒ අනුව මාර්ගගත අධ්‍යාපන ක්‍රමයේ පවතින ගැටලු මෙන්ම ඉදිරියේදී පැවැත්වීමට නියමිත විභාග සෞඛ්‍ය ආරක්ෂිත ලෙස සිදුකළ යුතු ආකාරය පිළිබඳවත් මෙහිදී දීර්ඝ ලෙස සාකච්ඡා කර තිබේ.
(Aruna)