කාලගුණ විද්යා දෙපාර්තමේන්තුවෙන් නිවේදනයක්
දිවයින ආසන්නයේ පවතින අඩු පීඩන කලාපය තවදුරටත් ශ්රී ලංකාව ආශ්රිතව ස්ථානගතව පවතින බව කාලගුණ විද්යා දෙපාර්තමේන්තුව පවසයි.
උතුරු, උතුරුමැද, වයඹ, නැගෙනහිර සහ ඌව පළාත්වල විටින් විට වැසි හෝ ගිගුරුම් සහිත වැසි ඇති වේ.
දිවයිනේ සෙසු ප්රදේශ වල විශේෂයෙන් සවස් කාලයේදී හෝ රාත්රී කාලයේදී තැනින් තැන වැසි හෝ ගිගුරුම් සහිත වැසි ඇති වන බව කාලගුණ විද්යා දෙපාර්තමේන්තුව කළ නිවේදනයේ සඳහන් වේ .
උතුරු, උතුරු-මැද, වයඹ, මධ්යම, සබරගමුව සහ ඌව පළාත්වලත් ත්රිකුණාමලය දිස්ත්රික්කයේත් ඇතැම් ස්ථානවලට මි.මී 100 ට වැඩි තද වැසි ද ඇතිවිය හැක.
ගිගුරුම් සහිත වැසි සමග ඇතිවිය හැකි තාවකාලික තද සුළං වලින් සහ අකුණු මඟින් සිදු වන අනතුරු අවම කර ගැනීමට අවශ්ය පියවර ගන්නා ලෙස කාලගුණ දෙපාර්තමේන්තුව ජනතාවගෙන් ඉල්ලා සිටී.
මේ අතර, පවතිව අධික වර්ෂාවත් සමග දැදුරු ඔය ජලාශයේ වාන් දොරටු 04 ක් අඩි 03 බැගින් මේ වන විට විවෘත කර තිබේ.
ආපදා කළමණාකරණ මධ්යස්ථානය පැවසුවේ තත්පරයට ඝන අඩි 8,400ක් එම වාන් දොරටුවලින් නිකුත් කරමින් පවතින බවය.
(Aruna)