පාලු කතරක අතරමං වුණු
සොයාගනු බැරි සිතාගනු බැරි
සෙනෙහසක් නෑ කියා විදවන
තනිකමට කර ගැහුව සමහරු
සොයන්නෙම ආදරේ
අවශ්‍යම විට සොයා නාවද
නොසිතු දිනකදි ඒවි නිහඬව
හදුන ගන්නේ පැතූ පැතුමෙන්
ඒ තමයි ආදරේ
නාදුනන ලෙස ගමන් ගත්තත්
තමා කරනව ඇත්ත ආලය
මුල්ම පෙම මෝරන්නෙ හිතටයි
වශී වන්නේ බලන බැල්මට
ඒ තමයි ආදරේ
හිනා මවමින් ගෙවන දවසට
සම වෙන්න බෑ තවත් නදකට
වදන එනිසයි ඇහුනෙ මදුරව
සවන එතරම් පිනෙව් ඒ හඩ
ඒ තමයි ආදරේ
දැනෙන විලසට පාන මායම
හොඳට දන්නව හලන බව මදු
මගේ නමටයි, ඇගෙත් ආසම
දුන්නෙ ඒකයි නිතරෝම ඉගි
ඒ තමයි ආදරේ
ගෙවී කලකුත් බැදී ප්‍රේමය
මගේ ඇය දැන් මගේ ප්‍රේමිය
හිටියෙ හැමවිට සතුටු තැන්වල
හිතේ ඉන්නා හැටී
ඒ තමයි ආදරේ
විටෙක වෙනවා රණ්ඩු සරුවල්
යනවා මොහොතින් පුංචි කාලෙට
සරසමින් දෝ දෛවයේ විහිලු
ආදරේටත් ඇති වෙයි විරාම
ඒ තමයි ආදරේ
විටෙක ඒවි නොයෙක් බාදා
ගැටලු එන්නේ කලින් කියලද
මගේ දුක ගෙන ඇගේ ඇස්වල
පිරෙන්නෙම කදුලු
ඒ තමයි ආදරේ
පටන් ගන්නේ අවසානයෙන් පසු
ඇය ලෑස්තියි මගේ වෙන්නට
අදහගන්නට බැරි දිනක් මේ
පටලමින් දෙන්නාගෙ අතැඟිලි
මේ තමයි ආදරේ
-ඒෂාන් නදීක