පණුවොත් බඩේ දගලනවා
උඩ පැනලා
දැන්නම් ඇතේ හොඳටම
බඩගිනි දැනිලා
ඉවසන් ඉන්නෙ කොහොමද
හනිකට දෙන්න හිමියනි
කිරි ටික හදලා....
අම්මා එක්ක කැලයේ
මම සිටිද්දී
වෙඩි පහරකින් ඇගෙ
පණනල සිදෙද්දී
ගෙනවිත් කුටිය වෙත
ඇතිදැඩි කරද්දී
සෙනෙහස හදට දැනුණා
නෙතු තෙමෙද්දී.......
අම්මා නැති අඩුව මට
ඇතිවෙන්න නොදී
රැක්කා නිතර කරුණාවෙන්
සෙනෙහෙ දිදී
තිස් තුන් කෝටියක් දෙවියන්
බැල්ම වැදී
ඔබ ගුණ වැයීමට හෝඩියෙ
අකුරු මදී.....