යුධ වැදුණු සුදු පාට
කාල තුවක්කු අඬ පණයි
විදි සැරින් පිණි බෝම්බ
අහස් කුසුම ගැබ්බර යි...
එතී ඇලිලා බඳේ හිරවුණු
තෙතට ඇලවෙන බඳේ පතුළක
ගොලුබෙල්ලො පැණි බී නටයි...
හීං සීරුව වේග රිද්මෙන්
අලු පාට කුස් වැසි මවයි
වියළි පත් වුව තණ'ඟ සිඹිනා
හඬ ත් ඇහුණා තරම් නිහඬ යි...
ලාම උණ දලු වැස්සෙ දිය වී
කාල තුවක්කුවෙ තුඬ සිඹී
ක්ෂීර පතයක වර්ණ කැවිලා
කාල තුවක්කුව ගිණි ගනී...
ඌෂ්මායුවේ රස්නෙ දැනිලා
නිදිකුම්බා කොළ නිදි වදී
පිපිරි නිදියන කාල තුවක්කුවෙ
සුවඳ නො කියූ රහසකී........
සාක්ෂි බාඳුරා