හිත දවන පාළුවක් නුවර සිරි මකනවා
මොකක්දෝ අඩුවක් හිතම පාරවනවා
එදා ගිය මාවතේ අඳුර රජ කරනවා
කලබලෙන් වගෙ පිරිස එහෙ මෙහේ ඇදෙනවා
හිතක් නෑ රැඳෙන්නට මතකයක් දවනවා
හොයන්නත් නෑ වගේ කොහේදැයි හොයනවා
හිටි හැටියෙ දකින රූ මුලාවක රඳනවා
නැතිද ආයේ එන්නෙ කියල මට හිතෙනවා
නෑවිදින් ඉනු එපා මග බලන් ඉන්නවා
රිදුන හිත් සැනසෙන්නෙ කොහොමදැයි හිතෙනවා
මම වගෙම තව ගොඩක් දුකින් ඉකි ගසනවා
නුඹ ආයෙ ආවොතින් සැනසුමක් ලබනවා.
-සාගර කුමාර සෙනෙවිරත්න ,USP