නියෝජ්ය කථානායක ධුරය, කාරක සභා නියෝජ්ය සභාපති ධුරය ආණ්ඩු පක්ෂයට ලබා ගැනීම සඳහා සාකච්ඡාකර තීරණයකට එළැඹීමේ කාර්යය ආණ්ඩු පක්ෂය නියෝජනය කරන පක්ෂ නායකයන්ට පවරා ඇත.
ආණ්ඩු බලය හොබවන පාර්ශ්වයට කථානායක, නියෝජ්ය කථානායක සහ පාර්ලිමේන්තුවේ කාරක සභා නියෝජ්ය සභාපති ධුර හිමි නොවීම ගැටලු සහගත තත්ත්වයක් බැවින් මෙම තීරණය ගෙන ඇත.
ජනාධිපතිවරයාගේ ප්රධානත්වයෙන් පැවැති ආණ්ඩුවේ පාර්ලිමේන්තු මන්ත්රී කණ්ඩායම් රැස්වීමේදීද මේ පිළිබඳ සාකච්ඡා කළ බව එක්සත් ජනතා නිදහස් සන්ධාන මන්ත්රීවරයෙක් ‘ අරුණට’ ප්රකාශ කළේය.
කෙසේ වෙතත් කථානායක ධුරයෙන් ඉවත් වීමට කරු ජයසූරිය අකැමැත්ත ප්රකාශකර ඇති නිසා නියෝජ්ය කථානායක සහ කාරක සභා නියෝජ්ය සභාපති ධුර දෙක ආණ්ඩු පක්ෂය විසින් ලබා ගත යුතු බවටද මන්ත්රීවරුන්ගේ අදහසවී තිබේ.
ජනවාරි 03 වැනිදා පාර්ලිමේන්තුව කැඳවීමට පෙර ආණ්ඩු පක්ෂයේ පක්ෂ නායකවරුන් අගමැති මහින්ද රාජපක්ෂගේ ප්රධානත්වයෙන් රැස්වී මේ පිළිබඳව සහ පාර්ලිමේන්තුවේ සභානායක ධුරය , ආණ්ඩු පක්ෂයේ ප්රධාන සංවිධායක ධුරය පිළිබඳවද තීරණයක් ගැනීමට නියමිතව ඇතැයි මන්ත්රීවරයා සඳහන් කළේය.
(Aruna)