ශ්රී ලංකාව සමඟ නව ගුවන් ගමන් සම්බන්ධතාවක් ආරම්භ කරමින් චීනයේ ‘කැපිටල්’ ගුවන් සේවය (Capital Air Lines) බෙයිජිං නුවර, ඩැක්සිං (Daxing) ජාත්යන්තර ගුවන්තොටුපොළේ සිට ප්රථම මංගල ගුවන්යානය (Inogaral Flight) පසුගියදා(31) කටුනායක ගුවන්තොටුපොළට පැමිණියේය.
මේ මංගල ගුවන් ගමන සඳහා ඒ-330 එයාර් බස් ගුවන් යානයක් යොදවා තිබූ අතර, එම ගුවන් යානය කටුනායක ගුවන්තොටුපොළට පිවිසි අවස්ථාවේදී ජල ආචාර පවත්වා පිළිගනු ලැබීය. චීනයේ බෙයිජිං නුවර සිට පියාසර කළ කැපිටල් ගුවන් සේවයේ ජේ.ඩී. – 487 දරන ගුවන්යානය කටුනායක ගුවන්තොටුපොළට පස්වරු 01.46ට පමණ ගොඩබස්සවනු ලැබීය. එහි ගුවන් මගීන් 170ක් සහ ගුවන් යානා කාර්ය මණ්ඩලය 13ක් ද පැමිණ තිබේ.