State
සෞඛ්ය අමාත්යාංශ ලේකම්වරයාගේ අත්සනින් සියලුම නිලධාරීන් වෙත චක්රලේඛයක් නිකුත් කර තිබේ.
එම චක්රලේඛය පහත සඳහන් පරිදි වේ.
කඳුකර ජනතාව මෙරටට පැමිණ වසර 200ක් සපිරීම නිමිත්තෙන් දිවයින පුරා විශේෂ උත්සව රැසක්
මෙරට ජනතාවට අඛණ්ඩ පානීය ජල සැපයුමක් ලබාදීමේ අරමුණ ඇතිව නව ජල ගාස්තු සූත්රයක් සහ ප්රතිපත්තියක් නුදුරේදීම හඳුන්වා දෙන බව ජල සම්පාදන හා වතු යටිතල පහසුකම් සංවර්ධන අමාත්ය ජීවන් තොණ්ඩමන් මහතා පැවසීය.
එළැඹෙන මහ කන්නයේ දී තවත් රසායනික පොහොර වර්ගයක් නොමිලයේ ගොවීන්ට ලබාදීමට සැලසුම් කර ඇති බව කෘෂිකර්ම අමාත්යංශය නිවේදනය කරයි.
පොළොන්නරුව දිස්ත්රික්කයේ, හබරණ - මඩකලපුව A11 මාර්ගයේ අවදානම් සහිත ස්ථාන ලෙස හඳුනාගත් බටුඔය පාලම ඇතුලු පටු පාලම් කිහිපයක් ප්රවාහන, මහාමාර්ග සහ ජනමාධ්ය අමාත්ය ආචාර්ය බන්දුල ගුණවර්ධන මහතගේ විශේෂ නිරීක්ෂණයට ලක් විය.
රජයේ පාසල් සහ රජයේ අනුමත පෞද්ගලික පාසල්වල පළමු පාසල් වාරය 2023 ජූලි මස 21 සිකුරාදායින් අවසන් වන බව අධ්යාපන අමාත්යාංශය සඳහන් කරයි.
උසස් අධ්යාපන ක්ෂේත්රයේ පවතින විෂය නිර්දේශ අනාගත අභියෝගවලට ගැළපෙන ලෙස යාවත්කාලීන කළ යුතු බවත් ඒ සඳහා වන වැඩපිළිවෙලක් කඩිනමින් හඳුන්වා දීමට කටයුතු කරමින් සිටින බවත් උසස් අධ්යාපන රාජ්ය අමාත්ය සුරේන් රාඝවන් මහතා පැවසීය.
දිවයින පුරා ප්රධාන නගරවල පිහිටි රජයට අයත්, වාණිජ වටිනාකමකින් යුත් ඉඩම් මෙරට ආර්ථික සංවර්ධනයට ඵලදායීව දායක කර ගැනීමට හැකි වන අයුරින් ආයෝජකයන්ට ලබාදීමට පියවර ගන්නා බව නාගරික සංවර්ධන, නිවාස හා වෙරළ සංරක්ෂණ රාජ්ය අමාත්ය අරුන්දික ප්රනාන්දු මහතා පැවසීය.
උතුරු පළාතේ යාපනය සහ මන්නාරම සංචාරක ව්යාපාරය දියුණු කිරීම, වන්නියේ පොල් වගාව ප්රවර්ධනය කිරීම සහ “යාපනය” විශ්වවිද්යාල නගරයක් ලෙස ස්ථාපිත කිරීමේ අරමුණු පිළිබඳව උතුරු නැඟෙනහිර නියෝජනය කරන දෙමළ පාර්ලිමේන්තු මන්ත්රීවරුන් සමඟ ජනාධිපතිවරයා සාකච්ඡා කළ බව ජනාධිපති මාධ්ය අංශය සඳහන් කරයි.
- සියලු ඖෂධ පිළිබඳ විනිවිදභාවයක් අවශ්යයි
- ජනපතිගෙන් සෞඛ්ය බලධාරීන්ට උපදෙස්
ජනතාවට ඖෂධ ලබා ගැනීමේදී ප්රමාදයක් සිදු නොවන බවට සෞඛ්ය අමාත්යාංශය සහතික විය යුතු බවත් මෙරට ඇති සියලු ඖෂධ පිළිබඳ විනිවිදභාවයක් අවශ්ය බවත් ජනාධිපති රනිල් වික්රමසිංහ මහතා අවධාරණය කළේය.
සෞඛ්ය අමාත්යාංශය විසින් පවත්වාගෙන යනු ලබන විශේෂ වෙබ් අඩවියක් මගින් දිනපතා සෑම රෝහලක්ම සතු ඖෂධ ප්රමාණය සහ දිනකට ලබාගත හැකි මුළු ඖෂධ ප්රමාණය පිළිබඳ දත්ත ලබා දිය යුතු බව පැවසු ජනාධිපතිවරයා මෙම ජාලගත ක්රියාවලිය මගින් රෝහල් අතර ඖෂධ හුවමාරු කර ගැනීමටද අවස්ථාව උදාවන බව පෙන්වා දුන්නේය.
