බෙහෙත් පෝලිමෙ දෙවනි බංකුවෙ
හිටියෙ ලස්සන තරුණයෙක්
කඩිමුඩියෙ ඔහු මවෙත ඇවිදින්
කිව්වෙ වැරදුන බව වැඩක්
වචන පැටළුන කොළුවගේ මුව
තෙමිල දහඩිය බිදු වලින්
මැණික මටනම් බයක් දැනුනා
සමාජයෙ හැටි දුටුව මං
සති දෙකට දින ලගයි කියමින්
කොළුව ඇසුවේ කැත වැඩක්
මටම ලැජ්ජයි මැණික අදනම්
වෙද නලාවට ගිය කලක්
අහස ගොරවන් වැහි වලාවක්
බිමට වැටුනා හෙමි හෙමින්
තවම තරුණයි කෙල්ල කියමින්
කොල්ල පෙන්නුව යන්තමින්
අනේ දෙයියනෙ අපේ දුවමයි
අදහගන්නට බැරිකමින්
කකුල් දෙක මගෙ පන නැතිව ගියෙ
කුමක් වෙන්නද නොදනි මං
වෙද නලාවෙම මරණෙ එන්නට
ගියේ තප්පර දෙක තුනෙන්
කොහොම ඉවසන් ඉන්නදෝ මම
මගෙම දුව අද ගැබණියක්
මගේ කාමරෙ මැද බාල්කෙට
දැම්මෙ මම පොඩි තොණ්ඩුවක්
මැණිකෙ මටනම් ඉවසන්න බෑ
හුස්ම හිරවුනෙ දුකට බං....
- Achintha Giwantha