කාති උසාවිය තුළදී මුස්ලිම් කාන්තාවන් විශාල අසාධාරණයකට ලක්වන බව මුස්ලිම් කාන්තාවක් ඊයේ (27 වැනිදා) ලිඛිතව ජනාධිපති ගෝඨාභය රාජපක්ෂට දැනුම් දී තිබේ.
මෙම කාන්තාව ජනාධිපතිවරයාට ඉදිරිපත් කළ ලිපිය මගින් පෙන්වා දෙන්නේ කාති උසාවිය මගින් ලබාදෙන නියෝග අසාධාරණ බවත් එහිදී මුස්ලිම් කාන්තාවන්ට පරුෂ වචනවලින් පවා බැණ වදින බවත්ය.
එම කාන්තාව ජනාධිපතිවරයාට බාර දුන් ලිපියේ,
‘‘මම දරුවන් දෙදෙනකුගේ මවක් වන අතර දික්කසාද වූ කාන්තාවක්. මගෙන් වෙන්වූ ස්වාමි පුරුෂයා දරු දෙදෙනාට ජීවන වියදම සඳහා හරියට ගෙවීමක් සිදු නොකරයි. එයට හේතුව කාති උසාවිය ලබාදුන් වැරදි නියෝගයක් නිසයි. මාගේ අසරණ භාවය කාති උසාවියට දන්වා සිටියත් ඒ සඳහා කිසිම සාධාරණයක් ඉෂ්ට කළේ නැහැ.
මේ සඳහා සානුකම්පිත අවධානය යොමු කර මා හට සාධාරණයක් ඉෂ්ට කර දෙන ලෙස ජනාධිපතිවරයාගෙන් ඉල්ලා සිටිමි’’ යනුවෙන්ද සඳහන් වේ.
(Lanka Leads)