චරිත සහතික දෙන්න කලින්...
මොහොතක් හිතන්න!
මිනිහෙක්ව මනින්න කලින්
ඔහුගේ කතාවත් අහන්න...
මොකද අපි දකින මුහුණට පිටුපස
අපි නොදන්න කතා දහසක්
හැංගිලා තියෙන්න පුළුවන්...!
කෙනෙක්ගේ වැරදි දකින්න
ලෝකයට ඇස් දහසක් තිබුණට,
ඒ වැරදි පිටුපස තිබුණු
හේතු තේරුම් ගන්න
හදවත් තියෙන්නේ හරිම ටිකයි...!
අපිට නරක මිනිහෙක් වුණ කෙනෙක්
තවත් කෙනෙකුගේ ජීවිතයේ
හොඳම ආරක්ෂාව වෙන්න පුළුවන්...
ලෝකයක් ප්‍රතික්ෂේප කළ හදවතක්
එකම එක මනුස්සයෙකුට
ආදරයෙන් පිරුණු නවාතැනක්
වෙන්නත් පුළුවන්...!
ඒ නිසා...
අනුන්ගේ ජීවිතවලට
තීන්දු ලියන්න කලින්
අපේ දැනුමේ සීමාව හඳුනාගන්න...
මොකද අපි දකින්නේ
මනුස්සයෙකුගේ එක පැත්තක් විතරයි,
ඔහු ජීවත් කරන මුළු කතාවම නොවෙයි...!
මතක තියාගන්න...
හැම පෙනුමක්ම සත්‍යයක් නොවෙයි,
හැම චෝදනාවක්ම සාධාරණත් නොවෙයි...
කෙනෙකුගේ චරිතයට
මුද්‍රාවක් ගහන්න කලින්
අපි නොදන්නා ඔහුගේ කතාවටත්
ටිකක් ඉඩ දෙන්න...!
ගමගේ සමන්මලී