විසිරි පෙති දිනෙක බඹර තුඩු සැරින්
යලි එක්කරනු බෑ විලඳ මී පැණින්
තබා පූජාසනයක පුරා හද බැතින්
පතනු කෙලෙසද සසර කෙලවර ඉතින්
රේණු බිඳි නොම නතර වී නම්
තලා පොඩි කල පෙති තවම ඇති නම්
සුවඳ ඉඳ හිටක විහිදයි නම්
කමක් නැ මන් මලේ ළඟ ඉන්නෙම්
රොන් ගත්ත බඹරුන්ව නොඅසන්නම්
රිදුණු තැන් වල පිරිත් පැන් ගවසන්නම්
අඟුල් මල් ගෙන් පිහිට ඉල්ලුවෙනම්
මගේ වගෙ ඒ කැකුළු සුරකින්නම්
කලක ප්රේමෙන් රැක්ක මල හින්දා
පැන් ඉසා පෙති ඉම්බ සඳ හින්දා
රොන් සලා පර වෙන්න ඉස්සෙල්ලා
යලිත් ජීවය දෙමී පෙම හන්දා
ලුසී