ජනාධිපති රනිල් වික්රමසිංහ මහතා මේ බව සඳහන් කර සිටියේ සෞඛ්ය ක්ෂේත්රයට අදාළ ගැටළු පිළිබඳ අද (14) ජනාධිපති කාර්යාලයේ පැවති සාකච්ඡාවේදීය.
මෙරට මතුව ඇති ඖෂධ හිඟය වහාම පියවීම සඳහා ජාතික ඖෂධ නියාමන අධිකාරි පනත (NMRA) සංශෝධනයට අදාළ යෝජනා කඩිනමින් ඉදිරිපත් කරන ලෙස ද ජනාධිපතිවරයා මෙහිදී සෞඛ්ය බලධාරීන්ට උපදෙස් දුන්නේය.
පවතින ක්රියා පටිපාටිය මත ඇතිව තිබෙන ඖෂධ හිඟය වළක්වා ගැනීමට එක්සත් ජනපද ආහාර හා ඖෂධ පරිපාලනය (FDA) විසින් අනුමත කර ඇති ඖෂධ සඳහා මෙරටදී යළි සිදු කරන අනුමත කිරීමේ ක්රියාවලිය කඩිනම් කරන ලෙස ද සෞඛ්ය බලධාරීන්ට දැනුම් දෙනු ලැබිණි.
එක්සත් ජනපද ආහාර හා ඖෂධ පරිපාලනය (FDA) හා එක්සත් රාජධානිය (UK) අනුමත කර ඇති ඖෂධ තවදුරටත් ජාතික ඖෂධ නියාමන අධිකාරියේ (NMRA) ක්රියාවලිය හරහා ඇණවුම් කිරීම වෙනුවට සෘජුවම ඇණවුම් කිරීමට ඇති හැකියාව සොයා බලන ලෙස ද ජනාධිපති රනිල් වික්රමසිංහ මහතා නිලධාරීන්ට උපදෙස් දුන්නේය.
2024 වර්ෂය අවසානය දක්වා වෛද්යවරුන්ගේ විශ්රාම වයස අවුරුදු 63 තෙක් දීර්ඝ කිරීමටත්, විශේෂ අවස්ථාවන්හිදී සෞඛ්ය අමාත්යාංශයේ අවශ්යතාවය අනුව ඒ සම්බන්ධව වැඩිදුර තීරණ ගැනීමටත් කැබිනට් මණ්ඩලය විසින් පත් කරන ලද අනුකමිටුව විසින් ඉදිරිපත් කරන ලද වාර්තාවක් මත පදනම්ව, ජනාධිපති රනිල් වික්රමසිංහ මහතා විසින් සෞඛ්ය අමාත්යවරයාට සහ නිලධාරීන්ට උපදෙස් ලබා දෙනු ලැබීය.
හෙද හෙදියන් බඳවා ගැනීමේදී කලා විෂය ධාරාව හැදෑරුවන් හෙද පුහුණුව සඳහා බඳවා ගැනීමට හැකිවන ලෙස රෙගුලාසි සංශෝධනය කළ යුතු බවද ජනාධිපතිවරයා සඳහන් කළේය.
රටට ආනයනය කරන ලද ඖෂධ, උපකරණ සහ එන්නත්වල ගුණාත්මකභාවය සම්බන්ධ ගැටළු සහ සෞඛ්ය සේවා ආයතනවල කාර්ය මණ්ඩලවල නොසැලකිලිමත් බව නිසා සිදුවූ බව පැවසෙන මෑත කාලීන සිදුවීම් පිළිබඳවද මෙහිදී අවධානය යොමු විය.
නියමිත වේලාවට ගෙවීම් සහතික කිරීම, වෙනත් අරමුණු සඳහා අරමුදල් යෙදවීම වැළැක්වීම හා, වෛද්ය උපකරණ සඳහා හිඟ ගෙවීම් මෙන්ම සේවා ගිවිසුම් පිළිබඳව ද මෙහිදී සාකච්ඡාවට ලක් විය.
මූල්ය විනිවිදභාවය පවත්වා ගැනීම වෙනුවෙන් ලියකියවිලි සඳහා අදාළ බලධාරීන් අත්සන් තැබීමේ අවශ්යතාවය ද ජනාධිපතිවරයා පෙන්වා දුන්නේය.
ජාතික ඖෂධ නියාමන අධිකාරියේ කටයුතු පිළිබඳ සොයා බලා සති දෙකක් තුළ වාර්තාවක් ඉදිරිපත් කිරීමට මහා භාණ්ඩාගාරයේ නියෝජිතයෙකුගෙන් සමන්විත කමිටුවක් පත් කිරීමට ද ජනාධිපති රනිල් වික්රමසිංහ මහතා විසින් කටයුතු කරනු ලැබීය.
ශ්රී ලංකා වෛද්ය සභාව තුළ මෙතෙක් ලියාපදිංචි වී නොමැති වෛද්ය නිලධාරීන් සම්බන්ධයෙන් අදාළ රෙගුලාසි සති දෙකක් තුළ සංශෝධනය කිරීමට ද ජනාධිපතිවරයා නිලධාරීන්ට උපදෙස් දුන්නේය.
