මහමෙර තරමට දුක්ගිනි උහුලා මා දැඩිකල මගේ අප්පච්චි

මගේ ජිවිතයට ආලෝකය දුන් හිරු කිරණයි නුඹ අප්පච්චි

මගේ ජිවිතයේ ඉඩෝරයට නුඹ වැටෙනා වැහිදිය අප්පච්චි

 

සැපදී මා හට නුඹ දුක් වින්දෙ දරු පෙම හින්දද අප්පච්චි

මුතු බිහි කරලා අනුනට බෙදනාමුතුබෙල්ලෙකු මෙනි අප්පච්චි

දිව රෑ වෙහෙසී දුක් ගිනි වින්දා මා වෙනුවෙන් නුඹ අප්පච්චි

සසර වසන මේ හැම අත්භවයෙම වෙනවද නුඹ මගේ අප්පච්චි

 

රලු ම රලු පපුතුරෙන් දොරේ ගලනා සෙනේ ගඟ නුඹයි අප්පච්චි

දුවෙකුගේ ලෝකයෙන් දුර නොගිය සෙනෙහස නුඹයි අප්පච්චි

නොදුටු දෙවියන් කුමට දුටුව දෙවියන්

නුඹයි අප්පච්චි

ආයු සැප බල ලැබී දින දින වැජඹෙන්න මගේ ලොවේ අප්පච්චි 

 

- සචී මදුෂානි මානගේ