ත්‍රිකුණාමලය දිස්ත්‍රික් ලේකම් ඩබ්ලිව්.ජී.එම්. හේමන්ත කුමාර මහතාගේ උපදෙස් පරිදි, දිස්ත්‍රික් මිනුම් ඒකක හා ප්‍රමිති සේවා දෙපාර්තමේන්තුවේ නිලධාරීන් ත්‍රිකුණාමල නගර ප්‍රදේශයේ විශේෂ පරීක්ෂාවක් සිදු කෙරිණි.
පසුගියදා (07) ත්‍රිකුණාමලය නගරය අවට ප්‍රදේශවල පොදු වෙළඳපොළවල්, සාප්පු සංකීර්ණ සහ වාණිජ ආයතනවල මෙම පරීක්ෂණ කටයුතු සිදු කෙරිණ.
නැගෙනහිර පළාත් මිනුම් ඒකක හා ප්‍රමිති සේවා දෙපාර්තමේන්තුවේ අධ්‍යක්ෂ වී. විග්නේෂ්වරන් මහතාගේ නායකත්වයෙන් යුතුව සිදු වූ මෙම පරීක්ෂණ කටයුතුවල දී පොලිස් නිලධාරීන්ගේ ද සහාය ඇතිව භාවිතයට නුසුදුසු තරාදි, මුද්‍රා නොකළ ශේෂ මිනුම් උපකරණ ආදිය භාවිත කරමින් ව්‍යාපාරික කටයුතුවල නියැලී සිටි වෙළඳුන්ට එරෙහිව නීතිමය පියවර ගන්නා ලදී.