Saturday, August 30, 2025
Follow Us
ශ්‍රී ලංකාවට පැසසුම්

පරිසර අමාත්‍ය, වෛද්‍ය දම්මික පටබැඳි මහතා, ෆීජි රාජ්‍යයේ නාඩි හිදී මෙමස අගෝස්තු 26 දින සිට 29 වන දින දක්වා පැවැත්වෙන 6 වන ආසියා-පැසිෆික් අමාත්‍ය සහ පරිසර බලධාරීන්ගේ සංසදයට සහභාගී විය.

එක්සත් ජාතීන්ගේ පරිසර වැඩසටහන (UNEP) විසින් පවත්වනු ලබන මෙම වැදගත් කලාපීය වේදිකාව, සාමූහික පාරිසරික ප්‍රමුඛතා සහ ක්‍රියාමාර්ග පිළිබඳ සාකච්ඡා කිරීම සඳහා ආසියා-පැසිෆික් කලාපය පුරා සිටින අමාත්‍යවරුන් සහ ජ්‍යෙෂ්ඨ නිලධාරීන් එක්රැස් කරමින් සිදු කරනු ලබන වැඩසටහනකි.

සංසදයේ දී ද්විපාර්ශ්වික සාකච්ඡා කිහිපයක් පවත්වන ලද අතර, මෙම සාකච්ඡා ශ්‍රී ලංකාවට වැඩි පාරිසරික, තාක්ෂණික සහ ආර්ථික ප්‍රතිලාභ ලබා ගැනීම සඳහා කලාපයේ හවුල්කාර රටවල් සමඟ සහයෝගීතාව ශක්තිමත් කිරීම කෙරෙහි අවධානය යොමු කරන ලදී. එක්සත් ජාතීන්ගේ සහකාර මහලේකම් සහ එක්සත් ජාතීන්ගේ පරිසර වැඩසටහනේ නියෝජ්‍ය විධායක අධ්‍යක්ෂිකා Elizabeth Maruma Mrema මහත්මිය සමඟ පැවති ද්විපාර්ශ්වික සාකච්ඡාවේදී අමාත්‍යවරයා දේශගුණික වශයෙන් අවදානමට ලක්විය හැකි, සංවර්ධනය වෙමින් පවතින, දූපතක් වන ශ්‍රී ලංකාවට අවශ්‍ය ජාත්‍යන්තර සහයෝගීතාව අවධාරණය කරන ලදී. නියෝජ්‍ය විධායක අධ්‍යක්ෂිකා, UNEP මුලපිරීම් සඳහා ශ්‍රී ලංකාවේ ක්‍රියාකාරී මැදිහත්වීම අගය කළ අතර, ශ්‍රී ලංකාවට UNEP සහයෝගය තවදුරටත් ශක්තිමත් කරන බව යළි තහවුරු කරන ලදී.

මෙම සංසදයේ දී ශ්‍රී ලංකාව,7 වන එක්සත් ජාතීන්ගේ පාරිසරික සමුළුව සඳහා ළමුන් සහ තරුණයින් වෙනුවෙන් ( පාරිසරික හා දේශගුණික විපර්යාස හා සම්බන්ධ ක්‍රියාකාරකම් සඳහා ළමුන්ගේ සහ තරුණයින්ගේ අර්ථවත් සහභාගීත්වය වැඩි දියුණු කිරීම සඳහා) යෝජනාවක් ඉදිරිපත් කිරීමට අදහස් කරන බව පසුගියදා (28) පරිසර අමාත්‍යවරයා නිල වශයෙන් දන්වා සිටියේය.

මෙලෙස ළමුන් සහ තරුණයින්ගේ පාරිසරික හා කාළගුණික විපර්යාස වෙනුවෙන් වූ ක්‍රියාකාරීත්වය වැඩි දියුණු කිරීම සඳහා යෝජනාවක් ඉදිරිපත් කිරීමට පුරෝගාමීව කටයුතු කිරීම සමුළු නියෝජිතයින්ගේ විශේෂ පැසසුමට භාජනය විය.ආසියා ශාන්තිකර කලාපයේ පරිසර අමාත්‍යවරුන්ගේ සහ පරිසර අධිකාරින්ගේ 6 වන සංසදයේ ප්‍රධාන කණ්ඩායමක් වන නේපාලය, පිලිපීනය, ඉන්දියාව සහ ඉන්දුනීසියාවේ ළමුන්ගේ සහ තරුණයින්ගේ කණ්ඩායම අපගේ යෝජනාව පිළිබඳව ඔවුන් හා සමග කළ සාකච්ඡාවේ දී විශේෂයෙන් අගය කළේය.

එමෙන් ම පරිසර අමාත්‍යවරයා සහ මොන්ගෝලියානු පරිසර අමාත්‍ය Batbaatar Bat මහතා සමඟ ද්විපාර්ශවික සාකච්ඡා පැවැත්වූ අතර කාන්තාරකරණයට එරෙහිව සටන් කිරීම සඳහා වන එක්සත් ජාතීන්ගේ සම්මුතියේ මීළඟ සමුළුව මොන්ගෝලියාවේ දී පැවැත්වීමට නියමිත බැවින් ඒ සඳහා ශ්‍රී ලංකාවට ආරාධනා කරන ලදී. මෙම සාකච්ඡාවේදී විශේෂයෙන් අවධානය යොමු කළ කරුණු අතර, ජාතික ක්‍රියාකාරී වැඩසටහන් (NAPs) ක්‍රියාත්මක කිරීම ශක්තිමත් කිරීම සඳහා ඒකාබද්ධ ක්‍රියාමාර්ග ප්‍රවර්ධනය කිරීම සහ විශේෂයෙන්ම ප්‍රජා පාදක භූමි කළමනාකරණය පිළිබඳ අවධානය යොමු වූ ඇතැයි මෙම වැඩසටහන් සඳහා දේශීය ප්‍රජාවන්ගේ සහ සාම්ප්‍රදායික දැනුමේ සහභාගීත්වය ප්‍රවර්ධනය කිරීම පිළිබඳව මෙහිදී අවධාරණය කෙරිණි.