සෞඛ්ය අමාත්ය කෙහෙළිය රඹුක්වැල්ල, ජාතික ආරක්ෂාව පිළිබඳ ජනාධිපති ජ්යෙෂ්ඨ උපදේශක හා ජනාධිපති කාර්ය මණ්ඩල ප්රධානී සාගල රත්නායක, ජනාධිපති ලේකම් සමන් ඒකනායක, අග්රාමාත්ය ලේකම් අනුර දිසානායක, සෞඛ්ය අමාත්යාංශයේ ලේකම් එස්.ජේ.එස්. චන්ද්රගුප්තා, නියෝජ්ය භාණ්ඩාගාර ලේකම් ආර්.එම්.පී. රත්නායක යන මහත්වරු සහ රේඛීය රාජ්ය ආයතනවල ප්රධානීහුද සෞඛ්ය සේවා අධ්යක්ෂ ජනරාල් වෛද්ය අසේල ගුණවර්ධන මහතා ඇතුළු සෞඛ්ය ක්ෂේත්රයේ ජ්යෙෂ්ඨ නිලධාරීහු මෙම සාකච්ඡාවට එක්ව සිටියහ.
සංචාරක ආකර්ෂණයට ලක්වූ වෙරළ කලාප 24ක නව ආයෝජන අවස්ථා – නාගරික සංවර්ධන, නිවාස හා වෙරළ සංරක්ෂණ රාජ්ය අමාත්ය අරුන්දික ප්රනාන්දු.
නව ගුවන් හමුදාපති එයාර් මාර්ෂල් උදේනී රාජපක්ෂ මහතා අද (17) අග්රාමාත්ය කාර්යාලයේ දී අග්රාමාත්ය දිනේෂ් ගුණවර්ධන මහතා හමු විය.
75 වන නිදහස් සමරුවට සමගාමීව මෙරට ග්රාමීය මාර්ගවල පොදු ප්රවාහන සේවාවන් ශක්තිමත් කිරීම උදෙසා ලංකා ගමනාගමන මණ්ඩලය මගින් නව බස් රථ 500ක් ධාවනයට එක් කිරීමේ වැඩසටහන යටතේ, යාපනය ප්රදේශයේ ග්රාමීය මාර්ග වල ධාවනය උදෙසා නව බස්රථ 24ක් ධාවනයට එක් කිරීම ප්රවාහන, මහාමාර්ග හා ජනමාධ්ය අමාත්ය ආචාර්ය බන්දුල ගුණවර්ධන මහතාගේ ප්රධානත්වයෙන්යාපනයේදී සිදු කෙරිණි.
ජනාධිපති රනිල් වික්රමසිංහ මහතා ඉන්දියාවේ දෙදින නිල සංචාරයක් සඳහා අද (20) පස්වරුවේ දිවයිනෙන් පිටත්ව යාමට නියමිත බැවින් ජනාධිපතිවරයා දිවයිනෙන් බැහැර වන එම කාලසීමාව තුළ ජනාධිපතිවරයා යටතේ පවතින අමාත්යාංශවල රාජ්ය අමාත්යවරුන්ට වැඩබලන අමාත්ය ධූරයන්හි වගකීම් පවරා තිබේ.
රාජ්ය පරිපාලන චක්රලේඛ ලිපි : ??/????(???) ජ්යෙෂ්ඨතාවට හා විශ්රාම වැටුපට හානියක් නොවන පරිදි රාජ්ය නිලධරයන්ට දේශීය/ විදේශීය වැටුප් රහිත නිවාඩු ලබාදීම සම්බන්ධයෙන් චක්රලේඛයක් නිකුත් කර තිබේ.
ජනාධිපති ලේකම් සමන් ඒකනායක මහතා ජනාධිපතිවරයා සමඟ ඉන්දීය නිල සංචාරයට එක්ව සිටින බැවින් වැඩබලන ජනාධිපති ලේකම් ලෙස චාන්දනී විජේවර්ධන මහත්මිය පත් කර තිබේ.
ඖෂධ සම්බන්ධයෙන් එල්ල වන චෝදනා පිළිබඳව කරුණු සොයාබැලීමට සෞඛ්ය අමාත්ය කෙහෙළිය රඹුක්වැල්ල විශේෂඥ කමිටුවක් පත් කර තිබේ.
“යළි පිබිදෙන ශ්රී ලංකා සිවිල් ගුවන් සේවා කර්මාන්තය”
ශ්රී ලංකා සිවිල් ගුවන් සේවා අධිකාරිය, ජාත්යන්තර ගුවන් ප්රවාහන සංගමය සමඟින් එක්ව සංවිධාන කළ දෙස් විදෙස් ගුවන්සේවා ක්ෂේත්රයේ විද්වතුන් සහභාගී වන දැනුම හුවමාරු කර ගැනීමේ වැඩමුළුවක් සහ ප්රවෘත්ති සාකච්ඡාවක් අද (14) කටුනායක, ශ්රී ලංකා සිවිල් ගුවන් සේවා අධිකාරි ශ්රවණාගාරයේ දී පැවැත්විණි.
Page 62 of 637