නිසග පවනේ හෙලන දහදිය පෙනේ මිණි මුතු පොදක් විලසින්
ගතෙහි දැවටුන නේක කොළ අතු ඔබට ගෙනදෙයි සිනාවක් පොඩි
නේක ලියකම් දමාගෙන ඔබ සදාගත් මේ සිරිය මනරම්
එදා වාගෙම අදත් පිපුණා ඔබේ මිදුලෙත් අරලියා මල්
ගෙදර වත්තේ තිබෙන බංකුව එදාවාගෙම අදත් එහි ඇත
නෑර ලොලයන් වඩවඩා එන රංචු ගිරවුන් ගස්පුරා ඇත
ගෙදර තිබෙනා එකම පුටුවට පොර බදින පොඩි පැටව් එහි ඇත
ඇන්ද සරමත් වටින ගමනට ගෙදර පිලිකන්නට දමා ඇත
වත්ත පිටියේ තිබෙයි තවමත් මැකෙන පා සටහන් ඔබේ
එහිම තිබෙනා පුංචි මඩුවත් සිඹියි පා සටහන් ඔබේ
Vosandi Dissanayake