උපන්නේ නැතුවාට කුසයේ
නෑ කිසිම අඩුවක් කලේ
තුරුලේ උණුහුම දිදී නලවා
නිදි සුවේ සැදු උර තලේ
පරිස්සමටම තියා සුවඳින්
පැලකරන් නුඹේ හිත් විලේ
සෙත් පිරිත් කියුවේ රකින්නයි
ආත්තම්මා හැම වෙලේ
වැටි වැටී නැගිටින්න හදනා
ජීවිතේ ළඟ රැකවලේ
දැල්වෙනා රන් පහන් එළියයි
සදා නොනිවෙන බුදු පැලේ
ආදරේ හින්දාම මතුරන
අසිරි දෙන පැතුමක බලේ
ආත්තම්මා තමයි සොඳුරුම
දේවතාවිය මිහිතලේ
? : අන්තර්ජාලයෙන්.
- මාලිකා මිස්කින් -