ඉගෙන ගන්නට නැත කිසිත් කාලයක් අපට
තෙල් නැති තාත්තා සල්ලි උපයන්නේ කෝම
නංගියි මමයි තල්ලු කලේ පෝලිම ලගට
අදවත් යන්න හම්බෙයිද අපට රෑ බතට

ගෑස් පෝලිමෙි ඉන්නෙ අපෙ අම්මා
උදේ කහට එකත් බොන්න සීනිත් නැතුවා
බේත් නැතිව ආච්චිටත් අසනීප වුනා
හමුදා මාමිලා නොදකින්නේද අප විදින දුකා

වැස්සට තෙමිලා පෝලිමෙ හිටි හින්දා ඊයේ
මල්ලිත් කහිනවා පිරිටන්වත් නෑ ෆාමසියේ
අරගලයට කෑගැහුවට ලොකු අයිය පොලිසියේ
කවදද අපි එකතුවී මුං පටවන්නෙ මුරුසියේ

පොත් ටික ගන්න බෑ ගිනි ගනන් ගිහින්
ලාම්පුවට තෙල් නෑ පාඩම නවතා නිදාගනින්
අම්මා කිව්වෙ අහිතකට නෙවෙි හරිම දුකින්
කම්පා වෙනවා දියවන්නා උන්ගෙ නමින්

නදීෂ නිර්මාණ හේරත්